1 SAMUEL 17:36 - KITAB NU TUMPU ALLA LELE MA'IMAI'

³⁶ Aku nompateimo singa ka' beruang ka' mian nu Filistin anu bapilogot aijo' saidi' mae ku pokakanakonmo suele susumo binatang haha aijo', kalana ia baani na mompopo ambang suludadu nu Tumpu Allah anu tumuu'.

1 SAMUEL 17:36 ပူးပေါင်းရင်းမြစ်များ

2 TAWARIKH 32:17

I Tomundo Asyur mule' nontulismo sulat anu mompisala'i Tumpu, Tumpu Allah anu nusombah nu mian Israel. Sumo uuka na onyi' nu sulat aijo', “To pilo-pilogot nu iwi-iwi na bansa sangga'at madi' moko ala mompobebas bansanyo da madi' ku kuasai, sumo aijo' mule' pilogot i Hizkia madi' moko ala mompobebas bansanyo da madi' ku kuasai.”

YESAYA 10:15

Panyo pinoto'imo nu Tumpu, “Tetoho' mule' bobolo' mosi buulakonmo ia hi mian anu monggunakon ia? Pa' galagaji lebe penting nulingkudui na mian anu monggunakon ia? Misa amangkun na mohangkat mian, panyo mian ahi' na mohangkat amangkun.”

YESAYA 36:15

Boli montuluti apaa na anu pinoto'inyo koonyo da montaha'imani ahi' Tumpu. Boli monsangka Tumpu na momposalamat belemiu kabai montewa' suludadu nu Asyur da madi' mongala kota' nu belemiu.

YESAYA 36:18

Boli mohongo i Hizkia! Ia ola mongakali belemiu nu potataenyo tukoonyo Tumpu na momposalamatmo belemiu. Tetoho'mo kino pilogot nu bansa sangga'at timbali momposalamat lipu'nyo da madi' ku kuasai?

YEHEZKIEL 28:10

Beleyum saidi' mae matemo susumo mian anu madi' ko angga'nyo kalana pinatean nu aha anu isalipu'an mae anu madi' monsumbu' Tumpu. Aku, Tumpu Anu Matangkas na Kuasanyo notataemo.”

YEHEZKIEL 32:19

Poto'i hi aha, ‘Belemiu monsangka saba' belemiumo na anu talalo handa? Belemiu mintatau'mo i dunia nu mian anu sinilakamo, ka' opomale'mo hi aha to mia-mian anu madi' monsumbu' Tumpu.’

DANIEL 5:23

Belento Tuanku takabun hi Tumpu anu kiita' i suluga' ka' baani na mompalentah da oboa oposoop na to mangko-mangko' anu ingagoan i Laigan nu Tumpu. Lantas belento Tuanku tiba anu to tangka-tangkas na pangkatnyo, to bengke-bengkele' nu belento tiba to amba-ambahue' nu belento Tuanku nompuji'mo patong haha aijo' anu mosoni' na binau, salaka, tambaga, besak, kau' ka' batu, ka' mule' to pilo-pilogot anu madi' montoa kabai mohongo kabai mangalati' apa-apaa. Belento Tuanku madi' moholomati Tumpu anu montantukan tumuu' kabai silaka na belento Tuanku ka' anu montantukan jalan nu kantumuu'an nu belento Tuanku.

ZAKHARIA 12:3

Panyo de sinaa aijo' tokamo mae, Ku baumo na Yerusalem susumo batu anu maboat; maumo bansa pa' iya mae na monsoba mohangkat mohumpakmo bahaya. Iwi-iwi' na bansa i dunia aiya mosa'angu'mo montumbuhi Yerusalem.

ZAKHARIA 2:8

Ihe na montumbuhi mae belemiu tantu aha montumbuhimo anu talalo hondo Ku kanonongi.” Sahingga Tumpu Anu Daka' na Kuasanyo nompalentahmo mae aku da mompotokakon potuunon-Nyo aiya hi to bansa-bansa anu nombulingimo mian anu palesayamo hi Ia,

1 SAMUEL 14:6

Sahingga notataemo na i Yonatan hi olitau aijo', “Imbo' da olambanintomo mokiijo' i ponjaga'an nu aha mian Filistin anu daagi halipulu aijo'. Ihe na monsumbu' nu tulungi mae nu Tumpu na kita. Kalana Tumpu moko ala mombee'i mae ka untungan mahampate mau da'isan na mian maumo ola sangkiding na mian.”

1 SAMUEL 17:10

Uukamo aiya na aku mongewa suludadu nu belemiu Israel; pile'imo mae samian na anu baku tanding mongewa aku!”

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

1 SAMUEL 17:35

binatang anu mahangas aijo', akumo aiya na mololoi' ka' mompatei. Lantas domba aijo' na ku posalamat. Ka' de singa kabai beruang aijo' mongewa aku saba'ku toongi na gogohongnyo ka'ku pahantutukakon sampe mate.

1 SAMUEL 17:37

Tumpu nomposalamatmo aku madi'kinaan nu singa ka' beruang, Ia suele na momposalamat aku aiya da boli nu patei nu aha mian Filistin aijo'.” Lantas notataemo na i Saul hi ia, “Ma'ima'mo o amalakon da Tumpu montulungi beleyum.”

1 SAMUEL 18:17

I Saul binatanga'mo da nu pateimo nu aha mian Filistin na i Daud i uno nu pahampatean da boli ia na mosi patei. Jadi daagi kino sansinaan pinoto'imo i Saul hi Daud, “I Merab anaku lalangkoyang anu tumpenyo ku po osoakonmo tiba beleyum, panyo ku poita da beleyum tionyo ahi' mompotoa kabaanian na mahampate salaku bau pompopo daka' sanggo nu Tumpu.”

1 SAMUEL 31:4

Lantas pinoto'inyomo hi olitau nau lewa' momboakon toongonnyo, “Keat na bajak nu beleyum ka' tabas mae na aku, da aku boli nu kabisa'i ka' nu patei nu mian haha aijo' anu madi' monsumbu' Tumpu.” Panyo olitau aijo' madi' mongka'oho' nontabas, kalana talalo hondo nu adati. Kalana aijo' i Saul nongalamo posi bajaknyo ka' pinota'annyo ka'ihampabakonnyomo na butongnyo nokiijo' i bajaknyo.