1 SAMUEL 20:2 - KITAB NU TUMPU ALLA LELE MA'IMAI'

² Tinaaman i Yonatan, “Boli sumo itina'! Tumpuje na monsumbu', beleyum madi' opatei. Tuumangku saja' mompoto'i hi belengku iwi-iwi' na tanga'annyo, mau anu penting kabai mule' anu madi' penting. Jadi madi' ahi' ia mompohowini tanga'annyo aijo' hi belengku. Kalana aijo' apaa na anu tinaloakonmo nu beleyum itina' madi' totu'u!”

1 SAMUEL 20:2 ပူးပေါင်းရင်းမြစ်များ

KAJADIAN 44:7

Tinaaman nu aha hi ia, “Mosia na pongka'oho' i Tuan? Kami basumpa' saba' kami madi' nombau anu sumo aijo'!

MAZMUR 40:6

O Tumpu nanjoo'mo hondo na anu binau nu Belento hi kami, O Tumpu, Tumpu-ngku, Belento madi' ko anu mompokakanai! Nanjoo'mo na anu tinanga'an nu Belento nonompobangangmo kami, madi'mo opoko ala osisik iwi-iwi'.

AMSAL 29:24

Mian anu mokalaja hingga-hinggat tiba topo buling, alati'nyo mongka'ideki mo posi butongnyo. De ia talang-talangan i pomputusian palakala, ia saidi mae obee'imo hukuman. Panyo de ia ola momohokot, ia nukonamo nu kutuk nu Tumpu Allah.

YESAYA 50:5

Tumpu mompopangalati'mo mae Aku; aku madi' motomuhuk kabai mompala'imo Ia.

LUKAS 20:16

Tantu ia toka ka' mompatei anu nombau ale' haha aijo', lantas ale' aijo' nu bee'mo hi sangga'at na mombauakon.” Nohongo aitu, notataemo na to mia-mian hi Yesus, “Imadi' koko totu'u!”

YOHANES 15:15

Komiu madi'mo Ku laga botuan, kalana botuan madi' monsumbu' apaa na anu hau-haunyo nubau nu tuannyo. Komiu Ku laga bela' kalana iwi-iwi' na anu i hongong-Ku lengkat mae hi Tuuma, pinoto'ingkumo hi komiu.

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOSUA 22:29

Boli obata-batai kami madi' mongka'oho' panggaga hi Tumpu kabai madi'mo palesaya hi Ia, kalana nompaka baumo mezbah sangga'at ponsombahkonan koloban anu opotunu kabai koloban gandum, kabai apa-apaa na anu osombahkon, padahan kita daagi'mo ko mezbah nu Tumpu Allah i ahop nu Kemah anu Bau Katokaan nu Tumpu.”

YOSUA 24:16

Sahingga aha mian nu Israel haha aijo' nontaamimo, “Kami madi' hondo-hondo mompala'i Tumpu lantas mompalesayamo ka' mohongo-hongomo to pilo-pilogot sangga'at!

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.

1 SAMUEL 20:1

Sahingga nalaimo na i Daud nompala'imo Nayot koko Rama ka' nambamo siningkabot i Yonatan, lantas pinokilawanyomo, “Pa' apaa na kasala'anku? Apa na han anu talalo ma'idek anu binaungkumo ka' apaamo na dosa'ku hi tuuma nu beleyum sahingga ia kahando'mo mompatei aku?”

1 SAMUEL 20:12

Lantas i Yonatan notataemo hi Daud, “O amalakon da Tumpu, Tumpu Allah nu aha mian Israel na timbali sakisinto! Dodop subu-subu kabai hipuan kila-kila sumo uuka aiya, kupagalamo kuselidiki pa' mosia na isi nu kinyonyoa nu tuumangku. De ia ko gau' ma'ima' hi beleyum kupoleleje mae hi beleyum.

1 SAMUEL 20:3

Tinaaman i Daud, “Tuuma nu beleyum nonsumbu'mo hondo saba' beleyum mongkalibosi hondo aku. Jadi tantu ia madi' mongka'oho' mompoto'i han aijo' hi beleyum da beleyum boli susa' na kinyonyoa. Maumo pa' mosia, Tumpu anu tumuu' na monsumbu' kantumuu'anku aiya totu-totu'u sumomo nggalau' i tuntungnyo nu tanduk!”

1 SAMUEL 9:15

Memang na bongi sina-sinaa Tumpu nompotuunmo Hi Samuel sumo uuka na koonyo,