1 SAMUEL 2:17 - KITAB NU TUMPU ALLA LELE MA'IMAI'

¹⁷ Sumo aijo'mo na anak i Eli ua-ua aha aijo' binaladosa'mo hondo imata nu Tumpu, kalana aha madi'mo nongangga'i koloban anu sinombahkonmo hi Tumpu.

1 SAMUEL 2:17 ပူးပေါင်းရင်းမြစ်များ

KAJADIAN 10:9

Ia tinulunganmo nu Tumpu sahingga tinimbalimo topo bebas anu mahoson. Kalana aitu mian bisa montaloakon, “O amalakon da Tumpu mompotimbali beleyum mian topo bebas anu mahoson sumo i Nimrod.”

KAJADIAN 13:13

Kota Sodom aijo' jojoongan nu to mia-mian anu ma'idek na kinyonyoanyo ka' baladosa' hi Tumpu.

KAJADIAN 6:11

Panyo iwi-iwi' na mian sangga'at nutoa nu Tumpu Allah ma'idek na kinyonyoa nu aha, ka' ka uwesanan tinokamo iyaya mae.

2 TOMU-TOMUNDO' 21:6

Anaknyo sinombahkonnyomo salaku koloban anu pinotunu. I Manasye mule' lewa'mo binasando monggulu'i pangatahuan anu toto ide-idek, ilimu' anu madi' oto-toa, ka' lewa' montunde' tominuat. Ia binaladosa'mo hondo hi Tumpu sahingga ia notambuha'mo hondo.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

YESAYA 3:8

Memang Yerusalem madi'mo kino angga'nyo! Yehuda madi'mo tinala sanggo! Kalana iwi-iwi' na potatae tiba palabuatan nu aha madi'mo nontuluti Tumpu ka' madi'mo nompajuli kakuasa'an-Nyo.

MALEAKHI 2:13

Ka' mule' daagi aiya na palabuatan sangga'at nu belemiu. Mezbah nu Tumpu i ngueeanmo nu belemiu nu lolu' nu mata; belemiu ihumangmo ka' tinumando'mo kalana Tumpu madi'mo daagi' nonsitujui nontalima iwi-iwi na koloban nu belemiu.

MATIUS 18:7

Paya' na ko ideknyo na dunia aiya kalana hahan anu monsaduakon mian baladosa'. Totu'u hahan anu sumo aitu saja' daagi', panyo silaka na mian anu monsaduakon!

1 SAMUEL 2:16

Demian aijo' montaami, “Lebe ma'ima' kita montuluti atulannyo lompo'nyo pe'e aijo' na opotunu, lapas aijo' timbalije beleyum mongala yayamo anu nu kamilui nu beleyum,” sahingga anu monsampo kalaja aijo' motatae, “Madi' uukamo aiya tionyo ahi nu bee'mo mae, de madi'ku posi alamo.”

1 SAMUEL 3:13

Pinoto'ing-Kumo hi aha tukoong-Ku aha salaigan saidi' mae Ku hukumje sampe toka sidu-sidutu' kalana to ana-anaknyo nongambangimo Aku. I Eli nonsumbu'mo dosa' nu aha haha aijo' panyo ia madi' montambuha'i aha.