1 SAMUEL 20:31 - KITAB NU TUMPU ALLA LELE MA'IMAI'

³¹ Madi' nusumbu' saba' de i Daud daagi tutuu' beleyum madi' sida ohangkat bau tomundo' ilipu' aiya? Uuka aiya palentah na mian mamba molio ia ka' boa mae mo uuka, kalana ia tionyo ahi' opateimo!”

1 SAMUEL 20:31 ပူးပေါင်းရင်းမြစ်များ

2 SAMUEL 12:5

Nohongo aijo' i Daud pinusamo hondo kalana mian anu kaya aijo' nombaumo sumo aijo' sahingga ia notataemo, “Uesan hondo na mian anu kaya aijo'! I uno nu sanggo nu Tumpu anu tumuu' mian aijo' tionyo ahi' mombolosiakon anak nu domba aijo' pimpaton lipat na konjoo'nyo hi ia ka' ia tionyo ahi' ohukum mate!”

2 SAMUEL 19:28

Mau mule' aha sa'anakan nu tuumangku mohumpakmo hukuman mate hi belento Tomundo' panyo aku aiya pinobee'mo nongkaan hingga-hinggat tiba belento Tomundo' ilaigan nu tomundo'. Jadi uuka aiya aku madi' mo baani mongkakase apa-apaa hi belento Tomundo'.”

MAZMUR 79:11

Potombihingakon mae na tando' nu to mia-mian anu i uno nu talungku'; o'amalakon da to mia-mian anu tinantukanmo osilakai opobee'mo da boli osilakai kalana kakuasa'an nu Belento.

1 SAMUEL 19:6

Potatae i Yonatan pinangalati'anmo i Saul, ka' ia binasumpa'mo hi Tumpu tukoonyo ia madi'mo mompatei i Daud.

1 SAMUEL 20:30

Nohongo aijo' i Saul notambuha'mo hondo hi Yonatan ka' notataemo hi ia, “Anak bule! Uukaje ka' sinumbu'ku taalu' beleyum monsangaja'i i Daud ka' mongambangimo butong nu beleyum tiba tina nu beleyum!

1 SAMUEL 20:8

Ku poita da beleyum montulungi mae aku, kalana kita binajanji'mo i ahop nu Tumpu. Panyo de aku ahi' nombaumo kasala'an, yo pateimo mae ahi' na aku, asan boli nu bee' na aku hi tuuma nu beleyum.”

1 SAMUEL 23:17

Pinoto'i i Yonatan hi ia, “Boli mabuhuk, beleyum madi' nu poko ala nu patei nu tuumangku. Tuumangku nonsumbu'mo saba' beleyum na timbali tomundo' saidi' mae nu aha Israel, ka' mule' aku mohumpakmo pangkat hi beleyum.”

1 SAMUEL 26:16

Beleyum madi' moko ala mombau apaa na anu pinalentahkonmo, o Abner! I uno nu sanggo nu Tumpu anu tumuu', belemiu iwi-iwi' sahanyo silakamo kalana madi' monjagai tuan nu belemiu tomundo' anu pinile'anmo nu Tumpu. Soba toa! Pa' iyamo na talombo' i tomundo'? Pa' iyamo na pongisian uee anu koko ubaknyo?”