1 SAMUEL 20:41 - KITAB NU TUMPU ALLA LELE MA'IMAI'

⁴¹ Salatan anak aijo' nambamo, i Daud nosabatmo mae i sambiha' nu tambulan nu batu aijo', lantas nonsombahmo pinintolun. Ia tiba i Yonatan ua-ua aha aijo' ihumangmo hau-haunyo aha nompaha o'okimo. Kasusa'an anu nu oa'i i Daud lebe daka' molingkudui kasusa'an anu nu oa'i i Yonatan.

1 SAMUEL 20:41 ပူးပေါင်းရင်းမြစ်များ

KAJADIAN 29:11

Lapas aijo' ingookannyomo na i Rahel, ka' i humang kalana nolibosmo.

KAJADIAN 29:13

Salatan i Laban nohongomo lele mongkona i Yakub, ponuanakonnyo aijo', nopadeka'mo na ia namba nonsingkaboti. I Laban nontanggogolimo i Yakub ka' nongooki ia, lantas nomboamo ninsoop i laigan. Salatan sinisikmo i Yakub na han iwi-iwi' mongkona butongnyo hi Laban,

KAJADIAN 33:4

Panyo i Esau nopadeka'mo mae nonsingkabotimo i Yakub, lantas tinanggogolannyomo ka' ingookannyomo. Ka' ua-ua'aha na mian aijo' nompaha huma-humangmo.

KAJADIAN 42:6

Anu mompobaluk gandum hi to mia-mian anu nolengkat mae i songko-songko na dunia aijo'mo i Yusuf, salaku gubernur kiijo' i Mesir. Kalana aijo' to utu-utus tu'a i Yusuf tinokamo ka' tinolo dadupu i ahopnyo.

KAJADIAN 43:28

Tinaaman nu aha, “Posaihon nu belento Tuan, tuuma mami, ma'ima' na lelenyo.” Lantas aha dinumaladupumo nonsombah hi ia.

KAJADIAN 45:15

Lapas aijo', hau-haunyo daagi' humang, i Yusuf nontanggogolimo iwi-iwi' na to utu-utusnyo, ka' nongookimo aha. Lapas aijo' aha lewa'mo binasale' tiba ia.

2 SAMUEL 1:2

Dodododopnyo tinokamo na olitau samian anu lengkat mae i binakemah'an i Saul. Salaku tanda sinusa'mo kalana ko anumo sinilaka baju'nyo binea-beaknyomo ka' pino una'annyomo tano' aita i ubaknyo. Ia nambamo hi Daud ka' toka tinolodadupu i ahopnyo nonsombah ia.

2 SAMUEL 1:26

O utusku Yonatan, kinyonyoangku sinusa'mo hondo ka' nolibosmo, kalana beleyum ko angga'nyo hondo hi belengku. Kalibosan nu beleyum hi belengku talasanggo hondo.

2 SAMUEL 14:4

Lantas nambamo na boune aijo' nangadap hi tomundo' ka' ia tinolodadupumo ka' nonsombah ka' notatae, “Tuanku Anu Talasanggo, tulungiakon mae na aku!”

2 SAMUEL 19:39

Lapas aijo' i Daud tiba suludadunyo iwi-iwi' notaapmo i Kaunyo nu Yordan. Lantas ingokanmo i Daud na i Barzilai ka' siniloloamo hi ia. Lapas aijo' ninsusule'mo na i Barzilai ilaigannyo.

2 SAMUEL 9:6

Anak mo'ane i Yonatan aijo' sanggonyo i Mefiboset. Salatan ia tinokamo ia tinolodadupumo noholomati i Daud. I Daud nolagamo ia tukoonyo, “Mefiboset”, sahingga tinaamannyomo, “Ii' kita Tomundo.”

1 TOMU-TOMUNDO' 1:16

I Batsyeba tinolodadupumo i ahop hi tomundo' lantas pinokilawamo i tomundo' na ia, “Apaa na anu nu kahanda'i mae?”

1 TOMU-TOMUNDO' 1:23

lantas pinoto'imo hi tomundo' na kahanda' i Natan tinoka mae. I Batsyeba nosabatmo ka' i Natan ninsoopmo, lantas tinolodadupumo i ahop nu tomundo'.

1 TOMU-TOMUNDO' 1:31

Sahingga tinolodadupumo na i Barsyeba ka' notatae, “Higahiakon mae na kita mian daka' anu talasanggo sampe toka sidu-sidutu'!”

SISIKON NU TO RASUL-RASUL 20:37

Aha iwi-iwi' i humaang ka' nontanggogoli i Paulus ka' nontaloakon o pia mae i jalan.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 18:3

Kalana aijo' i Yonatan binasumpa'mo da mobela'mo tiba i Daud sampe toka sidu-sidutu'.

1 SAMUEL 20:40

Lapas aijo' binee'mo i Yonatan na pana' aijo' hi anak aijo' ka' sinainyomo na ia da minsusule'mo i kota.

1 SAMUEL 24:9

I Daud suele nosabatmo i liang aijo' ka' noloboo'akon mo aijo' mae ihiku i Saul, “O Tomundo'!”

1 SAMUEL 25:23

Salatan tinoamo i Abigail na i Daud ia sampamo nintatau' i keledainyo lantas tinolodadupumo i tengke i Daud,