1 SAMUEL 20:10 - KITAB NU TUMPU ALLA LELE MA'IMAI'

¹⁰ Lapas aijo' pinokilawamo i Daud, “Ihe na saidi' mae mompoto'i hi belengku de bisuanyo tuuma nu beleyum motambuha'mo na montaami beleyum?”

1 SAMUEL 20:10 ပူးပေါင်းရင်းမြစ်များ

KAJADIAN 42:30

“Gubernur nu Mesir notataemo ma'idek hondo hi kami nontuukmo kami mondoyoni lipu' nu aha.

KAJADIAN 42:7

Salatan i Yusuf nontoamo to utu-utusnyo tu'a, sinumbu'nyomo na aha, panyo ia nimpula-pulamo madi' monsumbu'. Susumo anu motambuha' na ia nompokilawa aha, “Belemiu mian lengkat mae iya?” “Kami mian nu Kana'an. Kami toka mae mongoli anu okaan,” tinaaman nu aha.

1 TOMU-TOMUNDO' 12:13

Madi' pokakana tiba pokinde' nu to tu'a-tu'anyo haha aijo', mian da'isan anu tinoka mae hi ia labot tinaloakonnyo,

AMSAL 18:23

Mian anu kasiasi de mompoita mompake atulan mian anu kaya de montaami tolosega.

1 SAMUEL 20:11

“Imbo' da kita mambamo i padang,” na koonyo i Yonatan. Saba' aha nambamo hingga-hinggat i padang.

1 SAMUEL 20:9

Tinaaman i Yonatan, “Boli bata-bata! De kusumbu'mo totu-totu'u na tuumangku kahanda'mo mompatei beleyum tantu tionyo ahi' kupoto'imo hi beleyum.”

1 SAMUEL 25:10

Panyo tinaaman i Nabal, “I Daud? Ihe na ia? Ihe na itina' anak i Isai? Ma'isa aku toho' nohongo lelenyo. Tempo' uuka manjoo'mo na to posa-posaihon anu mopalai mae mompala'i mo tuannyo mambamo mae ilipu' aiya!

1 SAMUEL 25:14

Tempo'nyo aijo' pinoto'imo nu samian na posaihon i Nabal hi Abigail bengkele' i Nabal, sumo, uuka, “Belento Bengkele' i tuan nohongomo i Daud, ia nompalentahmo mae pa' aha sangkuka na mian lengkat mae i padang anu mateges nompotoka salando'a hi tuan, panyo ola lewa' kinuon i tuan na aha.

1 SAMUEL 25:17

Kalana aijo', soba tutugi pe'e na han aijo' ka' tantukan apaa na anu nu bau nu belento Bengkele' i tomundo'. Kalana tokamo mae na balosnyo hi tuanto ka' hi sa'anakannyo iwi-iwi'. Tuanto madi' hondo mompajuli maumo pa' ihe sahingga i tuan madi' opoko ala o endei da basale'!”