1 SAMUEL 19:7 - KITAB NU TUMPU ALLA LELE MA'IMAI'

⁷ Lapas aijo' ilagamo i Yonatan na i Daud ka' sinisiknyomo iwi-iwi' apaa na anu binisalakonmo nu aha u'uka. Lapas aijo' binoanyomo na i Daud hi Saul, ka' i Daud po ule'mo nombau apaa na anu nu palentahkon i Saul, susumo u'utu mae.

1 SAMUEL 19:7 ပူးပေါင်းရင်းမြစ်များ

KAJADIAN 31:2

I Yakub nontoa suele i Laban madi'mo daagi' i lame' mae hi ia susumo u'utu mae.

1 TAWARIKH 11:2

Salatan pe'e naipuan mae, ka' mule' tempo'nyo i Saul daagi' nompalentah kami, belentomo Tomundo' na nongkapalai suludadu nu Israel de mambamo na aha mahampate. Ka' ule' Tumpu Allah nu Belento Tomundo' binalajanji'mo tukoonyo belentomo Tomundo' na mompalentah mian anu pinalesayamo hi aha ka' baumo tomundo' nu aha.”

NOSABATMO 4:10

Panyo i Musa notatae, “O, Tumpu, aku misa' mian anu pande na motatae, mau naipuan mae mau uuka aiya, salatan Tumpu nompoto'imo hi belengku. Maboat na jila'ku, manyeeng na motatae ka' motatae madi' lompat.”

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

1 SAMUEL 16:21

Sumo aijo' na i Daud tinoka hi Saul ka' tinimbalimo posaihonnyo. Ia nu kalibosi hondo i Saul ka' ihangkatnyomo lewa' momboakon toongonnyo.

1 SAMUEL 18:10

Dodododopnyo i Saul kiijo' ilaigannyo hau-haunyo montoongi talombo'nyo, monti-montiik ia sinoku'anmo nu roh anu ma'idek, anu sinai mae nu Tumpu Allah, sahingga ia notomuhukmo susumo mian anu ingulawonmo. Tempo'nyo aitu i Daud hau-haunyo nongkuti'mo kasapi' susumo anu lewa' nu bau.

1 SAMUEL 18:13

Sahingga madi'mo pinojoongnyo na i Daud i hi laigan nu tomundo', ka' ihangkatnyomo binau kapala nu suludadu hi aha mian anu samadala na suludadu. Tiba jalan anu sumo aijo' i Daud saja'mo nompalentah suludadunyo da mamba mahampate.

1 SAMUEL 19:6

Potatae i Yonatan pinangalati'anmo i Saul, ka' ia binasumpa'mo hi Tumpu tukoonyo ia madi'mo mompatei i Daud.

1 SAMUEL 19:8

Lapas aijo' po ule'mo nahampate tiba aha mian nu Filistin. I Daud nontumbuhimo ka' nompatundu'mo aha iwi-iwi' sahingga aha nopalaimo.