1 SAMUEL 16:13 - KITAB NU TUMPU ALLA LELE MA'IMAI'

¹³ Lia-lia' na i Samuel nongala lanya' nu zaitun aijo' ka' nohangkatmo ka' nombalakatimo i Daud, lanya' aijo' na pinipi'akon hi ia i ahop nu to utu-utusnyo tu'a. Tempo'nyo aijo' i Daud kinuasanmo nu Roh nu Tumpu. Sinaa aijo' Roh nu Tumpu saja'mo lewa' nongkuasai ia. Lapas aijo' i Samuel ninsusule'mo namba i Rama.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

I Natan notataemo hi Daud, “Belentomo Tomundo' na mian ai-aijo'! Ka' sumo uuka na pinoto'i mae nu Tumpu, Tumpu Allah nu Israel, 'Beleyum ihangkat-Kumo binau tomundo' hi aha mian nu Israel ka' mule' pinosalamat-Kumo da madi' pinatean i Saul.

2 SAMUEL 2:4

Lapas aijo' to mia-mian nu Yehuda nambamo i Hebron ka' nohangkatmo i Daud binau tomundo' nu aha mian Yehuda. Salatan ihongomo i Daud na aha mian nu Yabesh anu kiijo' i Gileat nolamunmo i Saul,

2 SAMUEL 23:1

I Daud anak i Isai pinile'anmo binau tomundo' ka' pinotimbalimo nu Tumpu Allah i Yakub sahingga tinimbalimo mian daka'. Iamo na nompotiju' nyanyanyian hi aha Israel. Aiya na anu pupuusnyomo tinaloakon i Daud:

2 SAMUEL 5:3

I Daud nombaumo palajanjian tiba to pola-polaya' nu aha mian Israel haha aijo', lantas ihangkatmo nu aha na ia binaumo tomundo' nu Israel.

2 TOMU-TOMUNDO' 9:6

Lapas aijo' ua-ua' aha ninsoopmo i laigan ka' nabi aijo' nondudu'akonmo lanya' nu zaitun aijo' hi ubak i Yehu ka' pi pinoto'inyo, “Tumpu Allah nu Israel notatae, 'Aku nohangkakatmo beleyum timbali tomundo' nu israel anu palesayamo hi belengku.

1 TAWARIKH 11:3

Sahingga hi Daud binalajanji'mo tiba to pola-polaya' nu Israel haha aijo'. Lantas i hangkatmo nu aha na ia binau tomundo' nu Israel susumo anu pinoto'imo i Samuel, apaa na anu jinanji'mo nu Tumpu hi ia.

MAZMUR 89:20

Naipuan mae tempo'nyo Belento nanintoa, Belento nompoto'imo hi posaihon nu Belento ano tulu-tulutan. “Aku nontulungimo samian anu baani hondo, samian anu pinile'an-Kumo aijo' hi aha mian da'isan ka' i hangkatkumo na sanggonyo.

MAZMUR 89:21

Aku nongkabotmo i Daud, posaihonku, ka' jinujuhankumu nu lanya' susumo biasa opake de mohangkatmo samian timbali tomundo'.

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

NOMBILANGMO 27:18

Notataemo na Tumpu hi Musa, “Laga mae na i Yosua, anak i Nun. Ia mian anu pande, potiik na lima nu beleyum aita' i buan nu ubaknyo.

YOHANES 3:34

Kalana mian anu sinai nu Tumpu mompotokakon potatae nu Tumpu, kalana Roh nu Tumpu binee'mo hi Ia iwi-iwi'.

SISIKON NU TO RASUL-RASUL 13:22

Salatan Tumpu nompobelentimo ia i pangkatnyo, Tumpu Allah nongangkat mule' i Daud da timbali tomundo nu aha. Ka' aiyamo na anu tinaloakon nu Tumpu mongkona i Daud, ‘Aku nohumpakmo i Daud anak i Isai aijo' samian anu momposanang kinyonyoang-Ku. Iamo na mian anu mombau pongka'oho'-Ku.’

IBRANI 1:9

Belento mongka'ima'i ka'adilan ka' mongka'ideki anu tageo; mokonyo aijo' Tumpu, Tumpu nu Belento, nompile'imo Belento ka' nombee'imo Belento da o'adati anu mompodaagi' kabilahian, molingkudui to sanga-sangalu nu Belento.”

IBRANI 11:32

Jadi, aku timbalije mule' sabole-bole motatae, panyo tempo' na madi'mo sukup hi belengku. Aitu pe'e ma'isa sinanggongku na i Gideon, i Barak, i Simson, i Yefta, i Daud, i Samuel ka' to nabi-nabi.

TO MIA-MIAN KOPIAN 11:29

Lapas aijo' Roh nu Tumpu nongkuasaumo i Yefta, sahingga nambamo na i Yefta nontoa da'erah Gilead tiba Manasye lapas aijo' ninsusule'mo i Mizpa i da'erah Gilead. Lengkat ikiijo' ia namba mule' i da'erah nu bansa Amon.

TO MIA-MIAN KOPIAN 13:25

ka' tempo'nyo ia jinojoongmo i kemah nu aha tulunan nu bansa Dan, anu kiijo' i olot nu Zora tiba Esytaol, Roh nu Tumpu nombee'imo kahosonan hi ia.

TO MIA-MIAN KOPIAN 14:6

monti-montiik i Simson nahosonmo nu kahosonan anu lengkat mae hi Tumpu. Lantas binea-beaknyomo na singa aijo' nu limanyo, ola susumo mee' na binatang aijo'. Han aijo' madi' sinisiknyo hi tuumanyo tiba hi tinanyo.

TO MIA-MIAN KOPIAN 3:10

Roh nu Tumpu nongkuasaimo i Otniel sahingga ia tinimbalimo polaya' nu aha mian Israel. Ia nambamo nahampate, lantas binee'anmo nu Tumpu ka'untungan nahampate nongewa tomundo nu aha Mesopotamia.

1 SAMUEL 1:19

Dodododopnyo i Elkana tiba aha salaigan nobulaamo subu-subu ka' salatan noko sombahmo Tumpu, aha ninsusule'mo i Rama. Sahingga i Elkana noduhusmo tiba i Hana bengkele'nyo aijo' ka' pinopo ii'mo nu Tumpu na do'a i Hana aijo'.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 10:6

Ikiijo' suele beleyum nu kuasaimo nu Roh nu Tumpu sahingga beleyum suele monsaleleimo, ka' suele molo'aismo, tiba aha ikiijo', lantas beleyum mongabali'mo madi'mo susumo mian sangga'at.

1 SAMUEL 11:6

Nohongo aijo' i Saul kinuasanmo nu Roh nu Tumpu Allah.

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 18:12

Sinumbu'mo i Saul tukoonyo taalu' i Daud nu jagai nu Tumpu, panyo ia na pinala'ianmo ahi nu Tumpu kalana aijo' kinabuhuknyomo na i Daud.

1 SAMUEL 2:35

Lapas aijo' Aku mompile'ije imam anu tulu-tulutan hi belengku ka' anu mombau apaa na anu Ku palentahkon hi ia. Ku bee'ije na ia tulunan anu saja mombau kalaja nu imam i ahop nu to tomu-tomundo' anu Ku pile'imo.