1 SAMUEL 16:5 - KITAB NU TUMPU ALLA LELE MA'IMAI'

⁵ Tinaaman i Samuel, “Memang totu'u aku toka monsombahkon koloban hi Tumpu. Jadi posusi' pe'e na butong nu belemiu da timbali mamba i tampat pongkolobanakonan koloban aijo'.” I Isai tiba to ana-anaknyo suele pinokaunyo da momposusi' butong nu aha toto samian ka' ilaganyo suele da mamba i tampat pongkolobanakonan koloban aijo'.

1 SAMUEL 16:5 ပူးပေါင်းရင်းမြစ်များ

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

1 TOMU-TOMUNDO' 2:13

Daagi' kino sansinaan i Adonia nambamo i Batsyeba. Ilelekanmo i Batsyeba hi Adonia, “Pa' ko kahanda' ma'ima' na beleyum toka mae aiya?” “Ii',” na koonyo i Adonia.

1 TAWARIKH 12:18

Samian na anu aijo' mae hi aha, i Amasai anu lapas aijo' i hangkatmo binau kapala nu sa'angu' na gombuan nu mian anu osa-osanggohi “Tridasawira”, kinuasanmo nu Roh nu Tumpu Allah ka' notatae, “O Daud, anak i Isai! Kami monsangaja'i belento! O' amalakon da belento ka' aha anu montulungi belento momboa mae ka'untungan Tumpu Allah atina' hi beleyum!” Sahingga tinalimamo i Daud na aha ka' i hangkatnyomo na aha binaumo suludadunyo anu matangkas na pangkatnyo.

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

YOËL 2:16

Posihukmo mae na iwi-iwi' mian da'isan palentah na mian anu sinihukmo. Pokau mae da toka na to tu'a-tu'anyo, to ana-anak ka' to bunga-bunga mea' suele. Ka' suele to boti-boting anu salaje' inika' tionyo ahi' toka mae. Pokau mae na aha mompala'i Salipi'nyo.

ZEFANYA 1:7

Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.

NOMBILANGMO 11:8

De pihimo manna aijo' manabu'mo mae hingga-hinggat tiba dondu'ok i tampat pinombauan nu aha kemah. Daagi' subu to mia-mian montolukimo ka' o gilingmo kabai o uja'mo da timbalimo labu, ka' obau kukis anu timpodon ka' madempa'. Nyamitnyo sumo kukis anu o panggang ka' ogalo'i nu lanya' nu zaitun.

1 KORINTUS 11:28

Jadi batu-batu mian tionyo mompalesa pe'e butongnyo, atina'je ka' ia timbali mongkaan roti ka' monginum anggur aijo'.

YOSUA 3:5

I Yosua notataemo hi aha mian nu Israel, “Tionyo ahi' belemiu mompokolonde butong, kalana dodop Tumpu mompotoamo anu okabangangi aiya hi belemiu.”

YOSUA 7:13

Uuka aiya pobulamo Yosua! Posusi' na aha mian nu Israel ka' pokau mae na aha sabole-bole mamba mae hi beleng-Ku. Palentah na aha da sabole-bole toka mae dodop kalana Aku Tumpu Allah nu aha Israel mompoto'imo sumo uuka hi aha: 'O, to mia-mian nu Israel, to bala-balang anu pinalentahkon-Kumo hi belemiu da ohopu'i sambagian daagi' itina' hi belemiu. De ma'isa pe'e o alin nu belemiu na balang haha aijo', belemiu madi' moko ala mongahopi mompahampateakon sampobali'!'

1 SAMUEL 20:26

Panyo i Saul madi' nontaloakon han aijo' i sinaa aitu; kalana ugaat koonyo, “Ihe na monsumbu' ia daagi kino apa-apaanyo, sahingga ia madi' susi' susumo koonyo nu atulan nu agama.”