1 SAMUEL 2:2 - KITAB NU TUMPU ALLA LELE MA'IMAI'

² Madi' koanu susi' susumo Tumpu! Ola Ia na moko ala monjagai mae.

1 SAMUEL 2:2 ပူးပေါင်းရင်းမြစ်များ

2 SAMUEL 22:3

Tumpu sumomo benteng anu mahoson tampat bau paninsulukanku. Tumpu Allah-ngku sumomo bungkutnyo nu batu tampat bau pinsondoanku Sumomo kanta na Ia mongkukubi mae aku, ka' saja' monjagai mae aku da madi' ko anu mompoposia.

2 SAMUEL 22:32

Kalana ola Tumpu na Tumpu Allah; ola Tumpu Allah na anu moko ala mongala-alapakon kita.

2 SAMUEL 7:22

Totu-totu'u daka' na kakuasa'an nu belento, o Tumpu Allah! Ola sa'a-sa'angu'nyomo belento na Tumpu Allah, madi' ko anu pokakana tiba belento. Sinumbu'mo mami na han aijo' kalana pinoto'imo hi kami naipuan pe'e mae.

1 TOMU-TOMUNDO' 8:23

ka' binalado'a, “O Tumpu, Tumpu Allah nu Israel! Aita' i langit kabai aiya i Tano' madi' ko anu pokakana sumo Belento!

MAZMUR 111:9

Ia nompobebasmo mian anu palesayamo hi Ia, ka' nombaumo palajanjian anu sampe toka sidu-sidutu' tiba aha. Iamo na Tumpu anu susi' ka' baani!

MAZMUR 18:2

Ku ka'ima'i na Belento, o Tumpu, Belentomo na tinimbali kahosonanku.

MAZMUR 18:31

Apa-apaa na anu binaumo nu Tumpu na'ima'mo hondo anu jinanji'mo nu Tumpu timbali opalesaya. Ia sumomo kanta kona hi mian iwi-iwi' anu mihohung' hi Ia.

MAZMUR 71:19

O Tumpu, ka'adilan nu Belento matangkas hondo sumo langit; daka' hondo na hahan anu binaumo nu Belento; ihe na moko ala mompokakanai Belento?

MAZMUR 71:3

Potimbalimo mae susumo bungkutnyo nu batu na belento da bau pihohunganku, anu dengke, na saja' ku poko ala ku sahak. Kalana Belento nontantukanmo momposalamat aku, Belentomo na bau pihohunganku ka' pingkonganku.

MAZMUR 73:25

Ihe na anungku kiita' i suluga', olamo ahi' samata-mata Belento? Madi' ko anu ku ka'ima'i sangga'at i dunia aiya, olamo ahi' samata-mata Belento.

MAZMUR 86:8

O, Tumpu, madi' ko tumpu sangga'at susumo Belento madi' ko anu moko ala mombau apa-apaa susumo anu binaumo nu belento.

MAZMUR 89:6

Sidang nu aha mian nu suluga' nompuji'mo palabuatan nu Belento anu okabangangi, ka' nonyanyiakonmo kanonongan nu Belento o, Tumpu.

MAZMUR 89:8

Belento oholomati nu aha to mia-mian anu susi', nakabuhuk hondo nu aha iwi-iwi' anu montikubi mae Belento.

MAZMUR 99:3

Bakas da aha mompuji' anu talalo hondo oholomati. Ia talalo hondo susi'!

MAZMUR 99:5

Oholomati ka' opopodaka' na Tumpunto anu talasanggo tolodadupumo i ahop nu kasuhangannyo ka' sombahmo na Ia. Ia talalo hondo Susi'!

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

NOSABATMO 15:11

Iya na Tumpu Allah sangga'at anu moko ala mohungku'i Belento, o Tumpu Anu Talasanggo hondo ka' anu susi'? Ihe na moko ala mombau anu okabangangi ka' mombau palabuatan anu daka' susumo Tumpu?

YESAYA 40:18

Jadi ihe na timbali bau pompokakana konan nu beleyum Tumpu? Ihe na nu anggap pokakana tiba Ia?

YESAYA 44:6

Aiyamo na potatae nu Tumpu Anu Daka' na Kuasanyo, Tomundo' ka' anu monjagai aha Israel, “Aku Tumpu Anu Sa'a-sa'angu'nyomo, anu momonanyomo pe'e mae ka' anu saidi' mae imihinyo.

YESAYA 44:8

O, bansang-Ku, boli mabuhuk kabai tolokengkeng; temisa' salatanmo pe'e naipuan mae sampe uuka aiya, Aku nongkila-kilamo apaa na anu jadi saidi' mae? Belemiumo na to saki-sakising-Ku. Madi'ko anu sangga'at na monjagai, ka' mule' madi' ko anu Kusumbu' sangga'at.”

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

YEREMIA 10:6

Tumpu anu talasanggo hondo Belento madi' ko anu moko ala mongkakanai sanggo nu Belento talasanggo hondo ka' balakuasa hondo.

IMAMAT 11:44

Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 11:45

Akumo na Tumpu Allah anu nomboamo mae belemiu nosabat lengkat mae i Mesir, da Aku timbalimo Tumpu Allah nu belemiu. Tionyo ahi' belemiu susi', kalana Aku Susi'.

IMAMAT 19:2

da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

ROMA 4:8

Salamat kopian na mian anu to dosa-dosa'nyo madi' nutuntut nu Tumpu!”

PO'ULE' INGULIT 3:24

O Tumpu Anu Matangkas na kuasanto, ku sumbu na anu pinotoamo nu belento hi belengku aiya sala'je tampu'unannyo nu palabuatan anu daka' ka' anu okabangangi apaa na anu saidi' mae obau nu Belento. Madi' ko pilogot sangga'at aita' i langit kabai aiya i dunia anu sumo Belento timbali moko ala mombau hahan anu daka'.

PO'ULE' INGULIT 32:20

Ia notatae, ‘Aku madi'mo montulungi aha; pojohok Ku toaje pa' mosia na ka ahenannyo mae na aha. Kalana bansa aijo' talalo hondo panggaga ka' madi' hondo mohongo-hongo.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

PO'ULE' INGULIT 32:4

Tumpu anu baani hondo na Monsangaja'i belemiu, apaa na anu binau-Nyomo na'ima'mo hondo, ka' iwi-iwi' na atulannyo adin hondo. Tumpu Allah nu belemiu madi' baleko' ka' madi' geguan na Ia, Ia saja' mombau anu ma'ima' ka' madi' toho' sala'.

PO'ULE' INGULIT 4:35

Iwi-iwi' aijo' pinotoamo nu Tumpu hi belemiu da bau pomponyata' saba' ola Tumpu, aijo'mo na Tumpu Allah ka' madi'mo ko sangga'atannyo.

PO'ULE' INGULIT 4:39

Kalana aijo' soba ahi' tutugi sinaa aiya ka' bolimo okolilimi, ola Tumpu sa'a-sa'angu'nyomo na Tumpu Allah i langit ka' i dunia; madi' ko anu sangga'at.

1 PETRUS 1:16

I uno nu Kitab nu Tumpu tinulismo, “Tionyo ahi' belemiu susi' kalana Aku susi'.”