1 SAMUEL 19:5 - KITAB NU TUMPU ALLA LELE MA'IMAI'

⁵ Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”

1 SAMUEL 19:5 ပူးပေါင်းရင်းမြစ်များ

2 SAMUEL 23:10

i Eleazar na sabole-bolemo nahampate ka' nompateimo mian nu Filistin sahingga ia nalawemo hondo. Limanyo i hojokmo sahingga ia madi'mo noko ala nongkakabasakon bajaknyo. Sinaa aitu Tumpu nombee'mo ka untungan nahampate anu daka' hondo hi aha mian nu Israel. Gombuan nu suludadu nu aha Israel anu tinolo ule'mo ninsusule' nokiijo' i tampat pinahampatean i Eleazar. Lantas lewa'mo nongukatakon baju' anu pinusok nahampate nu to bangke-bangke' haha aijo' ikiijo'.

1 TAWARIKH 11:18

Nohongo potatae aijo' aha totolu' na suludadu anu toto tangka-tangkas na pangkatnyo aijo' nompokiijo'imo kemah nu aha Filistin lantas nontaukmo mae uee i bubung aijo' lantas binoamo nu aha hi Daud. Panyo i Daud madi' nongka'oho' nonginum, ola ahi' binubusakonnyo salaku bau tanda sinombahkonnyomo hi Tumpu.

MAZMUR 109:5

Kanononganku nubalosakon mae nu aha nu palabuatan anu ma'idek, ka' kalibosanku nubalosakon mae nu aha nu han mongka'ideki mae aku.

MAZMUR 119:109

Aku saja'mo momboto'akon nyawangku, panyo aku madi' mongkolilimi atulan nu Belento.

MAZMUR 25:3

Anu madi' montapali Belento, na opopo'ambang panyo anu palesaya hi Belento na madi' ahi' ise-ise' na kinyonyoa.

MAZMUR 69:4

Aku lewa'mo nomoita tulung sahingga aku nalawemo ka' mule' gogohongku pinakamo hondo. Matangku naposmo hondo na lewa' montanda'i Tumpungku pa' hipian mae na montulungi aku.

MAZMUR 94:21

Aha mombaumo kasangaja'an, mongewa mian anu hodi' na kinyonyoanyo, ka' mombee'imo hukuman silaka, mian anu madi' ko sala'nyo.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

YEREMIA 26:15

Panyo jaga ahi', de belemiu mompateimo mae aku, belemiu tiba mian anu jojoong ikota' aiya montanggungimo kasala'an kalana nompateimo mian anu madi' ko sala'nyo. Kalana Tumpu ahi' na nonsaimo mae aku da mompokinde'i belemiu.”

MATIUS 27:24

Ahennyo i Pilatus tinonginau', saba' ia madi'mo timbali moko ala mombau apa-apaa, ka' to mia-mian haha aijo' ugaat motomuhukmo. Jadi ia nongala uee lantas i ahop nu mian da'isan aijo', ia nombaso'imo limanyo ka' notatae, “Aku madi' mangaku ko sala'nyo i kapatean nu mian aiya! Aijo' ulusan miu!”

MATIUS 27:4

Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

YOHANES 15:25

Panyo memang sumo aitumo, da timbali apaa na anu tinulis i uno nu Kitab nu Atulan nu aha, aijo'mo: ‘Aha mongka'ideki Aku, mau madi' ko sababnyo.’

SISIKON NU TO RASUL-RASUL 20:24

Panyo aku madi' mompajuli kantumuu'anku aiya, asan aku moko ala mompomingkot kalaja anu binee'mo nu Tumpu Yesus hi belengku ka' asan aku tulu-tulutan toka imihinyo nu kantumuu'anku mompolele Lele Ma'ima' aijo' mongkona balakat nu Tumpu.

FILIPI 2:30

Bau kapalaluan nu kalaja i Kristus, ia kiniboli' sinilakamo; ia nombatoniakonmo nyawanyo bakasmo da silaka asan montulungi aku salaku mowakini mae komiu.

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.

TO MIA-MIAN KOPIAN 12:3

Jadi, salatan sinumbu'kumo na belemiu madi' toka montulungi aku, aku sinabinmo na mamba mahampate tiba mian nu Amon haha aijo', bakasmo da aku silakamo. Lantas binee'anmo nu Tumpu na aku ka'untungan nahampate nongewa aha. Kadaka' uuka belemiu tokamo montumbuhi aku?”

TO MIA-MIAN KOPIAN 9:17

anu nahampatemo nonsangaja'i belemiu? Boli okolilimi, ia nombatoni'akonmo nyawanyo nolapasakon belemiu da madi'mo kinuasan nu aha mian Midian.

1 SAMUEL 11:13

Panyo i Saul notatae, “Mau ola samian madi' timbali opatei sinaa iya, kalana Tumpu sinaa aiya nomposalamatmo mian nu Israel.”

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.

1 SAMUEL 19:6

Potatae i Yonatan pinangalati'anmo i Saul, ka' ia binasumpa'mo hi Tumpu tukoonyo ia madi'mo mompatei i Daud.

1 SAMUEL 20:32

Jadi tinaamanmo i Yonatan, “Kadaka' ia tionyo ahi' opateimo? Apaamo na dosa'nyo?”

1 SAMUEL 22:14

Lantas tinaamanmo i Ahimelekh, “Panyo te ia misa' i Daud kapala nu suludadu nu belento Tomundo' anu mongkapalai suludadu anu talalo hondo tulu-tulutan. Ia monian nu belento Tomundo' ka' anu mongkapalai suludadu, anu monjagai belento Tomundo' ka' anu talalo hondo o angga'i nu mian iwi-iwi' i laigan nu belento Tomundo'.

1 SAMUEL 28:21

Bolian aijo' nokiijo'mo nongohani i Saul, tinoanyo na ia biningongmo hondo; kalana aijo' boune aijo' notataemo hi ia, “Kita Tuanku, aku aiya nongkolobanakonmo apaa na anu pinoitamo nu belento Tuan.