1 SAMUEL 17:37 - KITAB NU TUMPU ALLA LELE MA'IMAI'

³⁷ Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”

1 SAMUEL 17:37 ပူးပေါင်းရင်းမြစ်များ

2 SAMUEL 10:12

Pohoson na kinyonyoa ima-ima'! Imbo' babaani mae na kita mahampate montinjohakon bansanto tiba to kota-kota' nu Tumpu Allah. O'amalakon da Tumpu mombaumo apa-apaa na anu nu kahanda'i.”

1 TAWARIKH 22:11

Lantas po'ule' pinoto'i i Daud, “Uuka aiya, anaku o' amalakon da Tumpu Allah nu beleyum saja' montulungi beleyum. Ka' O' amalakon na beleyum da moko ala mompotimbali laigan nu Tumpu anu obau aijo' susumo anu jinanji'-Nyomo.

1 TAWARIKH 22:16

mosoni', salaka, tambaga, ka' besak. Jadi sampamo lia-lia' otampu'uni! O'amalakon da Tumpu montulungi beleyum.”

MAZMUR 11:1

Anu mihohung panyanyi. Mazmur i Daud. Aku minsondo' hi Tumpu; madi' kogunanyo na motatae hi belengku, “Posalamat na butong nu beleyum susumo tomonsi' anu lumap mokiita' i bungkutnyo.

MAZMUR 118:6

Aku madi' mabuhuk kalana Tumpu na monsangalui mae aku, manusia madi' moko ala mombau apa-apaa hi belengku.

MAZMUR 138:3

Salatan aku nongkakasemo hi Belento, Belento nontaamimo mae, pinohosonmo nu Belento na kinyonyoangku sahingga aku binaanimo.

MAZMUR 63:7

Tempo'nyo ko mamale' i kahoyotan, ku inau' na Belento, sampahu-pahu aku saja' mompotutugakon Belento;

MAZMUR 77:11

Lantas aku notataemo, “Aiyamo na anu monsakiti kinyonyoangku, tukoongku Anu Matangkas na Kuasa-Nyo madi'mo daagi' balakuasa.”

DANIEL 3:17

De Tumpu anu osombah mami moko ala momposalamat kami da boli motoyo' nu apu anu binanyela-nyelakmo aijo' ka' i uno nu kakuasa'an nu belento Tuanku ka' mule' aijo' memang tionyo ahi' Nu bau.

YOSUA 1:17

Kami tulu-tulutanmo hi belento, susumo kami suele tinulu-tulutanmo hi Musa. O amalakon da Tumpu Allah nu belemiu saja' monsangalui susumo Ia nonsangaluimo i Musa!

I RUT 2:4

Madi' pinin i Boas tinokamo lengkat mae i Betlehem ka' nontabea'i to mia-mian anu mompadak, “O amalakon da Tumpu monjagai belemiu,” na koonyo. To mia-mian anu mompadak nontaami, “O amalakon da Tumpu mombalakati belento Tuuma.”

1 SAMUEL 17:36

Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.

1 SAMUEL 17:38

I Saul nombee'imo baju' da opusok mahampate, aijo'mo sa'angu' na baju' besak hi Daud, lantas pinusokmo i Daud. Ka' mule' pinosongko'mo i Saul na songko' tambaga' hi Daud.

1 SAMUEL 20:13

De ia ko kahanda'mo mompatei beleyum maka tionyo ahi' suele kupoto'i hi beleyum da mopalai. O'amalakon da Tumpu mompatei aku de han aijo' madi' kubau. O'amalakon da Tumpu montulungi beleyum susumo ia suele tinulungan-Nyomo!

1 SAMUEL 24:19

Kalakuanku anu ma'idek hi beleyum ola binalosakon nu beleyum nu ka'ima'an. Sinaa uuka aiya pinotoamo nu beleyum na niat ma'ima' hi belengku, kalana beleyum madi' nompatei aku, binee'mo nu Tumpu sabenannyo na aku hi beleyum.

1 SAMUEL 26:25

Lantas i Saul notataemo hi Daud, “Tumpu nombalakatimo beleyum, Anaku! Apaa na anu nu bau nu beleyum nu humpak iwi-iwi' na hasinnyo!” Lantas i Daud nambamo ka' i Saul suele ninsusule'mo i laigannyo.

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”