1 SAMUEL 20:32 - KITAB NU TUMPU ALLA LELE MA'IMAI'

³² Jadi tinaamanmo i Yonatan, “Kadaka' ia tionyo ahi' opateimo? Apaamo na dosa'nyo?”

1 SAMUEL 20:32 ပူးပေါင်းရင်းမြစ်များ

KAJADIAN 31:36

Sahingga pinusamo na i Yakub, “Palabuatan anu ma'idek apaa na anu binaungkumo?” Pinokilawanyo hau-haunyo ia pusa. “Apaa na kasala'anku sahingga kita Babo' nololoi'mo mae aku?

AMSAL 22:24

Bolimo mosangalu tiba mian anu mongka'ima'i pusa ka' sampa pusa.

ANU MOMPOLELE POTATAE NU TUMPU 7:9

Boli malia' sampa mapanas na kinyonyoa; ola mian anu ponga' na saja monginau' ingunyo ikinyonyoanyo.

ANU MOMPOLELE POTATAE NU TUMPU 9:3

Jadi nasib anu pokakana suele mongkona ahi' aha iwi-iwi'. Ka' aijo' sa'angu' na han anu momposusa' kinyonyoa susumo suele iwi-iwi' na anu jinadimo i dunia. Tempo'nyo ia daagi tutuu' kinyonyoanyo nu pobuke'i nu pikilan anu ma'idek ka' mule' nu pobuke'i nu kaponga'an. Lantas monti-montik nu kabotmo na ukunnyo.

YEREMIA 17:9

Kinyonyoa nu manusia na madi' ahi' opoko ala osumbu-sumbu' pande hondo, nu lingkudui na sinin na apaa ka' talalo ahi' tadok na belanyo.

MATIUS 27:23

“Panyo apaa na anu ma'idek binau-Nyo?” pinokilawa i Pilatus. Lantas aha noloboo' lebe mahoson mule', “Salibmo na Ia!”

LUKAS 23:22

Lantas kinopintolunnyo i Pilatus notatae daka-daka' hi aha, “Panyo apaa na kasala'an-Nyo? Aku madi' nohumpak sangahan pe'e na kasala'an hi Ia anu patut o hukum nu hukuman mate! Ku dokeje na Ia, lantas opolapasakonmo na Ia.”

YOHANES 7:51

“Koonyo nu Atulan, batu-batu mian madi' timbali o hukum de ma'isa pe'e palakalanyo ohongo, ka' anu binaunyomo o palesa.”

1 SAMUEL 18:11

“Kubunu'akonmo na talombo' aiya hi Daud sampe lampasan toka-toka mokiijo' ipimpi'!” Sumo aijo' na koonyo i Saul i uno nu kinyonyoanyo lantas binunu'akonnyomo na talombo' aijo' pininduan hi Daud, panyo pinoko ala pinedas i Daud.

1 SAMUEL 19:4

Lantas apa-apaa na anu ma'ima' hi Daud sinisikmo i Yonatan hi Saul, tukoonyo, “Papa' boli ko niat ma'idek hi Daud posaihon nu belento Tuuma.

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”

1 SAMUEL 20:1

Sahingga nalaimo na i Daud nompala'imo Nayot koko Rama ka' nambamo siningkabot i Yonatan, lantas pinokilawanyomo, “Pa' apaa na kasala'anku? Apa na han anu talalo ma'idek anu binaungkumo ka' apaamo na dosa'ku hi tuuma nu beleyum sahingga ia kahando'mo mompatei aku?”

1 SAMUEL 20:7

De i tomundo' motatae, 'Ii'mo',' yo aku madi' opoposia, panyo de ia motambuha', aijo' osumbu'mo taalu' ia nontantukanmo mompateimo aku.

1 SAMUEL 22:14

Lantas tinaamanmo i Ahimelekh, “Panyo te ia misa' i Daud kapala nu suludadu nu belento Tomundo' anu mongkapalai suludadu anu talalo hondo tulu-tulutan. Ia monian nu belento Tomundo' ka' anu mongkapalai suludadu, anu monjagai belento Tomundo' ka' anu talalo hondo o angga'i nu mian iwi-iwi' i laigan nu belento Tomundo'.