1 SAMUEL 2:28 - KITAB NU TUMPU ALLA LELE MA'IMAI'

²⁸ Iwi-iwi' na tulunan nu bansa Israel olamo aha sa'anakan na pinile'an-Ku da timbali imam-Ku, anu mokalaja i mezbah, mompapu kamangian, ka' mompusok baju nu imam de motataemo mae hi belengku. Ka' hi aha, ka' mule' lee' nu aha binee'an-Kumo hak mongala sambagian koloban anu osombahkon anu tinunuanmo i mezbah aijo'.

1 SAMUEL 2:28 ပူးပေါင်းရင်းမြစ်များ

2 SAMUEL 12:7

I Natan notataemo hi Daud, “Belentomo Tomundo' na mian ai-aijo'! Ka' sumo uuka na pinoto'i mae nu Tumpu, Tumpu Allah nu Israel, 'Beleyum ihangkat-Kumo binau tomundo' hi aha mian nu Israel ka' mule' pinosalamat-Kumo da madi' pinatean i Saul.

2 SAMUEL 6:14

Lapas aijo' i Daud lebemo hondo nonsalelei salaku bau pongadatinyo Tumpu. Tempo'nyo aitu ia ola nompusok, lipa' lenan kodo-kodo' pinotapi'nyo.

NOSABATMO 28:1

“Laga na i Harun utus tu'a nu beleyum tiba to ana-anaknyo i Nadab, i Abihu, i Eleazar ka' i Itamar, ka' poto'i hi aha da aha mokalaja samata-mata montuluti anu Ku atun salaku imam.

NOSABATMO 28:4

Ka' pokau mule' na aha mombau anu opokona i saha'an, evod, juba', kameja anu osuji', suluban ka' pombutu'. Baju' nu imam aijo' tionyo ahi' nubau nu aha da nupusok i Harun utus tu'a nu beleyum ka' to ana-anaknyo da mombau anu Ku palentahkon salaku imam.

NOSABATMO 30:7

Sansina-sinaa salatan subu-subumo de i Harun tokamo mae momposadia sulu', ia tionyo ahi' mompapui kamangian anu manohong i mezbah aijo'.

NOSABATMO 30:8

Anu sumo aijo' tionyo ahi' nu bau suele de ia montutungimo sulu' mamalomo. Kamangian anu osombahkon aijo' tionyo ahi' saja' obau sampetoka sidu-sidutu'.

IMAMAT 2:10

Labihnyo baumo bagi nu to ima-imam. Roti aijo' susi' hondo kalana ingala i kaanon anu sinombahkonmo hi Tumpu.

IMAMAT 2:3

Labihnyo nu koloban anu sinombahkonmo baumo bagi nu to ima-imam. Koloban aijo' susi' hondo kalana ingala i kaanon anu sinombahkonmo hi Tumpu.

IMAMAT 6:16

Labinyo nu labu tionyo ahi' obaumo roti anu madi' ko raginyo ka' okaan nu to ima-imam i tampat anu samata-mata bau pongkaanan, aijo'mo i natan nu Kemah nu Tumpu. Aijo'mo na bagi nu to ima-imam anu binee'mo nu Tumpu hi aha anu ingala i koloban kaanon. Kaanon aijo' susi' hondo, sumomo koloban anu bau pongampuni dosa' ka' koloban bau polugi'i.

IMAMAT 7:32

Pa'anyo koanan tionyo ahi' obee' salaku samata-mata bau pontulungi,

IMAMAT 7:36

I sinaa aijo' Tumpu nompalentahmo bansa Israel da anu nusombahkonmo nu aha obee'mo hi to ima-imam. Atulan aijo' tionyo ahi' otuluti nu bansa Israel sampe toka sidu-sidutu'.

NOMBILANGMO 16:5

Lantas ia notataemo hi Korah ka' anu monsangaja'imo ia, “Dodop daagi' subu Tumpu mompotoamo hi kita ihe na anu jinadimo anu-Nyo ka' ihe na anu samata-mata mombau kapalaluan-Nyo. Mian anu pinile'an-Nyomo atina' na anu nupobee' mongohani Ia.

NOMBILANGMO 18:19

Sampe toka sidu-sidutu', iwi-iwi' na palasombahan anu samata-mata binoamo nu aha mian Israel hi beleng-Ku, Ku bee'mo hi beleyum ka' hi to ana-anak nu beleyum to momo'ane ka' to bou-boune. Atulan aijo' opake sampe toka sidu-sidutu' ka' baumo pompokododo palajanjian anu sabole-bole obaunto tiba lee' nu belemiu.”

1 SAMUEL 14:3

Imam anu nomboa baju' nu imam aijo'mo i Ahiya anak i Ahitub, utus ise' i Ikabod anak i Pinehas, ka' i Pinehas anak i Eli, imam nu Tumpu kiijo' i Silo.) Mian da'isan suele madi' monsumbu' i Yonatan taalu' nambamo nompala'i tampat i kiijo'.

1 SAMUEL 2:18

Hau-haunyo aijo' i Samuel anu daagi anak aijo' saja'mo nokalaja apaa na anu nu palentahkon nu Tumpu. Ia nompusokmo baju' anu opake mokalaja, lenan na kina'ut susumo baju anu nu pusok nu to ima-imam de aha monsombahmo Tumpu.