1 SAMUEL 19:20 - KITAB NU TUMPU ALLA LELE MA'IMAI'

²⁰ Kalana aijo' i Saul nonsaimo tinopia-piangkuka na mian anu mamba mohakop i Daud. Panyo tinokan nu aha sanggombu na to nabi-nabi anu hau-haunyo lewa' monsalelei ka' lewa' molo ais hingga-hinggat, i Samuel na nongatun aha sumo aijo'. Lantas aha anu sinai mae i Saul aijo' kinuasanmo nu Roh nu Tumpu Allah, sahingga aha suele lewa'mo nonsalele ka' lewa'mo nolo ais.

1 SAMUEL 19:20 ပူးပေါင်းရင်းမြစ်များ

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

NOMBILANGMO 24:2

ka' nontoamo bansa Israel anu hau-haunyo nombaumo kemah toto sanggombu na tulunan nu bansanyo. Lantas Roh nu Tumpu Allah nongkuasaimo i Bileam,

YOHANES 7:32

To mia-mian nu Farisi nohongomo mosia na mian da'isan haha aijo' mompaha oyo-oyong mongkona i Yesus. Kalana aitu, hingga-hinggat tiba to kapa-kapala nu imam, aha nonsaimo to pia-piangkuka ponjagai Laigan nu Tumpu mamba mohakop i Yesus.

1 KORINTUS 14:3

Panyo mule' mian anu mompotokakon lele lengkat mae hi Tumpu Allah, mompotoka hi mian da bau pompohoson aha, da bau pongkakeha aha, ka' da bau pomposanang kinyonyoa nu aha.

1 SAMUEL 10:10

Salatan i Saul tiba posaihonnyo tinokamo i Gibea aha siningkabotmo tiba sanggombu na to nabi-nabi. Tempo'nyo aijo' i Saul kinuasanmo nu Roh nu Tumpu Allah sahingga ia suele lewa'mo nonsalelei ka' nolo'ais susumo nabi haha aijo'.

1 SAMUEL 19:11

Pihi-pihi aijo' i Saul nonsaimo mian tinopia-piangkuka namba hi laigan i Daud mondoyoni da opateimo daagi subu. Panyo i Mikhal bengkele'nyo nompoto'imo hi ia, “De beleyum madi' mopalai pihi uuka aiya, dodop subu-subu beleyum opateimo.”

1 SAMUEL 19:14

Salatan aha anu pinalentah mae i Saul tinokamo mae da mohakopmo i Daud, notataemo na i Mikhal, “I Daud nasakitmo.”

1 SAMUEL 19:19

Panyo pinoto'imo hi Saul na i Daud kiijo' mae i Nayot koko Rama.

1 SAMUEL 19:21

Salatan lele aijo' tinokamo hi Saul, ia nonsaimo sangga'at mule' ka' aha mule' suele lewa'mo nosalele ka' lewa'mo nolo ais. Kinopintolunnyo i Saul po ule' mule' nonsai ka' sinumo aitu mule' na jinadi hi aha.