1 SAMUEL 18:25 - KITAB NU TUMPU ALLA LELE MA'IMAI'

²⁵ Lantas sinaimo i Saul na aha da mompoto'i hi Daud sumo uuka, “Anu nu poita i tomundo' salaku sompa'nyo ola 100 na kilit nu kamo anean anu nu aha mian Filistin salaku bau pombalosi sampo bali' i tomundo.” (Sumo aijo' na i Saul nombau tanga'an da i Daud opateimo nu aha mian Filistin.)

1 SAMUEL 18:25 ပူးပေါင်းရင်းမြစ်များ

KAJADIAN 29:18

I Yakub nongka'ima'imo i Rahel, kalana aijo' tinaamannyomo na i Laban, “Aku mongka'oho' mokalaja popitu' na taun na kopinnyo, de belento Babo' sanang aku mongosoaimo i Rahel.”

KAJADIAN 34:12

Poto'imo mae pa' palasen apaa na anu okamilui nu belemiu, ka' poto'i mae na sompa'nyo. Tionyo ku bee' pa' apaa na anu opoita nu belemiu asan opobee'mo mae nu belemiu na aku mongosoai langkoyang aijo'.”

2 SAMUEL 3:14

Lantas i Daud suele nonsaimo mian namba hi Isyboset ka' nomboa potuunon, “Tionyo ahi' belento Tuan monsule'akon mae bengkele'ku i Mikhal. Ia ingolingkumo nu kilit nu kamo'anean nu aha mian Filistin.”

YOSUA 5:3

Sahingga binaumo i Yosua na palentah nu Tumpu ka' nonsunatmo aha mian nu Israel haha aijo' i tampat anu sinanggohanmo Bungkutnyo nu Pinonsunatan.

1 SAMUEL 14:24

I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

1 SAMUEL 17:36

Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.

1 SAMUEL 18:17

I Saul binatanga'mo da nu pateimo nu aha mian Filistin na i Daud i uno nu pahampatean da boli ia na mosi patei. Jadi daagi kino sansinaan pinoto'imo i Saul hi Daud, “I Merab anaku lalangkoyang anu tumpenyo ku po osoakonmo tiba beleyum, panyo ku poita da beleyum tionyo ahi' mompotoa kabaanian na mahampate salaku bau pompopo daka' sanggo nu Tumpu.”

1 SAMUEL 18:24

Aha to mia-mian anu kopangkatnyo nompoto'imo hi Saul mosia na koonyo i Daud aijo'.

1 SAMUEL 19:1

I Saul nompoto'imo hi anaknyo momo'ane i Yonatan ka' hi iwi-iwi' mian anu ko pangkatnyo tukoonyo, i Daud nu pateimo. Panyo i Yonatan mongkalibosi hondo i Daud,