1 SAMUEL 2:5 - KITAB NU TUMPU ALLA LELE MA'IMAI'

⁵ Mian anu u'utu mae mobosu, kalana manjoo' na kaanon, tempo' uuka aiya nongala tambomo, ola kalana da mohumpak anu okaan. Mian anu u'utu mae mo'ohop tempo uuka aiya na osamo kalana nanjoo'mo na anu okaan. Bengkele' anu lengke' tempo uuka aiya sinanangmo na kinyonyoanyo, popitu'mo na anaknyo na i hampe! Panyo bengkele' anu manjoo' na anaknyo, pinala ianmo, pinojohokmo da susa'.

1 SAMUEL 2:5 ပူးပေါင်းရင်းမြစ်များ

MAZMUR 113:9

Ia nombalakati bengkele' anu lengke'mo da nohumpak to pia-piangkuka na anak, ka' nompotimbalimo ia totina anu nohumpakmo ka'ima'an ka' oholomati i laigannyo. O puji' na Tumpu!

MAZMUR 34:10

Oholomati na Tumpu, o belemiu mian anu palesayamo hi Ia, kalana mian anu tulu-tulutan na madi' ahi' kakulangan.

YESAYA 33:9

Lipu' opala'imo sahingga liingmo. Iwi-iwi' na alas nu Libanon mateekmo, ka' bangka'nyo nu Saron anu molumba' hondo sumomo padang tampat anu mateges. I Basan tiba i Bungkutnyo nu Karmel, iwi-iwi na hon nu kau' singkapmo mo hudu'.

YESAYA 54:1

O, Yeruslaem, u'utu mae beleyum sumo boune anu lengke' anu madi' moko ala monganak. Panyo uuka aiya balame-lame'mo, ka' bila-libahimo na manyanyi! Kalana to ana-anak nu beleyum manjoo' hondo, molingkudui anak nu boune anu madi' nupala'i nu langkai'nyo.

YEREMIA 15:9

Tina nu anak, anu popitu' na anaknyo mo'ane sinilakamo pinoso'mo kalana binotmo na ningkinyonyoa. Kantumuu'annyo madi'mo binalasahaya ingoa'annyo ia madi'mo ingadatan ka' mule' ingambanganmo. Sampobali' nu belemiu pinalentah-ngKumo da mompateimo anu daagi tumuu' atina' hi belemiu. Aku, Tumpu, notataemo.”

LUKAS 1:53

Mian mo'ohop pinopuas-Nyo nu iwi-iwi' na ka'ima'an, mian kaya i laa'akon tiba madi' ko apa-apaa.

LUKAS 16:25

Panyo i Abraham nontaami, ‘Tutugi anakku: Salatanmo pe'e tinuu'um, beleyum nohumpakmo anu toto ima-ima'; sadang i Lazarus nohumpak anu toto ide-idek. Uuka ia sanangmo i aiya, ka' beleyumo na sansala.

GALATIA 4:27

Kalana i uno nu Kitab nu Tumpu tinulismo, “Balame'-lame'mo na beleyum boune lengke', anu madi' toho' nompohampe. Bila-bilahimo ka' lewa'mo pinsoso oya' na beleyum anu madi' toho' mongka'oa'i monganak! Kalana boune anu pinala'ianmo nu mo'anenyo, lebe mohumpak manjoo' na anak molingkudui boune anu tumuu' tiba langkai'nyo.”

I RUT 4:15

Monian nu belento aijo' mongkalibosi hondo belento. Ia nombee'imo belento lebe molingkudui apaa na anu binee'mo nu aha popitu' na anak mo'ane. Uuka aiya ia nombee'imo samian na makumpu mo'ane hi beleyum anu momposanangje kantumuu'an nu beleyum ka' mompotuu' belento de bengkele'mo na belento.”

1 SAMUEL 1:20

Boune aijo' pinoboamo ka' nohampeakonmo anak mo'ane. Sinanggohannyomo i Samuel, “kalana koonyo pinoitangkumo hi Tumpu.”

1 SAMUEL 1:6

I Hana kinyonyoanyo saja' nusakiti i Penina ka' nu popo ambang, kalana ia lengke' ka' mule' Tumpu madi' nombee'i ia anak.