1 SAMUEL 18:14 - KITAB NU TUMPU ALLA LELE MA'IMAI'

¹⁴ Ia saja mingkaliangan de mompojalanmo kalajanyo kalana Tumpu na montulungi ia.

1 SAMUEL 18:14 ပူးပေါင်းရင်းမြစ်များ

KAJADIAN 39:23

Kapala nu talungku' aijo' madi'mo daagi' monjagai iwi-iwi' anu pinalentahkonnyomo hi Yusuf, kalana Tumpu nontulungimo ia, sahingga ningkalianganmo iwi-iwi' na anu binaunyo.

2 SAMUEL 5:10

Kakuasa'an i Daud nompaka pahosonmo kalana Tumpu, aijo'mo Tumpu Allah Anu Matangkas na kuasanyo na nontulungimo ia.

2 TOMU-TOMUNDO' 18:7

Mokonyo' aijo' saja' Tumpu montulungi ia, sahingga apa-apaa na anu nu bau saja' mingkaliangan. Ia nongewamo i tomundo' Asyur, ka' madi' nongka'oho' tinulut hi ia.

1 TAWARIKH 18:13

Lantas nompotinjomo kemah kajojoongan nu suludadu i songko-songko na Edom. Sahingga tinundu'mo na to mia-mian nu Edom hi Tomundo' Daud. Tumpu nompo'untungmo i Daud nahampate iyaya mae.

1 TAWARIKH 18:6

Lapas aijo' ia nompotinjomo kemah bau kajojoongan nu suludadu i da'erah nu aha, ka' aha tinundu'mo ka' nombayanmo hasin hi ia. Iyaya mae na i Daud mahampate saja' nupo'untung nu Tumpu.

2 TAWARIKH 17:3

Tumpu nombalakatimo i Yosafat kalana apaa na anu binaumo nu tuumanyo aijo'mo na binaunyo; ia madi' monsombah Baal,

MAZMUR 101:2

Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

MATIUS 1:23

“Samian na boune anu ma'isa toho' nonganak ia na poboa ka' mohampeakon samian na anak mo'ane. Anak aijo' osanggohi Imanuel.” (Imanuel te basa' nu Ibrani alati'nyo, “Tumpu monsangalui kita”.)

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

SISIKON NU TO RASUL-RASUL 18:10

Kalana Aku monsangalui beleyum. Madi' ko samian pe'e na anu moko ala mombau anu ma'idek hi beleyum kalana da'isan na mian i kota' aiya, te to mia-mian-Ku.”

YOSUA 6:27

Tumpu saja' mombaya'i i Yosua, ka' sanggo i Yosua tinalasanggomo i songko-songko na lipu' aijo'.

1 SAMUEL 10:7

De iwi-iwi' aijo' jadimo, lantas baumo mau mule' pa' apaa na anu nu oa'i nu beleyum ma'ima', kalana Tumpu Allah na monsangalui beleyum.

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 18:15

Salatan tinoa i Saul taalu' i Daud saja'mo mingkaliangan na anu nu bau nompaka pabuhukmo na i Saul hi Daud.

1 SAMUEL 19:8

Lapas aijo' po ule'mo nahampate tiba aha mian nu Filistin. I Daud nontumbuhimo ka' nompatundu'mo aha iwi-iwi' sahingga aha nopalaimo.

1 SAMUEL 3:19

I Samuel kinodaka-daka'nyomo. Tumpu saja'mo nombalakati ia, ka' apa-apaa na nu taloakon i Samuel totu-totu'u jadi.