1 SAMUEL 17:25 - KITAB NU TUMPU ALLA LELE MA'IMAI'

²⁵ “Toa aitumo mae na ia,” na koonyo nu aha samian ka'samian. “Potombihing na potataenyo mongewamo mae! I Saul tomundo' to nonjanji'mo tukoonyo ihe na mompatei i Goliat obee'i pontamboi manjoo' hondo'. Ka' mule' nu po'soakonmo tiba anaknyo lalangkoyang na mian aijo'. Ka' to utu-utus nu tuumanyo nu mian aijo' opobebasmo i hasin.”

1 SAMUEL 17:25 ပူးပေါင်းရင်းမြစ်များ

EZRA 7:24

Belemiu madi' timbali mongala hasin hi to ima-imam, mian nu Lewi, to panya-panyanyi, anu monjagai sabatan daka, anu lewa' osai mokalaja, kabai maumo pa' hi he na anu mokalaja i Laigan nu Tumpu.

MATIUS 17:26

“Mian nu salipu'an”, tinaaman i Petrus. “Desumo aitu,” koo-Nyo i Yesus, “layat madi' palalu mombayan.

YOSUA 15:16

I Kaleb notatae, “Ihe na moko ala mompatundu' Kiryat-Sefer, ia na mongosoai anaku boune, i Akhsa.”

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”

ANU PINOTO'I HI YOHANES 3:12

Mian anu inguntungmo, Ku potimbali sumo ahi' i uno nu Laigan Susi' nu TumpungKu, ka' ia jojongje i tampat aijo' sampe toka sidu-sidutu'. Sanggo nu TumpungKu, ka' sanggo nu kota nu TumpungKu – aijo'mo Yerusalem bu'ou anu mintatau'je mae lengkat i suluga', lengkat hi TumpungKu – Ku tulisje i butong nu mian aijo'. Suele sanggong-Ku anu bu'ou Ku tulisje i butongnyo.

ANU PINOTO'I HI YOHANES 3:21

Aha anu inguntungmo i uno nu kasabalan, Ku pobee'je sumuhang i kasuhangan-Ku tiba Aku, pokakana sumo Aku suele inguntungmo i uno nu kasabalan ka' uuka aiya sinumuhangmo tiba Tuumang-Ku i kasuhangannyo.

ANU PINOTO'I HI YOHANES 3:5

Hi aha anu inguntungmo i uno nu kasabalan opopakeje na juba' mopute'. Sanggo nu aha madi'mo ohapus i Kitab nu Mian Tumuu'. Ka' i ahop nu Tuumang-Ku ka' to mala-malaikat-Nyo Ku Akuije na aha atina', Akumo na tumpu-Nyo.

1 SAMUEL 17:24

Salatan tinoamo nu aha na i Goliat aha nabuhukmo ka' nopalaimo.

1 SAMUEL 17:27

Mian da'isan nompoto'imo hi ia apaa na anu jinanji'mo i Tomundo'.