1 SAMUEL 2:26 - KITAB NU TUMPU ALLA LELE MA'IMAI'

²⁶ Panyo anak aijo' i Samuel kino daka-daka'nyomo ka' nompaka kinaima'anmo nu Tumpu ka manusia ka' iwi-iwi' na mian.

1 SAMUEL 2:26 ပူးပေါင်းရင်းမြစ်များ

KAJADIAN 39:4

I Potifar sanang hondo hi Yusuf, sahingga i hangkatnyomo na ia binau posi posaihonnyo, lantas binee'annyomo kalaja na i Yusuf mongulus ulusan nu laigan, ka' iwi-iwi' apaa na halata' nu aha.

AMSAL 3:3

Tionyo ahi' belemiu saja' palesaya ka' tulu-tulutan hi Tumpu Allah ka' hi bubu' belemiu. O'inau' na aijo' ka' o una' i kinyonyoa nu belemiu,

AMSAL 3:4

da belemiu nuka'ima'i ka' nu angga'i nu Tumpu Allah ka' mule' manusia.

LUKAS 1:80

Anak i Zakharia kino daka-daka'nyomo, ka' kino hoso-hosonnyomo na rohnyo. Ia jinojoong i padang bolaa, sampe tinokamo na tempo'nyo ia nompotoamo butongnyo hi bansa Israel.

LUKAS 2:40

Anak aijo' kino daka-daka'nyomo ka' nahosonmo. Ia pande hondo ka' talalo nukalibosi nu Tumpu.

LUKAS 2:52

I Yesus kinodaka-daka'nyomo, ka' kino pande-pandenyomo, tiba mule' nukalibosi nu Tumpu, ka' nuka'ima'i nu mian.

SISIKON NU TO RASUL-RASUL 2:47

Aha saja' mompuji-puji' Tumpu ka' nuka'ima'i nu mian iwi-iwi'. Toka sansina-sinaa konjoo'nyo nu aha saja' mintuang kalana Tumpu mombee' hi aha to mia-mian anu oposalamat.

ROMA 14:18

Mian anu mohongo-hongo apaa na anu pinalentahkonmo i Kristus susumo aijo', mian aijo' momposanangmo kinyonyoa nu Tumpu, ka' nu angga'i nu to mia-mian sangga'at.

TO MIA-MIAN KOPIAN 13:24

Tinopia-piangkuka na bitu'on lapas aijo' bengkele' i Manoah nohampeakonmo samian na anak mo'ane, lantas sinanggohannyomo i Simson na ia. Anak aijo' kino daka-daka'nyomo ka' binalakatanmo nu Tumpu;

1 SAMUEL 2:21

I Hana binalakatanmo nu Tumpu Allah, sahingga nohampeakonmo mule' aha totolu' na anak mo'ane ka' ua aha na anak boune. I Samuel kino daka-daka'nyomo ka' ia saja'mo mombau anu nu palentahkon nu Tumpu.

1 SAMUEL 3:19

I Samuel kinodaka-daka'nyomo. Tumpu saja'mo nombalakati ia, ka' apa-apaa na nu taloakon i Samuel totu-totu'u jadi.