1 SAMUEL 17:12 - KITAB NU TUMPU ALLA LELE MA'IMAI'

¹² I Daud anak i Isai mian nu aha Efrata lengkat mae i Betlehem Yehuda. I Isai ko anak aha ualu' na to momo'ane, ka' tempo'nyo i Saul nompalentah i Isai i langkai'mo hondo'.

1 SAMUEL 17:12 ပူးပေါင်းရင်းမြစ်များ

KAJADIAN 35:19

Salatan i Rahel sinilakamo, ia i lamunmo i sohipi' nu jalan anu mamba i Efrata, anu tempo' uuka aiya osanggohi Betlehem.

2 SAMUEL 23:1

I Daud anak i Isai pinile'anmo binau tomundo' ka' pinotimbalimo nu Tumpu Allah i Yakub sahingga tinimbalimo mian daka'. Iamo na nompotiju' nyanyanyian hi aha Israel. Aiya na anu pupuusnyomo tinaloakon i Daud:

MAZMUR 132:6

Kiijo' mae i Betlehem i hongontomo na Peti' Palajanjian, lantas i humpakmo i padang yaar.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 2:6

‘Beleyum Betlehem, i tano' nu Yehuda, beleyum misa' anu talalo ise' i to kota-kota anu penting i Yehuda. Kalana lengkat hi beleyum tokaje na samian anu bau polaya' anu molaya' mian-Ku Israel anu palesayamo.’ ”

I RUT 4:17

To bou-boune anu mompaha'ohani na laigan tiba aha nonsanggohimo anak aijo' i Obed. De aha singkabot mian, “Nupoto'imo nu aha, kino anakmo mo'ane samian!” I Obedmo aijo' na anu saidi' mae tinimbali tuumanyo i Isai, ka' i Isaimo aijo' na tuuma i Daud.

1 SAMUEL 1:1

Daagi ko samian na mo'ane sanggonyo i Elkana minsoop tulunan nu bansa Efraim. Ia jojoong i kota Rama i da'erah Efraim anu mabungkut. I Elkana anak i Yeroham, makumpu mae i Elihu. Ia monsoop poto'utusan mae i Tohu, gampanyo mae nu aha tulunan i Zuf.

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 17:11

Salatan i Saul tiba aha iwi-iwi' nohongomo, taalu' sampo bali haha aijo' mongewamo mae tinolokengkengmo na aha ka' nabuhukmo hondo.

1 SAMUEL 17:58

Lantas i Saul nompokilawamo hi ia, “O olitau! anak ihe na beleyum?” Tinaaman i Daud, “Aku aiya anak i Isai lengkat mae i Betlehem.”