1 SAMUEL 2:25 - KITAB NU TUMPU ALLA LELE MA'IMAI'

²⁵ De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.

1 SAMUEL 2:25 ပူးပေါင်းရင်းမြစ်များ

KAJADIAN 38:10

Apaa na anu binaunyomo aijo' nonsabapimo da Tumpu pinusamo, ka' Tumpu nompateimo ia suele.

KAJADIAN 38:7

Kalakuan i Er ma'idek hondo, sahingga Tumpu pinusamo hi ia ka' pinateannyomo.

1 TOMU-TOMUNDO' 8:31

De daagi' ko samian anu o tumpak nombaumo kasala'an hi mian sangga'at ka' oboamo mae i mezbah nu Belento i uno nu laigan ponsomban aiya da osumpa' au'aitu ia madi' ko sala'nyo,

1 TOMU-TOMUNDO' 8:32

o Tumpu, tionyo ahi' Belento mompotombihing mae kiita' i Suluga' ka' momputusi palakala nu to posa-posaihon nu Belento aiya. O hukum na anu ko sala'nyo tiba anu binaunyomo ka' opobebas na anu madi' ko sala'nyo.

2 TAWARIKH 10:15

Apaa na anu pinoita nu mian da'isan madi' pinajuliannyo. Panyo aijo' memang katantuanmo nu Tumpu Allah. Apaa na anu pinoto'imo nu Tumpu hi Nabi Ahia mian nu Silo mongkona i Yerobeam anak i Nebat memang tionyo ahi jadi.

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

AYUB 9:33

Panyo hi kami ua'aha aiya madi' ko mian kopian anu timbali mongulus ua kami aiya.

MAZMUR 51:16

Poluputakon mae na aku da madi' nu ala nu kapatean, o Tumpu anu momposalamat mae aku, sahingga sanang na kinyonyoangku mombebakon ka'adinan nu Belento.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

AMSAL 13:1

Anak anu pande mompalahatikan de tuumanyo mombee'i pokinde'; panyo mian anu ko bubuun madi' mongka'oho' de opisala'i.

AMSAL 15:10

Mian anu mombau palabuatan anu ma'idek saidi mae osakisa; mian anu madi' timbali otewa' saidi' mae silaka.

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

ANU MOMPOLELE POTATAE NU TUMPU 3:3

tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

NOMBILANGMO 15:30

Panyo de aha mian Israel kabai mian anu lengkat mae i salipu'an ototonggolakonmo na mombau dosa' ia monteemo Tumpu. Mian aijo' tionyo ahi' o hukumo mate,

PO'ULE' INGULIT 1:17

Koputusan boli mabuat sambiha'; iwi-iwi na mian tionyo oadini miu pokakana madi' mompine ihe na mian aijo. Boli mabuhuk pa ihe pe'e, saba keputusan anu ingala miu anu lengkat mae hi Tumpu Allah. Bisuannyo ko palakala talalo maboat hi belemiu, boamae hi belengku, da belengku na momputusi.

PO'ULE' INGULIT 2:30

Panyo i Tomundo Sihon madi' nompobee' kita motulu i lipu' nu aha aijo'. Tumpu Allah nu belemiu nompotimbalimo ia da panggaga ka' mompagala da kita timbali mompatundu' ia. Da'erahnyo daagi' o jojoonginto sampe uuka aiya.

1 TIMOTIUS 2:5

Kalana, ola sa'a-sa'angu'nyomo na Tumpu, ka' ola samian na bau ponsumbu'an Tumpu manusia aitumo i Kristus Yesus.

IBRANI 10:26

Kalana de lele anu totu'u lengkat mae hi Tumpu pinotokamo hi kita, panyo saja' kita mombau dosa' ototonggolakon, saba' madi'mo daagi' ko koloban anu bau pongalini dosa'to.

IBRANI 10:27

Me sa'a-sa'angu'nyomo na anu daagi' hi kita, aijo'mo mongahopimo pomputusian nu Tumpu, ka' apu nu tambuha'-Nyo anu mongangoti to mia-mian anu mongewa Ia!

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

YOSUA 11:20

Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.

1 SAMUEL 3:14

Kalana aijo' Ku sumpa'akonmo na aha salaigan i Eli, saba' dosa' nu aha anu talalomo hondo manjoo' aijo' madi'mo opoko ala o'ampuni nu koloban kabai pa' apaa na anu osombahkon sampe toka sidu-sidutu'.”