1 SAMUEL 18:12 - KITAB NU TUMPU ALLA LELE MA'IMAI'

¹² Sinumbu'mo i Saul tukoonyo taalu' i Daud nu jagai nu Tumpu, panyo ia na pinala'ianmo ahi nu Tumpu kalana aijo' kinabuhuknyomo na i Daud.

1 SAMUEL 18:12 ပူးပေါင်းရင်းမြစ်များ

2 SAMUEL 5:10

Kakuasa'an i Daud nompaka pahosonmo kalana Tumpu, aijo'mo Tumpu Allah Anu Matangkas na kuasanyo na nontulungimo ia.

2 TAWARIKH 17:3

Tumpu nombalakatimo i Yosafat kalana apaa na anu binaumo nu tuumanyo aijo'mo na binaunyo; ia madi' monsombah Baal,

MAZMUR 51:11

Posiloimo na ohup nu Belento ka bolimo mae montoa iwi-iwi na dosa'ku, ka' sautimo iwi-iwi' na kasala'anku.

MAZMUR 53:5

Tumpu notatae, “Madi'mo daagi' sininsumbu' na to mia-mian anu ma'idek haha aijo'? Aha tumuu' ola sola' mongagoi balang nu mian anu palesayamo hi Beleng-Ku, ka' madi' toho' balado'a mae hi Beleng-Ku.”

HOSEA 9:12

Panyo maumo ahi' daagi ko to ana-anak anu ohampeakon ka' opodaka'mo, aha po ule' ahi' Ku ala; madi' ko samian pe'e na Ku pobee' tumuu'. Silakamo na belemiu o bansa Israel de Ku pala'imo na belemiu!”

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MARKUS 6:20

Kalana i Herodes nonsaimo mian monjagai ima-ima' kasalamatan i Yohanes i talungku', kalana ia mabuhuk hi Yohanes. Ia monsumbu' i Yohanes samian na anu ma'ima' anu sinai mae nu Tumpu. Ka' memang totu'u de i Yohanes motatae, i Herodes mongka'ima'i mompotombihing mau mule' kinyonyoanyo madi' sanang hondo kalana hi ia.

LUKAS 8:37

Lantas songko-songko na anu jojoong i da'erah Gerasa aijo' nompoita sabole-bole da i Yesus mompala'i tampat aijo', kalana aha iwi-iwi' nabuhukmo hondo. Jadi, i Yesus sinumake'mo i duangan kahanda'mo minsusule'.

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

SISIKON NU TO RASUL-RASUL 7:9

To Tutuuma anu nolee'akon mae kita aijo' nongka'idekimo i Yusuf, sahingga aha nompobaluk ia tinimbali botuan i Mesir. Panyo Tumpu nombalakati ia,

TO MIA-MIAN KOPIAN 16:20

Lantas ia nolobo'mo, “Simson! Mian nu Filistin tinokamo me!” I Simson nobulamo ka' pa' kokoonyo ia daagi' moko ala gawe susumo uuka mae. Madi' sinumbu'nyo saba' Tumpu nompala'imo ia.

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 16:4

I Samuel nombaumo susumo anu pinoto'imo nu Tumpu. Salatan ia tinokamo i Betlehem, to pola-polaya' kiijo' i kota' kinobanga-bangangmo na nolabot ia, ka' nompokilawa, “Pa' katokaan nu belento Tuuma aiya momboa mae kasalamatan?”

1 SAMUEL 18:15

Salatan tinoa i Saul taalu' i Daud saja'mo mingkaliangan na anu nu bau nompaka pabuhukmo na i Saul hi Daud.

1 SAMUEL 18:20

I Mikhal anak langkoyang i Saul anu sangga'at nongka'ima'imo i Daud. Salatan ihongomo i Saul na aijo' ia suele sinitujumo.

1 SAMUEL 18:29

Sahingga pinaka kabuhuknyomo na i Daud ka' saja'mo kina idekannyo, sampe sidu-sidutu' i uno nu kantumuu'annyo.

1 SAMUEL 20:13

De ia ko kahanda'mo mompatei beleyum maka tionyo ahi' suele kupoto'i hi beleyum da mopalai. O'amalakon da Tumpu mompatei aku de han aijo' madi' kubau. O'amalakon da Tumpu montulungi beleyum susumo ia suele tinulungan-Nyomo!

1 SAMUEL 22:13

I Saul nompokilawamo hi ia, “Kadaka' beleyum nosangaja'mo tiba i Daud mongewamo mae aku? Kadaka' binee'anmo nu beleyum mantu na ia roti tiba bajak ka' mule' beleyum nomoitamo pokinde' hi Tumpu Allah. Jadi ia tempo uuka mongewamo mau aku, me molio kasampatan nu pateimo mae na aku.”

1 SAMUEL 28:15

Lapas aijo' i Samuel notataemo hi Saul, “Kadaka' beleyum nolingkangmo mae aku? Kadaka' beleyum nolaga mule' mae aku?” Tinaaman i Saul, “Aku biningongmo hondo kalana nu tumbuhimo mae nu aha mian Filistin, padahan aiya Tumpu Allah nompala'imo aku. Aku madi'mo mae tinaaman-Nyo kabai pinot'i-Nyo mae hi to nabi-nabi kabai pinoipi-Nyo mae. Kalana aijo' ku kakaase hi belento Tuuma poto'i mae pa' apaa na anu tionyo ahi' kubau.”

1 SAMUEL 3:19

I Samuel kinodaka-daka'nyomo. Tumpu saja'mo nombalakati ia, ka' apa-apaa na nu taloakon i Samuel totu-totu'u jadi.