1 SAMUEL 2:22 - KITAB NU TUMPU ALLA LELE MA'IMAI'

²² I Eli ilangki'mo hondo. Ia saja'mo nohongo mian anu mompoto'i kalakuan nu to ana-anaknyo apaa na anu lewa' nu bau nu aha hi aha mian nu Israel. I Eli suele nonsumbu'mo to ana-anaknyo haha aijo' male' tiba to bou-boune anu mokalaja i ahop nu sabatan nu kemah nu Tumpu.

1 SAMUEL 2:22 ပူးပေါင်းရင်းမြစ်များ

KAJADIAN 35:22

Hau-haunyo aha kiijo' i tampat aijo' i Ruben nongkamale'imo i Bilha, ambahue' nu tuumanyo. Han aijo' i hongomo i Yakub, sahingga ia pinusamo hondo. I Yakub kino anak sampulu' ka' ohua' na mo'ane.

KAJADIAN 37:2

ka' aiyamo na sisikon nu aha saanakan i Yakub; Tempo'nyo i Yusuf, anak i Yakub umunnyo sampulu'mo ka' popitu' na taun, ia nongkalesangmo pahasan nu mee', domba tiba to utu-utusnyo tu'a, aijo'mo to ana-anak i Bilha ka' i Zilpa, ua-ua'aha aijo' ambahue' nu tuumanyo. Ia nompoto'i hi tuumanyo hahan anu ma'idek anu binaumo nu to utu-utusnyo tu'a.

NOSABATMO 38:8

I Bezaleel nombaumo pongisian uee, tambaga na obau tiba paningkokoannyo suele tambaga. Tambaga aijo' to mangki-mangkitan anu nu to bou-boune anu mokalaja i sabatan nu Kemah nu Tumpu.

YEHEZKIEL 22:26

Aha to ima-imam nu Israel nolanggaimo iwi-iwi na atulan-Ku ka' nohumimi'imo santo bala-balang anu opake samata-mata monsombah Aku. Aha madi'mo mombedakon iya na anu timbali okaan tiba iya na anu madi' timbali okaan. Ka' mule' aha madi'mo nongajan mian da'isan da monsumbu' mombedakon iya na anu belesi' ka' iya na anu mahumimi' susumo koonyo nu atulan nu agama. Aha madi'mo mompajuli sinaa nu Sabat. Tiba jalan anu sumo aijo' na Aku ingambanganmo nu bansa Israel.

1 SAMUEL 2:23

Kalana aijo' ia notataemo hi to ana-anaknyo, “Aku nohongomo mian iwi-iwi' nompoto'i mae kalakuan nu belemiu anu ma'idek aijo'. Kadaka' belemiu nombaumo anu sumo aijo'?

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.

1 SAMUEL 8:1

Salatan i Samuel ilangkai'mo, ihangkatnyomo na to ana-anaknyo da timbali mian kopian hi aha mian nu Israel.