1 SAMUEL 2:30 - KITAB NU TUMPU ALLA LELE MA'IMAI'

³⁰ Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.

1 SAMUEL 2:30 ပူးပေါင်းရင်းမြစ်များ

1 TOMU-TOMUNDO' 11:11

Tumpu notatae, “Kalana nu totonggolakon na molanggai palajanjian nu beleyum hi belengku ka' madi'mo montuluti palentah-ngKu iwi-iwi', jadi Ku alamo na kalaja'an nu beleyum ka' Ku bee'mo hi samian anu ko pangkatnyo anu mokalaja hi beleyum.

1 TOMU-TOMUNDO' 2:27

Lantas pinobelentimo i Salomo na i Abyatar, madi'mo binau Imam. Apaa na binau i Salomo aijo' tinimbalimo sa'angu' na bukuti' susumo anu tinaloakonmo nu Tumpu kiijo' i Silo mongkona lee' mae i Imam Eli.

1 TAWARIKH 17:18

Daagi' apaa na anu ku taloakon hi belento, O Tumpu Allah? Belento monsumbu' iwi-iwi' ka'ada'an nu posaihon nu Belento aiya, panyo belento mongadati mae aku.

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

2 TAWARIKH 26:18

ka' nontewamo apaa na anu binaunyomo aijo'. Aha notatae, “Kita Mian daka' Anu Tala sanggo! Kita Tomundo madi' ko hak mompapui kamangian osombahkon hi Tumpu. Aijo' kalaja nu to ima-imam lee' mae i Harun. Kalana ola ahi aha na samata-mata mombau kalaja aijo'. Pala'i na tampat aiya Tomundo kalana tampat aiya susi'! Kita Tomundo madi'mo mohongo-hongo Tumpu Allah, ka' madi'mo mae nusitujui nu Tumpu.”

MAZMUR 18:20

Ia nompolapas aku da madi' kinona nu balaa' ka' nomposalamatmo aku kalana Ia sinosokmo hi belengku.

MAZMUR 18:26

O Tumpu, Belento madi' mongkolilimi mian anu madi' mongkolilimi Belento ka' manonong hi mian anu manonong hi Belento.

MAZMUR 50:23

Mian anu monsombahkon bau pontalima kaseh salaku bau kolobannyo, ia aijo' na moholomati Aku; ka' mian anu momposadiai jalan da kajalanan-Ku Ku potiju'je hi ia na kasalamatan anu lengkat aiya hi beleng-Ku.”

MAZMUR 73:20

Susumo anu ingipi subu-subu mae okolilimimo salatan Belento nobungkutmo, o, Tumpu aha mule' suele madi'mo tinoa-toa.

MAZMUR 91:14

Tumpu notatae, “Mian anu mongka'ima'i Aku tionyo ahi'. Ku posalamat, anu mongakui aku tionyo ahi' ku jagai.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

NOSABATMO 28:43

Saluan aijo' tionyo ahi' saja' opusok nu aha de aha minsoopmo i Kemah-Ku kabai mongohanimo mezbah monsombahmo mae salaku imam i Salipi' Susi', da aha madi' silaka kalana kantoanmo na butong nu aha anu madi' pantas otoa. Atulan aijo' saja' nupake i Harun ka' hi to lelee'nyo.”

NOSABATMO 29:9

lantas posongko'mo na suluban hi ubak nu aha. Sumo aijo' na bau-baunyo mombalakati i Harun ka' to ana-anaknyo. Aha ka' lee' nu aha tionyo ahi' mombau apaa na anu Ku palentahkon hi aha salaku imam sampe toka sidu-sidutu'.

AMSAL 12:8

Mian opuji' sitimbang tiba kapandeannyo; mian o alu sitimbang tiba kaponga'annyo.

AMSAL 4:8

Oholomati na kapandean bapikin, sahingga beleyum nupotala sanggoje. O ala bau sangalu na ia, sahingga kaholomatan nu potokamo mae hi beleyum.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

YESAYA 29:13

Tumpu motataemo, “Mian haha aijo' ola monsombah Aku nu potatae nu aha panyo kinyonyoa nu aha na majo'on ahi' hi beleng-Ku. Agama nu aha ola atulan nu manusia anu opokihapan.

YEREMIA 29:32

ka' mule' kalana ia nompokaumo belemiu da madi' montuluti mae Aku, sahingga Ku hukumo na ia tiba lee'nyo. Madi' ko samian na anu aijo' hi aha na jojoong aiya hi kami da montoa hahan anu ma'ima' anu saidi' mae Ku bau hi aha ingko-ingkot na mian anu palesayamo hi beleng-Ku. Aku, Tumpu notataemo.”

YEREMIA 49:15

Nu pojadimo nu Tumpu na beleyum da madi' mahoson ka' nu popo ambangmo nu mian.

YEHEZKIEL 34:10

Aku, Tumpu Anu Matangkas na Kuasanyo notataemo hi beleyum, taalu' Aku aiya sampobali' nu beleyum. Dombang-Ku haha atina' po ule'mo Ku ala, ka' madi'mo Ku poki kalesang hi beleyum; belemiu madi'mo daagi' Ku pobee' mompotutugakon apaa na posi kapentingan nu beleyum. Dombang-Ku haha atina' Ku posalamatmo sahingga aha madi'mo daagi' bau kaanon nu belemiu.’ ”

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

MALEAKHI 1:6

Tumpu Anu Daka' na kuasanyo notataemo hi to ima-imam, “Samian na anak mongadati tuumanyo, ka' mule' samian na posaihon mongadati tuannyo. Aku aiya Tuuma nu beleyum; kadaka' belemiu madi' mongadati Aku? Aku aiya tuan nu beleyum; kadaka' belemiu madi' mabuhuk hi beleng-Ku? Belemiu mongalu Aku, panyo belemiu mompokilawa, ‘Tiba jalan nosia na kami nongalumo Belento?’

MALEAKHI 2:3

To ana-anak nu belemiu Ku hukumo ka' mule ohup nu belemiu Ku sapuimo nu sengkun nu binatang anu kinolobanakonmo nu belemiu, ka' mule' belemiu oboamo i tambulan nu sengkun.

NOMBILANGMO 11:20

panyo sampe toka sambitu'on na kopinnyo nu belemiu mongkaan sampe belemiu masakit ka' talua-lua'mo kalana kaanon aijo'. Han aijo' jadi kalana belemiu madi'mo nongakui Tumpu anu atina' hi belemiu. Ka' mule' belemiu i humangmo i ahop-Nyo ka' nososonmo kalana belemiu nompala'imo mae lipu' nu Mesir.”

NOMBILANGMO 35:34

Boli mohumimi'i tano' anu ojojoongi nu belemiu, kalana Akumo na Tumpu, ka' Aku jojoongmo atina' hi belemiu bansa Israel.”

YOHANES 12:26

Mian anu mongka'oho' mohongo Aku, tionyo mombatuki Aku; da posaihon-Ku mo'imboa ka' Aku i tampat kajojoongan-Ku. Mian anu mohongo Aku, nu angga'i nu Tuumang-Ku.”

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

YOHANES 8:49

I Yesus nontaami, “Aku madi' pininsoopan nu setan. Aku mongadati Tuumang-Ku, panyo komiu mompopo'ise' Aku.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

TO MIA-MIAN KOPIAN 9:10

Lantas notataemo na to kau-kau' hi kau' ara, 'Belento na timbali tomundo' mami.'