1 SAMUEL 15:24 - KITAB NU TUMPU ALLA LELE MA'IMAI'

²⁴ Nohongo anu sumo aijo' i Saul nangakumohi Samuel, ia notatae, “Memang aku binaladosa'mo. Aku madi'mo nontuluti anu pinalentahkonmo nu Tumpu, ka' madi'mo nontuluti anu pinoto'imo nu belento Tuumangku, lantas ingii'kumo na poitaon nu aha.

1 SAMUEL 15:24 ပူးပေါင်းရင်းမြစ်များ

KAJADIAN 3:12

Mo'ane aijo' nontaami, “Boune anu bine-binee' mae nu Belento da bau sangalungku na nombee'imo mae bua' nu kau' aijo' hi belengku lantas kinaankumo.”

KAJADIAN 3:17

Lantas Tumpu notataemo hi mo'ane aijo', “Beleyum nohongomo potatae nu bengkele' nu beleyum, lantas nongkaanmo bua' nu kau' anu tinewa'-Kumo boli okaan. Kalana apaa na anu binaumo nu beleyum aijo' sahingga tano' kinutukan-Kumo. Beleyum tionyo mokalaja make-makeke sampe toka sidu-sidutu' i uno nu kantumuu'an nu beleyum, da tano' aiya timbali mohasinakon kaanon anu sukup hi belemiu.

2 SAMUEL 12:13

Lantas notataemo na i Daud hi Natan, “Aku binaladosa'mo hi Tumpu.” Tinaaman i Natan, “Tumpu mongampunimo belento Tomundo'; jadi belento Tomundo' madi'ahi' silaka.

AYUB 31:34

Pikilan nu mian da'isan madi' ku kabuhuk, ka' mian mongalu mae madi'mo ku pajuli. Madi' toho' aku jinojoong i laigan kabai me ola momohokot, ola kalana nabuhukmo dumo saidi' mae o'alu.

MAZMUR 51:4

Baso'iakon mae na palabuatanku anu ma'idek; pobelesi'akon mae na dosa'ku.

NOSABATMO 10:16

I tomundo sampamo nolaga i Musa ka' i Harun lantas notataemo, “Aku binaladosa'mo hi Tumpu Allah nu belemiu ka' suele hi belemiu.

NOSABATMO 23:2

Boli mombaya'i mian da'isan de aha mombau sala' kabai monggeo-geo'akon atulan ka' mombee'i katalangan anu madi' totu'u.

NOSABATMO 9:27

Lantas i tomundo nolagamo i Musa ka' i Harun ka' notatae, “Aku binaladosa'mo. Tumpumo na anu totu'u, aku ka' layatku nombaumo sale'.

AMSAL 29:25

Mabuhuk hi pongka'oho' nu mian, monsaduakon kasusa'an. Palesayamo hi Tumpu, sahingga beleyum madi'mo ko anu mompoposia.

YEREMIA 38:5

I Tomundo' Zedekia nontaami, “Ma'ima'mo! Baumo na ia yayamo anu nu ka'ima'i aku madi'mo moko ala montewa belemiu.”

NOMBILANGMO 22:34

Tinaaman i Bileam, “Aku binaladosa'mo. Madi' sinumbu'ku taalu' belento Tuan tinuminjomo itotonga' nu jalan kahanda' mongampang aku. Panyo uuka aiya, de o ala i pikilan nu belento Tuan, madi' ma'ima' de aku molausakon lajangku aiya, aku minsusule'mo.”

MATIUS 27:4

Ia notatae, “Aku binala dosa'mo, nongkabisa'imo mian anu madi' ko sala'nyo, sahingga Ia i hukum nate!” Panyo aha nontaami, “Kami madi paduli itina'? Aijo' ulusan miu!”

GALATIA 1:10

Pa' tiba jalan aijo' aku otoa so'o-so'omo montaha'imani da nu puji' nu manusia? Totu-totu'unyo i madi'! Aku ola ahi' montaha'imani anu ingakuanmo nu Tumpu. Pa' ko anumo binaungku da bau pongala kinyonyoa nu manusia da nu kanonongi nu mian? De aku daagi' mombau sumo aitu, aku misa'mo posaihon i Kristus.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

1 SAMUEL 15:15

Tinaaman i Saul, “Binatang haha aijo' anu pinahuhuakon lengkat mae hi aha mian nu Amalek. Domba tiba sapai' anu molompo' hondo ingalamo nu aha mian da'isan ka' sinombahkonmo hi Tumpu Allah salaku bau koloban hi Tumpu Allah nu belento. Panyo labinyo sangga'at pinateanmo mami iwi-iwi'.”

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”

1 SAMUEL 2:29

Jadi kadaka' beleyum daagi milu ka' ka oho'mo mongkaan de montoamo koloban haha aijo; anu pinalentahkon-Kumo osombahkon nu bansang-Ku hi belengku? Kadaka' beleyum Eli lebemo mongadati to ana-anak nu beleyum ka' madi'mo mongadati Aku, ka' ola mule' mompojohok aha mompolompo' butong nu aha nu bagian antoknyo anu ma'ima' hondo, apaa na anu nu sombahkon nu bansang-Ku hi belengku?

1 SAMUEL 26:21

Tinaaman i Saul, “Aku nombaumo kasala'an pinsusule'mo Daud, Anaku! Aku madi'mo daagi mombau anu ma'idek hi beleyum kalana beleyum nohalala'akonmo aku sinampahu na utu. Kalakuanku memang pinonga'mo. Aku totu-totu'u sinala'mo!”