1 SAMUEL 17:46 - KITAB NU TUMPU ALLA LELE MA'IMAI'

⁴⁶ Sinaamo uuka aiya na Tumpu mombee' mae beleyum hi belengku, beleyum ku patundu'mo ka' ubak nu beleyum ku kolongmo. Butong nu beleyum tiba butong nu to sulu-suludadu nu Filistin ku bee'mo hi tomonsi ka' binatang, da nu kaan nu aha. Sahingga songko-songko na dunia monsumbu'je taalu' kami bansa Israel ko Tumpu Allahnyo anu osombah mami.

1 SAMUEL 17:46 ပူးပေါင်းရင်းမြစ်များ

KAJADIAN 40:19

Daagi' tolun sinaa aiya i tomundo mompalentahmo mian mompolo ubak nu beleyum lantas mompokalayo'mo bangk'e nu beleyum i sa'angu' na ohi', ka' to tomo-tomonsi' tokamo mae montoluki antok nu beleyum.”

2 SAMUEL 18:28

I Ahimaas notataemo daka-daka' na nonsalado'ai i tomundo' lantas tinolodadupumo ka' notatae, “O puji' na Tumpu Allah nu belento Tomundo' anu nombee'mo to mia-mian hi belento Tomundo' aha anu saja' moto muhut mombau anu ma'idek hi belento Tuanku!”

2 SAMUEL 21:10

Lantas i Rizpa ambahue' i Saul nilatasmo nu kalung aijo' i batu anu pipinompo una'an bangke' haha aijo' sika-sikatimpas. I Rizpa madi'mo nompala'i tampat aijo' salatan pe'e pinongalapanmo isi nu ale' sahingga tinokamo na tempo'nyo nu ehua ka' tempo'nyo aitu hon nu kau' nohudu'mo. Sinaa madi' nu pobee' na bangke' haha aijo' nu tungkugi nu to tomo-tomonsi' kabai de malomo dumo nu kaan nu to bina-binatang anu mahangas.

1 TOMU-TOMUNDO' 8:43

O poita da itina' mae i kajojoongan nu Belento i suluga' o hongo mae nu Belento na do'anyo ka' bee'mo apaa na anu pinoitanyomo. Sahingga iwi-iwi' na bansa i songko-songko na dunia monsumbu'mo Belento ka' montulutimo Belento susumo mian nu Israel anu pinalesaya'mo. Da nusumbu' nu aha na laigan anu ku bau aiya bau tampat ponsomban Belento.

1 TOMU-TOMUNDO' 8:60

Tiba jalan anu sumo aijo' iwi-iwi' na bansa i dunia aiya monsumbu'je taalu' ola-olamo ahi' Tumpu, na Tumpu Allah, madi' ko sangga'atannyo.

2 TOMU-TOMUNDO' 19:19

O Tumpu, Tumpu Allah mami, lapasakon mae na kami aijo' hi aha to mia-mian nu Asyur da iwi-iwi' na bansa i dunia aiya monsumbu' taalu' ola ahi' belento sa'a-sa'angu'nyo na Tumpu Allah.”

2 TOMU-TOMUNDO' 5:15

Lantas ia ka' iwi-iwi' na anu nombatuki ia po'ule'mo namba hi Elisa. “Uuka aiya sinumbu'kuje,” na koonyo i Naaman hi Elisa. “Taalu' i songko-songko na dunia ola samian na Tumpu Allah. Aijo'mo Tumpu Allah anu osombah nu mian Israel. Kalana aijo' belento Tuan sanang ahi' mae na mongala anu ku bee' aiya.”

MAZMUR 31:8

Aku lame'mo ka' mule' bilahimo kalana Belento tataap mongkalibosi mae aku. Belento nontoamo mae kasansala'anku, ka' nompalahatikanmo mae kasusa'anku.

MAZMUR 46:10

Ia nompobelentimo pahampatean isongko-songko na dunia aiya, pelet tiba talombo' ihansunan-Nyomo, kanta toto timpo-timpodon pinapuannyo-Mo,

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YESAYA 37:20

O, Tumpu, Tumpu mami, posalamat mae na kami da madi' nu patei nu aha mian Asyur haha aijo' da iwi-iwi' na bansa idunia aiya monsumbu' saba' ola-olanyomo ahi' Belento na Tumpu.”

