1 SAMUEL 18:1 - KITAB NU TUMPU ALLA LELE MA'IMAI'

^1-2 Noko lapas na i Saul tiba i Daud binasale', i Daud ihangkatmo i Saul binee'annyomo pangkat mokalaja hi ia, ka' mulai sinaa aitu ia madi'mo pinobee' ninsusule' ilaigan nu tuumanyo. Anu sinale'akon nu aha aijo' ihongomo i Yonatan anaknyo momo'ane. Ia suele mongka'ima'i i Daud ka' mongkalibosi ia sumomo ia mongkalibosi posi butongnyo.

1 SAMUEL 18:1 ပူးပေါင်းရင်းမြစ်များ

KAJADIAN 44:30

“Kalana aijo' kita Tuanku,” notatae na i Yehuda hi Yusuf, “De aku minsusule' hi tuuma mami madi'mo ko utus ise' mami aijo', tantu tuuma mami silakamo. Santuu'nyo totoong hi anak aijo', ka' ia talalomo hondo i langkai', sahingga kasusa'an anu opotoka mami hi ia aijo' mongahenakonmo kasilakannyo.

2 SAMUEL 1:26

O utusku Yonatan, kinyonyoangku sinusa'mo hondo ka' nolibosmo, kalana beleyum ko angga'nyo hondo hi belengku. Kalibosan nu beleyum hi belengku talasanggo hondo.

1 TAWARIKH 12:17

I Daud nonsingkabotimo aha ka' nompoto'i, “De belemiu toka mae aiya kahanda' mosangalu montulungi aku otalima mami na belemiu sanang na kinyonyoa mami montalima belemiu. Panyo de belemiu ko kahanda' toka mae da monsilakaimo aku hi sampo bali'ku, maumo aku madi' nombau anu ma'idek hi belemiu, Tumpu Allah anu osombah nu mompolee'to na monsumbu' ka' mule' Ia na mohukum belemiu.”

MAZMUR 86:11

Pogulu'akon mae, apaa na anu, nu kahanda'i hi belengku, o, Tumpu, da ku batuki ka' ku tuluti totu-totu'u; potimbali mae na aku da tulu-tulutan ka' totu-totu'u na kinyonyoangku.

AMSAL 18:24

Daagi' ko sampo bela' anu madi' tulu-tulutan. Daagi' mule' ko anu lebe mompahakona hondo nulingkuduimo utus.

PO'ULE' INGULIT 13:6

De utus nu belemiu kabai anak nu belemiu mo'ane kabai boune, kabai bengkele' nu belemiu anu okalibosi nu belemiu kabai sangalu anu mompahakona hondo belemiu madi' osumbu-sumbu' taalu' nonsale'imo belemiu da monsombah to pilo-pilogot sangga'at nu to bansa-bansa anu jojoong ohani kabai majo'on,

KOLOSE 2:2

Iwi-iwi' aijo' ku bau da kinyonyoa nu aha timbali mahoson ka' aha mompaha kali-kalibosi, sahingga aha mahoson na mosa'angu'. Tiba jalan anu sumo aijo' aha totu-totu'u mangalati'mo ka' palesayamo hondo-hondo ka' monsumbu'mo lahasia nu Tumpu, aijo'mo i Kristus.

TO MIA-MIAN KOPIAN 20:11

Sumo aijo' na aha mian nu Israel nosa'angu'mo nontumbuhi Gibea.

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.

1 SAMUEL 18:3

Kalana aijo' i Yonatan binasumpa'mo da mobela'mo tiba i Daud sampe toka sidu-sidutu'.

1 SAMUEL 19:1

I Saul nompoto'imo hi anaknyo momo'ane i Yonatan ka' hi iwi-iwi' mian anu ko pangkatnyo tukoonyo, i Daud nu pateimo. Panyo i Yonatan mongkalibosi hondo i Daud,

1 SAMUEL 19:2

kalana aijo' i Yonatan nompoto'imo hi Daud tukoonyo, “Tuumangku ko kahanda'mo mompatei beleyum; jadi bala ingati! Dodop subu-subu lambamo paninsuluk i tampat anu madi' opoko ala ohumpak ka' jojoongmo ikiijo'.

1 SAMUEL 20:17

Jadi kinopinduannyo i Yonatan nompoitamo hi Daud da balajanji' mongkalibosi ia, kalana ia nongkalibosimo i Daud susumo posi butongnyo.

1 SAMUEL 20:8

Ku poita da beleyum montulungi mae aku, kalana kita binajanji'mo i ahop nu Tumpu. Panyo de aku ahi' nombaumo kasala'an, yo pateimo mae ahi' na aku, asan boli nu bee' na aku hi tuuma nu beleyum.”

1 SAMUEL 22:8

Mokonyo aijo' belemiu sinangaja'mo mongewa mae aku, sahingga tiba mau pe'e samian madi' ko anu nompoto'i mae hi belengku mongkona anaku anu naninggalummo hi Daud aijo. Mau pe'e ola samian na anu aiya hi belemiu madi'mo ko anu nonginau' mae butongku kabai nompoto'i mae hi belengku i Daud, ia aijo' suludadungku, panyo uuka aiya hau-haunyomo molio kasampatan da mompateimo mae aku ka' mule' i Yonatan anaku na nombee'i tanga'an hi ia!”

1 SAMUEL 23:18

Lapas aijo' i Daud tiba i Yonatan nojanji'mo da mobela'mo totu-totu'u i ahop nu Tumpu. Lapas aijo' i Yonatan ninsusule'mo i laigannyo, panyo i Daud na tatataap ahi' jinojoongmo kiijo' i Hores.