1 SAMUEL 19:4 - KITAB NU TUMPU ALLA LELE MA'IMAI'

⁴ Lantas apa-apaa na anu ma'ima' hi Daud sinisikmo i Yonatan hi Saul, tukoonyo, “Papa' boli ko niat ma'idek hi Daud posaihon nu belento Tuuma.

1 SAMUEL 19:4 ပူးပေါင်းရင်းမြစ်များ

KAJADIAN 42:22

Notatae na i Ruben, “Te misa' u'utu mae tinaloakonkumo hi komiu da anak aijo' boli opoposia, panyo belemiu madi' mongka'oho' mohongo. Ka' uuka aiya ia sinilakamo jadi obalosakonmo hi kita.”

KAJADIAN 9:6

Manusia pinotimbali mo susumo Aku; kalana aijo' ihe na mompatei manusia, ia suele opatei nu manusia.

2 TAWARIKH 6:22

De daagi' ko mian anu osangka nombaumo kasala'an hi mian sangga'at ka' oboamo i mezbah nu Belento i uno nu Laigan nu Belento aiya kahanda' basumpa' tukoonyo ia madi' ko sala'nyo,

MAZMUR 35:12

Palabuatanku anu ma'ima' binalosanmo nu aha nu palabuatan anu ma'idek; aku nanabu'mo i uno nu putus asa.

MAZMUR 59:4

Soba toa, na aha nolambanimo mae kahanda'mo mae monsilakai aku, to mia-mian anu toto buhingison nosa'angu'mo mongewamo mae aku; padahan misa' kalana aku nombaumo dosa' kabai nombaumo anu madi' o akui mae, o Tumpu.

AMSAL 17:13

Ihe na mombalosi ka'ima'an nu palabuatan anu ma'idek; ka'idekan suele madi' opoko ala osabatakon lengkat ilaigannyo.

YEREMIA 18:20

Pa' pantas na palabuatan anu ma'ima' obalosakon nu palabuatan anu ma'idek? Panyo aha nongkekemo bolo' da aku manabu' i unonyo. Inau'akon mae kalana aku nontinjohimo aha i ahop nu Belento, da Belento bolimo montambuha'i aha.

1 KORINTUS 8:12

Ka' de kita Utus mombau kasala'an pokakana sumo aijo' hi to Utu-utus Kristen, – aijo' kita Utus mongideimo palesaya nu aha anu ma'isa mahoson – jadi kita Utus baladosa'mo hi Kristus.

1 YOHANES 3:15

Mian anu mongka'ideki Utusnyo atina' topo patei, ka' osumbu' miu saba' mian anu topo patei madi' ko kantumuu'an kopian ka' sampe toka sidu-sidutu'.

1 SAMUEL 2:25

De mian mombau kasala'an hi sangko manusia Tumpu Allah na montimbangi kasala'annyo; panyo de mian baladosa'mo hi Tumpu, ihe na moko ala montulungi?” Panyo aha madi' mompajuli pokinde' nu tuuma nu aha i Eli, kalana tinantukanmo nu Tumpu na aha opateimo.

1 SAMUEL 20:32

Jadi tinaamanmo i Yonatan, “Kadaka' ia tionyo ahi' opateimo? Apaamo na dosa'nyo?”

1 SAMUEL 22:14

Lantas tinaamanmo i Ahimelekh, “Panyo te ia misa' i Daud kapala nu suludadu nu belento Tomundo' anu mongkapalai suludadu anu talalo hondo tulu-tulutan. Ia monian nu belento Tomundo' ka' anu mongkapalai suludadu, anu monjagai belento Tomundo' ka' anu talalo hondo o angga'i nu mian iwi-iwi' i laigan nu belento Tomundo'.