1 SAMUEL 15:17 - KITAB NU TUMPU ALLA LELE MA'IMAI'

¹⁷ I Samuel notataemo, “Te misa' belento Tomundo' tinimbalimo pamalentah hi aha to tulu-tulunan nu bansa Israel maumo ahi' belento Tomundo'mongakui butong nu belento madi' penting? Belento Tomundo' pinile'anmo nu Tumpu da timbali Tomundo hi aha Israel.

1 SAMUEL 15:17 ပူးပေါင်းရင်းမြစ်များ

HOSEA 13:1

Naipuan mae tulunan nu bansa Efraim o'angga'i hondo sahingga de kopalentahmo lengkat mae hi tulunan nu bansa aijo' to tulu-tulunan nu bansa sangga'at i Israel mabuhukmo. Panyo tulunan nu bansa Efraim binaladosa'mo, kalana nonsombahmo Baal.

MATIUS 18:4

Mian anu mompota'aluk butongnyo ka' timbali susumo anak aiya, iamo na anu talalo daka' hi mian anu palesayamo hi Tumpu Allah.

TO MIA-MIAN KOPIAN 6:15

Tinaaman i Gideon, “Mosiamo na aku, Tumpu? Iya na jadi ku poko ala molapasakon mian nu Israel da bolimo nukuasai nu aha mian Midian. Hi tulunan nu bansa Manasye kamimo na mian anu madi' baani ka' mahoson. Ka' hi kami sampoto utusan akumo na anu madi' ko kaliangannyo.”

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 10:22

Kalana aitu to mia-mian nompokilawamo hi Tumpu, “O Tumpu, ugaat mian utu daagimo ko anu i aiya?” Tinaaman nu Tumpu, “I Saul natisulukmo kaiyong mae i padut i tampat pompo'una'an to paka-pakakas posadiaon.”

1 SAMUEL 15:16

Nohongo sumo aijo' i Samuel notataemo, “Soba hongo pe'e mae da kupoto'i apaa na anu ihongongkumo na uutu pihi-pihi pinoto'i nu Tumpu Allah hi belengku.” “Soba poto'i mae,” na koonyo i Saul.

1 SAMUEL 9:21

Tinaaman i Saul, “Aku aiya tulunan mae nu aha bansa Benyamin, tulunan nu bansa anu sangkiding hondo hi aha Israel ka' mule' to utu-utuskumo na anu madi' hondo ko alati'nyo hi aha tulunan nu bansa aijo'. Jadi kadaka' kita Tuuma motataemo sumo itina' hi belengku?”