1 SAMUEL 2:4 - KITAB NU TUMPU ALLA LELE MA'IMAI'

⁴ Pompelet nu mian anu baani nopato'mo, panyo mian anu madi' mahoson nompaka pahosonmo.

1 SAMUEL 2:4 ပူးပေါင်းရင်းမြစ်များ

MAZMUR 18:39

Pinobahangkangkumo na aha sahingga aha madi'mo noko ala po'ule' nobula, aha tinombahangkang madi'mo noko ala nombau apa-apa aitu itengkengku.

MAZMUR 37:15

Panyo mian anu ma'idek na palabuatannyo nu posi jalo'je nu bajaknyo, pelet nu aha saidi' mae opaha pato'imo.

MAZMUR 37:17

Kalana kuasa nu mian anu ma'idek na palabuatannyo nu pato'imo nu Tumpu, panyo anu ma'ima' na kinyonyoanyo na Nu jagai ahi'.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

MAZMUR 46:9

Imbo' toa pa' apaa na anu binaumo nu Tumpu; talalo ahi' okabangangi na anu binau-Nyomo i dunia aiya!

MAZMUR 76:3

Yerusalem aijo'mo na kajojoongan-Nyo; Puge'nyo nu Sion tampat kajojoongan-Nyo.

YESAYA 10:4

Uki' nu belemiu madi' kosangalasannyo olamo ahi' opatei i uno nu pahampatean kabai oboamo salaku mian anu ihakop. Panyo Tumpu daagi' sabole-boleh motambuha' ka' tataap monabu'akon hukuman.

YESAYA 40:29

Ia mompohoson mian anu nalawemo, mongkakeha'i mian anu madi'mo moko ala mombau apa-apaa.

YEREMIA 37:10

De maluanyo belemiu moko ala ahi' mompatundu' iwi-iwi' na suludadu nu Babel sahingga anu tontuha' me anu singkap tinadokmo na belenyo ibangka'nyo nu aha iwi-iwi', panyo aha saidi' mae na totinjo mompapui sampe motanggot na kota' aiya.’ ”

YEREMIA 51:56

Aha tinokamo nongidei Babel, nompaha hakopakonmo to sulu-suludadu nu aha ka' nompato'imo sinin na toongon anu bau pahampate nu aha. Akumo na Tumpu anu mohukum palabuatan anu ma'idek, ka' Babel Ku balosakonmo sitimbang tiba palabuatannyo.

2 KORINTUS 12:9

Panyo Tumpu nontaami, “Aku mongkalibosi beleyum ka' aijo' sukupmo hi beleyum; kalana kuasang-Ku na anu talalo mahoson de beleyum mongoa'imo madi' mahoson.” Mokonyo aijo' aku lebe sanang na mombuulakon anu madi' ku poko ala, kalana de aku madi'mo mahoson, saba' tempo'je ahi' aitu na aku mongoa'i i Kristus monjagai aku nu kahosonan-Nyo.

EFESUS 6:14

Tionyo ahi' komiu saja' balajaga-jaga. Tulu-tulutan hi Tumpu opake salaku bau pombutu' nu kompong, ka' kahondoan nu kinyonyoa salaku bau baju' besak nu belemiu.

FILIPI 4:13

Tiba kuasa anu binee'mo i Kristus hi belengku, aku ko kahosonanmo mongahopi iwi-iwi' na ngahan nu soba'an.

IBRANI 11:32

Jadi, aku timbalije mule' sabole-bole motatae, panyo tempo' na madi'mo sukup hi belengku. Aitu pe'e ma'isa sinanggongku na i Gideon, i Barak, i Simson, i Yefta, i Daud, i Samuel ka' to nabi-nabi.

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.