1 SAMUEL 20:3 - KITAB NU TUMPU ALLA LELE MA'IMAI'

³ Tinaaman i Daud, “Tuuma nu beleyum nonsumbu'mo hondo saba' beleyum mongkalibosi hondo aku. Jadi tantu ia madi' mongka'oho' mompoto'i han aijo' hi beleyum da beleyum boli susa' na kinyonyoa. Maumo pa' mosia, Tumpu anu tumuu' na monsumbu' kantumuu'anku aiya totu-totu'u sumomo nggalau' i tuntungnyo nu tanduk!”

1 SAMUEL 20:3 ပူးပေါင်းရင်းမြစ်များ

2 SAMUEL 15:21

Panyo tinaaman i Itai, “Belento Anu Talasanggo, i uno nu sanggo nu anu tumuu' ka' kalana nyawa nu belento Tuanku, maumo pa' moya na belento Tuanku mamba, ku batuki, mau mule' mongahopimo kapaten.”

2 TOMU-TOMUNDO' 2:2

Ka' i olot nu jalan i Elia notataemo hi Elisa, “Jojoongmo i aiya. Aku sinaimo nu Tumpu da mamba i Betel.” Panyo tinaaman i Elisa, “I uno nu sanggo nu Tumpu anu Tuumu' ka' kalana nyawa nu belento Tuumangku aku madi' mompala'i belento Tuumangku.” Jadi aha lau-lausmo namba i Betel.

2 TOMU-TOMUNDO' 2:4

Lapas aijo' notataemo na i Elia hi Elisa, “Jojoongmo i aiya aku sinaimo nu Tumpu da mambamo i Yerikho.” Panyo tinaaman i Elisa, “I uno nu sanggo nu Tumpu anu Tuumu' ka' kalana nyawa nu belento Tuumangku, aku madi' mompala'i belento Tuumangku.” Jadi aha lau-lausmo namba i Yerikho.

2 TOMU-TOMUNDO' 2:6

Lapas aijo' notataemo na i Elia hi Elisa, “Jojoongmo i aiya. Aku sinaimo nu Tumpu da mambamo i kaunyo Yordan.” Panyo' tinaaman i Elisa, “I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i belento Tuumangku.” Jadi aha lau-lausmo namba i Kaunyo Yordan,

MAZMUR 116:3

Aku pinopobuhukmo mae nu balaa' anu monsilakai, ka mabuhuk hi anu monsilakai nontumbuhimo mae aku, sahingga aku nangada'mo ka' nabuhukmo.

YEREMIA 38:16

I Tomundo' Zedekia hoko-hokot nompoto'imo palajanjian hi belengku, koonyo, “Atas sanggo nu Tumpu Allah anu tumuu', Tumpu Allah anu mombee'i kantumuu'an hi kita, aku madi' ahi' mompatei beleyum kabai mombee'mo beleyum hi to mia-mian anu kahanda'mo mompatei beleyum.”

YEREMIA 4:2

De belemiu basumpa' i uno nu sanggong-Ku ka' belemiu tumuu' ahi' sahondo-hondonyo, adin ka' madi' mombau kasala'an, saba' iwi-iwi' na bansa momoitamo mae hi belengku da Ku balakati na aha, ka' aha mompuji'mo mae Aku.”

PO'ULE' INGULIT 28:66

Kantumuu'an nu belemiu saja'mo mongahopi balaa' anu montokai mae. Sinaa ka' malom belemiu saja'mo mongoa'i mabuhuk silaka.

PO'ULE' INGULIT 6:13

O adati na Tumpu, Tumpu Allah nu belemiu, ka' ola Ia na osombah, ka' de belemiu basumpa', aijo' obau ka' ola sanggo-Nyo na sanggo.

IBRANI 6:16

De mian basumpa', ia basumpa' hi sanggo nu mian sangga'at anu lebe matangkas molingkudui ia, sahingga madi'mo ko'anu lewa' monggagakon kalana iwi-iwi' sinumpa'mo.

1 SAMUEL 1:26

I Hana notataemo hi Eli, “Ampun kita Tuumangku. Ugaat daagi osumbu' nu belento na aku kita Tuumangku aku tinuminjo' i aiya balado'a hi Tumpu.

1 SAMUEL 17:55

Salatan i Saul nontoamo i Daud nambamo mongewa i Goliat, pinokilawanyomo hi Abner kapala nu suludadunyo anu matangkas na pangkatnyo, “Abner anak ihe na ia? Aku aiya madi' monsumbu' mian aijo' pa' ihe, Tomundo'.” Tinaaman i Abner.

1 SAMUEL 20:2

Tinaaman i Yonatan, “Boli sumo itina'! Tumpuje na monsumbu', beleyum madi' opatei. Tuumangku saja' mompoto'i hi belengku iwi-iwi' na tanga'annyo, mau anu penting kabai mule' anu madi' penting. Jadi madi' ahi' ia mompohowini tanga'annyo aijo' hi belengku. Kalana aijo' apaa na anu tinaloakonmo nu beleyum itina' madi' totu'u!”

1 SAMUEL 20:4

Lantas i Yonatan notataemo, “Maumo pa' apaa na anu nu poita nu beleyum tionyo ku bau.”

1 SAMUEL 25:26

Ka' uuka aiya o Tuanku, i uno nu sanggo nu Tumpu anu tumuu', aku basumpa' da uka' da mian iwi-iwi' anu monsampo bali' belento Tuanku ka' toto samian na anu ko kahanda' mompatei belento Tuanku pokakanamo susumo uka' i Nabal.

1 SAMUEL 27:1

I Daud binapikinmo i uno nu kinyonyoanyo, “Maumo pa' mosiamo, memang i sinaa sangga'at aku tionyo ahi' nu pateimo i Saul. Jadi madi'mo ko jalan sangga'at na ku ala, ola ahi' mopalaimo mamba i lipu' nu aha mian Filistin.”