1 SAMUEL 17:52 - KITAB NU TUMPU ALLA LELE MA'IMAI'

⁵² Aha mian nu Israel haha aijo' tiba aha mian nu Yehuda lewa'mo nolo ais ka' nololoi'mo mian nu Filistin haha aijo' tinoka-toka i Gat ka' sabatan anu kiijo' i Ekron. Mian nu Filistin haha aijo' anu pinahantabasakonmo kahomo paha-paha bandang i jalan mamba mokiijo' i Saaraim!

1 SAMUEL 17:52 ပူးပေါင်းရင်းမြစ်များ

2 SAMUEL 23:10

i Eleazar na sabole-bolemo nahampate ka' nompateimo mian nu Filistin sahingga ia nalawemo hondo. Limanyo i hojokmo sahingga ia madi'mo noko ala nongkakabasakon bajaknyo. Sinaa aitu Tumpu nombee'mo ka untungan nahampate anu daka' hondo hi aha mian nu Israel. Gombuan nu suludadu nu aha Israel anu tinolo ule'mo ninsusule' nokiijo' i tampat pinahampatean i Eleazar. Lantas lewa'mo nongukatakon baju' anu pinusok nahampate nu to bangke-bangke' haha aijo' ikiijo'.

1 TOMU-TOMUNDO' 20:21

I Tomundo' Ahab suele nambamo nahampate lantas nohansuni iwi-iwi' na kareta anu pinake nu sampo bali' nahampate ka' nompateimo kudanyo iwi-iwi'. Sinaa aitu mian nu Siria pinatundu'mo ka' manjoo' hondo na kalugia'an.

YOSUA 15:11

Lengkat mae i Timna potempasan aijo' nambamo nokiijo' nompanjolongimo sasu utara Bungkutnyo nu Ekron, lantas noselemo nokiijo'mo nongahopimo Sikron, monsahak Bungkutnyo nu Baala i lau-laus mokiijo'mo i Yabneel, lantas puusnyo i ambai anu i Totonga'nyo,

TO MIA-MIAN KOPIAN 7:23

Sahingga aha tulunan nu bansa Naftali, Asyer, tiba tulunan nu bansa Manasye anu i sasu kabete'an kabai anu i sasu kinsoban Kaunyo nu Yordan suele i lagamo. Lantas aha nololoi'mo suludadu nu Midian.

1 SAMUEL 17:53

Lapas aijo' aha mian nu Israel ninsusule'mo madi'mo nololoi' mian nu aha Filistin, lantas nompahuhuakonmo isi nu kemah nu aha.

1 SAMUEL 5:10

Lantas Peti' Palajanjian aijo' binoamo i Ekron kota' sangga'at mule' nu aha mian Filistin. Salatan Peti' aijo' tinokamo i kiijo' anu jojoong i kiijo' lewa'mo, no loboo' aha notatae, “Peti' Palajanjian nu Tumpu Allah Israel aijo' binoamo mae no uuka da opateimo na kita iwi-iwi'.”

1 SAMUEL 5:8

Kalana aijo' aha nomposihukmo oli-olima' na tomundo' nu aha Filistin da sihuk, lantas binasale'mo. “Peti Palajanjian nu Tumpu Allah Israel aijo' oposiantomo?” Tinaaman nu tomundo' haha aijo' “Olalin mokiijo' i kota' Gad.” Jadi Peti' aijo' ilalinmo nokiijo' i kota' Gat, sa'angu'na kota' nu aha Filistin sangga'at.