1 SAMUEL 16:16 - KITAB NU TUMPU ALLA LELE MA'IMAI'

¹⁶ De belento Tomundo' situju, da kami molio samian anu pande na mongkuti' kasapi'. Da saidi' mae de belento Tomundo' nu soku'imo nu roh anu ma'idek, mian aijo' mongkuti'mo kasapi'nyo ka' belento Tomundo' mompo'ule'mo ma'ima' na butong.”

1 SAMUEL 16:16 ပူးပေါင်းရင်းမြစ်များ

1 TOMU-TOMUNDO' 10:8

Nohumpakmo hondo dale' na to bengke-bengkele' nu belento Tuan! Ka' suele nohumpakmo hondo dale' na to mia-mian anu ko pangkatnyo anu saja' mokalaja hi belento Tuan, sahingga saja' mohongo hi belento Tuan iwi-iwi' na pokinde' anu mompopande!

2 TOMU-TOMUNDO' 3:15

Uuka aiya boa mae na samian anu monsumbu' mongkuti' kasapi'.” Hau-haunyo mian aijo' mongkuti'mo kasapinyo, i Elisa kinuasanmo nu Roh nu Tumpu,

1 SAMUEL 10:5

Lapas aijo' beleyum tionyo ahi' mambamo ibungkutnyo nu Tumpu Allah kiijo' i Gibea, tampat binakemah'an nu aha mian Filistin. Isabatan pinsoopan mokiijo' i kota', beleyum mojajalanmo tiba aha sanggombu na to nabi-nabi anu nintudunmo mae lengkat i bungkutnyo anu ponsombahkonan koloban. Aha lewa' monsalelei ka' lewa' molo'ais, mongkuti' gambus, mohapa'i gandang, mompuuhi puloit ka' mongkuti' kasapi'.

1 SAMUEL 16:14

I Saul pinala'ianmo nu Roh nu Tumpu, ka' uuka aiya ia saja'mo nu soku'i nu roh anu ma'idek anu nu sai mae nu Tumpu.

1 SAMUEL 16:15

Kalana aijo' to posa-posaihon i Saul notataemo hi ia, “Osumbu' mami roh ma'idek anu nu sai mae nu Tumpu saja'mo monsoku'i belento Tomundo'.

1 SAMUEL 16:17

Lantas pinalentahmo i Saul na aha, “Lioi mae samian na anu pande mahaik musik, ka' boa mae na ia mo uuka.”

1 SAMUEL 18:10

Dodododopnyo i Saul kiijo' ilaigannyo hau-haunyo montoongi talombo'nyo, monti-montiik ia sinoku'anmo nu roh anu ma'idek, anu sinai mae nu Tumpu Allah, sahingga ia notomuhukmo susumo mian anu ingulawonmo. Tempo'nyo aitu i Daud hau-haunyo nongkuti'mo kasapi' susumo anu lewa' nu bau.

1 SAMUEL 19:9

Gaagi kino sansinaan i Saul hau-haunyo suha-suhang kiijo' i laigannyo totoong na talombo'nyo monti-montik i Saul sinoku'anmo mule' nu roh anu ma'idek anu sinai mae nu Tumpu. Tempo'nyo aitu i Daud hau-haunyo mongkuti' kasapi'nyo.