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YESAYA 56:9

Tumpu nompokaumo to bansa-bansa anu isalipu'an mae da toka susumo binatang anu mahangas da monsilakaimo miannyo anu palesayamo hi Ia.

YEREMIA 19:7

Itampat aiya madi'mo Ku pojadi' na tanga'an iwi-iwi' nu aha mian Yehuda tiba mian anu jojoong i Yerusalem. Aha Ku popilayamo da nu patundu'mo nu to sampo-sampobali' nu aha ka' opateimo i uno nu pahampatean. Bangke' nu aha Ku pojohokmo da nu tolukmo nu to tomo-tomonsi' tiba binatang anu mahangas.

YEREMIA 34:20

Ku bee'mo na belemiu hi aha sampobali' nu belemiu anu kahanda'mo mompatei belemiu. Bangke' nu belemiu nu kaanmo nu tomonsi' tiba binatang anu mahangas.

DANIEL 2:47

I Tomundo' notatae, “Totu'u, Daniel, Tumpu nu beleyum aijo' talalo hondo daka' na kuasanyo maumo ahi' pa' Tumpu iyamae. Ia na anu mongkuasai iwi-iwi na tomundo' ka' anu moko ala mompotalang iwi-iwi' na lahasia. Kusumbu' na han aijo' kalana beleyum noko alamo nontalangkan lahasia aiya.”

DANIEL 3:29

Kalana aijo' ku palentah da batu-batu mian i sa'angu' na bansa, tulunan nu bansa kabai basa' iyayamae anu mongalu Tumpu anu nu sombah i Sadrakh, i Mesakh, tiba i Abednego, opado-padot ka' mule' laigannyo ohobo'akon ka' opojadimo tambulan nu anu nopapumo na laigannyo aijo'. Kalana madi' ko pilogot anu moko ala mombau apaa na anu binaumo nu Tumpu aijo'.”

MATIUS 24:28

Iya na daagi' ko bangke'nyo, i kiijo' daagi' ko tomonsi' montoluk bangke'nyo.”

PO'ULE' INGULIT 28:26

De belemiu silakamo bangke' nu belemiu timbalimo kaanon nu to tomo-tomonsi' ka' to bina-binatang anu mahangas, ka' madi' ko anu molaa' binatang haha aijo'.

PO'ULE' INGULIT 7:2

De Tumpu Allah nu belemiu mombee'mo bansa haha aijo' da okuasaimo miu ka' opatundu'mo nu belemiu na aha, pateimo na aha iwi-iwi'. Boli mongkalibosi aha kabai mojanji' tiba aha.

PO'ULE' INGULIT 7:23

Sumo aijo' na Tumpu Allah nu belemiu mombee' iwi-iwi' na sampobali' miu hi belemiu. Ia momposubalimo aha sampe aha silakamo.

YOSUA 10:8

Tumpu notataemo hi Yosua, “Boli mabuhuk hi aha. Ka'untungan mahampate Ku bee'mo hi belemiu, kalana aijo' samian pe'e na aha madi' moko ala totahan mongewa belemiu.”

YOSUA 4:24

da iwi-iwi' na mian anu i dunia aiya monsumbu' palias na kodaka'nyo na kuasanyo nu Tumpu. Ka' tiba jalan anu sumo aijo' belemiu mongadatimo Tumpu, Tumpu Allah nu belemiu sampe toka sidu-sidutu'.”

1 SAMUEL 14:6

Sahingga notataemo na i Yonatan hi olitau aijo', “Imbo' da olambanintomo mokiijo' i ponjaga'an nu aha mian Filistin anu daagi halipulu aijo'. Ihe na monsumbu' nu tulungi mae nu Tumpu na kita. Kalana Tumpu moko ala mombee'i mae ka untungan mahampate mau da'isan na mian maumo ola sangkiding na mian.”

1 SAMUEL 17:44

Ka' mule' ingewanyomo na i Daud, ia notatae, “Soba po uuka mae da ku bee' na butong nu beleyum hi tomonsi, ka' binatang da nu kaan nu aha.”