1 SAMUEL 2:8 - KITAB NU TUMPU ALLA LELE MA'IMAI'

⁸ I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.

1 SAMUEL 2:8 ပူးပေါင်းရင်းမြစ်များ

KAJADIAN 41:14

Sahingga i tomundo nompalentahmo da mamba mongala i Yusuf, ka' lia-lia' na ia sinabatakon mae i talungku'. Noko lapas binakis na i Yusuf ka' nombolosi baju'nyo, ia nangadapmo hi tomundo.

KAJADIAN 41:40

Beleyum ku hangkatmo timbali gubernur, ka' iwi-iwi' na layatku tionyo ahi' nontuluti palentah nu beleyum. Ola aku na lebe matangkas na kuasa molingkudui beleyum.”

2 SAMUEL 7:8

Mokonyo aijo' Natan, poto'iakon hi Daud posaihon-Ku, Aku Tumpu Anu Daka' na kuasangku mompoto'i hi ia, 'Beleyum hau-haunyo molaya' domba kiijo' mae i padang ingalang-Kumo ka' ihangkat-Kumo binau tomundo' hi aha mian Israel anu pinalesayamo hi belengku.

1 TOMU-TOMUNDO' 16:2

'Naipuan mae beleyum misa' mian anu talasanggo, panyo' beleyum i hangkat-Kumo binau polaya' nu mian Israel anu pinalesayamo hi beleng-Ku. Uuka aiya beleyum binaladosa'mo susumo i Yerobeam ka' nonsaduakonmo mian nu Israel anu pinalesayamo hi beleng-Ku binaladosa'mo, sahingga Aku notambuha'mo.

2 TOMU-TOMUNDO' 9:6

Lapas aijo' ua-ua' aha ninsoopmo i laigan ka' nabi aijo' nondudu'akonmo lanya' nu zaitun aijo' hi ubak i Yehu ka' pi pinoto'inyo, “Tumpu Allah nu Israel notatae, 'Aku nohangkakatmo beleyum timbali tomundo' nu israel anu palesayamo hi belengku.

AYUB 1:21

“Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

AYUB 2:8

Lantas i Ayub sinumuhangmo koko tambulan nu duhehe ka' nongalamo kubeng nu lean bau lewa' pongkahutnyo butongnyo.

MAZMUR 102:25

Lantas aku notataemo, “O, Tumpu boli mongala nyawangku i pohintonga'an nu kantumuu'anku.” O, Tumpu, Belento tumuu' sampe toka sidu-sidutu',

MAZMUR 104:5

Dunia binaumo hoso-hoson nu Belento i tampat anu pinaningkoannyo, sahingga madi'mo gayu'an sampe toka sidu-sidutu'.

MAZMUR 107:41

Panyo mian anu kasissi pinobebas-Nyomo da aha madi'mo mongoa'i kasusa'an, auan nu aha nompaka panjoo'mo sumomo gombuan nu domba.

MAZMUR 24:2

Ia nompokokomo salaku bau katinjoannyo ibawo nu ndalangon, ka' pinotinjomo i bawo nu uee anu maleng hondo.

MAZMUR 75:3

Tumpu notataemo, “Toka i tempo'nyo anu tinantukan-Kumo, Aku momputusimo ulusan anu adin hondo.

MAZMUR 75:4

Bisuannyo tano' tiba iwi-iwi' na anu jojoong i unonyo gayu'anmo Aku na mompo'ule' mompohoson ohi'nyo iwi-iwi'.”

MAZMUR 75:7

Kalana anu momputusi ulusan misa' molengkat mae i sasu kabete'an kabai i sasu kinsoban misa' mule' molengkat mae i sasu utara kabai i sasu selatan.

YESAYA 22:23

Ia ku bee'imo pangkat anu mahoson hondo susu mo apa anu pinokona mahoson hondo i mesen. Iwi-iwi' na to utu-utusnyo mae oholomatimo kalana ia.

DANIEL 2:48

Lapas aijo' i Daniel binee'annyomo pangkat anu matangkas ka' mule' binee'annyomo manjoo' na palasen anu toto ima-ima', ka' i hangkatnyomo binau gubernur nu Babel, ka' pinojadinyomo mule' kapala anu matangkas mongkapalai aha iwi-iwi' na anu lewa' mombee'i pokinde' i laigan nu tomundo'.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 6:3

I Daniel ka' ua'aha na mian sangga'at i hangkatmo da montoa pakalaja'an nu gubernur haha aijo' da i tomundo' boli lugi'.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

ANU PINOTO'I HI YOHANES 1:6

Ka' nompotimbalimo kita sa'angu' na bansa to ima-imam anu mompojalan palentah nu Tumpu, Tuuma-Nyo. I Yesus Kristus aijo'mo na anu talasanggo ka' anu mongkuasai sampe toka sidu-sidutu'. Amin!

ANU PINOTO'I HI YOHANES 22:5

Aha madi'mo mompalalui sulu' kabai jingka nu batu nu sinaa, kalana madi'mo daagi' pihi, ka' Tumpuje na monjingkai aha. Sahingga aha saidi' mae mompalentahmo susumo tomundo sampe toka sidu-sidutu'.

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”

1 SAMUEL 15:17

I Samuel notataemo, “Te misa' belento Tomundo' tinimbalimo pamalentah hi aha to tulu-tulunan nu bansa Israel maumo ahi' belento Tomundo'mongakui butong nu belento madi' penting? Belento Tomundo' pinile'anmo nu Tumpu da timbali Tomundo hi aha Israel.