1 SAMUEL 17:43 - KITAB NU TUMPU ALLA LELE MA'IMAI'

⁴³ Koonyo i Goliat hi Daud, “Bau apaa na tokon atina'? Te kooyum aku aiya dedeng?” Lantas tinotobi'akonnyomo na i Daud da nu kutuki nu to pilo-pilogotnyo.

1 SAMUEL 17:43 ပူးပေါင်းရင်းမြစ်များ

KAJADIAN 27:29

O'amalakon da to bansa-bansa timbali posaihon nu beleyum ka' tulunan nu to bansa-bansa matundu' hi beleyum. O'amalakon da beleyum mongkuasai sampoto utusan nu beleyum ka' lee' nu tina nu beleyum monsombah i ahop nu beleyum. O'amalakon da mohumpak kutuk na iwi-iwi' mian anu mongkutuki beleyum ka' mohumpak balakat na iwi-iwi' mian anu mombalakati beleyum.”

2 SAMUEL 16:5

Salatan i Daud tinokamo i Bahurim, tinokamo mae na samian anu itampat aijo' ka' nongohanimo i tomundo' anu aijo' gombu-gombu tiba mian sangga'at ka' nontotobi'akonmo i Daud. Mian aijo' sanggonyo i Simei anak i Gera, potoutusan mae i Saul.

2 SAMUEL 16:9

I Abisai utus ise' i Yoab anak i Zeruya, notataemo hi tomundo', “Kadaka' opojohokmo nu belento Tomundo' na mian anu nambamo mae nontotobi'akon belento Tomundo'? Pobee'mo mae da lako'mo ku tekok na gogohongnyo!”

2 SAMUEL 3:8

Lantas i Abner notambuha'mo hondo ka' ia notataemo, “Kadaka' belento Tuanku mongihohopimo mae aku aiya au'aitu nombusikimo sanggo i Saul ka' mosangaja'mo hi aha Yehuda? Salatanmo pe'e momonanyo aku saja'mo tinulu-tulutan hi Saul tuuma nu belento Tuan, ka' hi sampoto utusannyo ka' mule' hi to sanga-sangalunyo. Aku nontulungimo Tuanku sahingga madi'mo pinoko patundu' i Daud. Padahan i Tuan mongambangimo mae aku ola kalana boune!

2 SAMUEL 9:8

I Mefiboset tinolodadupumo mule' noholomati ka' notatae, “Aku aiya anu madi' kokaliangannyo! Kadaka' belento Tomundo' talalomo mongkanonongi mae aku?”

1 TOMU-TOMUNDO' 20:10

“Tomundo' mami nonsaimo mae suludadu manjoo' hondo toka mae mongidei kota nu belemiu, sahingga abu nu kota anu motoyo'mo aijo' me sangkakup na nukakup nu aha ka' nu boa nu aha. Ia binasumpa'mo da nu hukum nu to pilo-pilogot, ka' nu patei na ia, de han aijo' madi' nu bau!”

2 TOMU-TOMUNDO' 8:13

“Ha, aku aiya ola mian anu madi' ko alati'nyo,” na koonyo i Hazael, “aku madi' ko kuasa anu sumo itina' na kodaka'nyo!” “Tumpu nompoto'imo hi belengku, tukoo-Nyo beleyum timbalimo tomundo' nu Siria,” na koonyo i Elisa.

AMSAL 26:2

Susumo tomonsi' lumahap, ka' ko laha-lahap aita ilanga sumo aitu mule' pongkutuki madi' nu kona na mian anu madi' ko sala'nyo.

NOMBILANGMO 22:6

Aha na lebe mahoson molingkudui kami. Jadi, sampamo toka mae! Okutuki na aha da ku pokala. Da ugaat timbali opoko ala o hungku'i mami na aha ka' molaa' aha mompala'i lipu' aiya. Kalana ku palesaya hondo mian anu obalakatimo nu belento mohumpakmo balakat, ka' mian anu okutukimo nu belento mohumpakmo kutuk.”

TO MIA-MIAN KOPIAN 9:27

Aha nambamo nontipu anggur i to ale-ale' nu anggur lantas binaunyomo anggur anu lewa' o inum ka' nombaumo bau-bauon. Aha nongkaanmo ka' nonginumo i tampat ponsomban nu aha pilogot. Ka' lewa'mo nontundai i Abimelekh.

1 SAMUEL 14:12

Ka' mule' aha nolobo'mo nokiijo' hi Yonatan ka' hi posaihonnyo “Imbo' po uuka mae da opotoa mami na apa-apaa aiya hi belemiu!” Lantas notataemo na i Yonatan hi olitau aijo', “Batuki mae na aku kalana aha binee'mo nu Tumpu hi Israel.”

1 SAMUEL 24:14

Belento Tomundo' tantu monsumbu' basa' nu aha mian anu daagi naipuan mae sumo uuka, 'Kalakuan anu ma'idek, anu mombau ola mian anu ma'idek na kalakuannyo'.' Kalana aijo' aku aiya madi' mombau anu ma'idek hi belento Tomundo'.

1 SAMUEL 24:15

Soba toa mae na aku aiya anu kahanda'mo nu patei nu tomundo' nu Israel! Soba toa mae na aku aiya anu lewa'mo nu loloi' nu aha! Aku aiya ola sumo sa'angu' na dedeng anu natemo, ola susumo sa'angu' na somoyu.