1 SAMUEL 17:24 - KITAB NU TUMPU ALLA LELE MA'IMAI'

²⁴ Salatan tinoamo nu aha na i Goliat aha nabuhukmo ka' nopalaimo.

1 SAMUEL 17:24 ပူးပေါင်းရင်းမြစ်များ

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

YESAYA 7:2

Salatan tomundo' nu aha Yehuda nohongomo taalu' suludadu nu aha Siria ninsoopmo i daerah nu aha Israel anu monsangaja'i ia, ia ka' bansanyo nabuhukmo hondo, sahinga aha ilakatnyomo sumomo kau' anu ginayu'mo nu mombun.

IMAMAT 26:36

Bubuu' belemiu anu kiijo' mae i lipu' sangga'at anu pinomboan ka' pinompojoongan belemiu Ku bauje da aha talalo mabuhuk, sahingga mau ola kiakas nu hon nu kau' anu nupuhi nu mombun okabuhukmo sahingga aha mopalaimo. Belemiu mopalaimo sumomo ko anu nololoi'i unonu pahampatean, lantas tombahangkangmo maumo madi' ko sampobali' nu belemiu koko atina' hi belemiu.

NOMBILANGMO 13:33

Ka' mule' kami nontoa mian haha kiijo' sumomo raksasa, lee' mae nu aha mian nu Enak. De opokakanakon tiba aha, o'oa'i mami na kami ola sumo kihi-kihi' ka' tantumo sumo aitu na aha montoa mae kami.”

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

1 SAMUEL 17:11

Salatan i Saul tiba aha iwi-iwi' nohongomo, taalu' sampo bali haha aijo' mongewamo mae tinolokengkengmo na aha ka' nabuhukmo hondo.

1 SAMUEL 17:23

Panyo hau-haunyo ia basisik tiba aha i Goliat nambamo mae kahanda'mo mongewa mian nu aha Israel, susumo anu saja'mo nu bau. I hongomo i Daud na potatae nu anu mongewamo aijo'.

1 SAMUEL 17:25

“Toa aitumo mae na ia,” na koonyo nu aha samian ka'samian. “Potombihing na potataenyo mongewamo mae! I Saul tomundo' to nonjanji'mo tukoonyo ihe na mompatei i Goliat obee'i pontamboi manjoo' hondo'. Ka' mule' nu po'soakonmo tiba anaknyo lalangkoyang na mian aijo'. Ka' to utu-utus nu tuumanyo nu mian aijo' opobebasmo i hasin.”