1 SAMUEL 15:13 - KITAB NU TUMPU ALLA LELE MA'IMAI'

¹³ Salatan i Samuel siningkabotmo tiba i Saul, notataemo na i Saul hi ia, “O'amalakon Tumpu mombalakati belento Tuuma! Aku nombaumo palentah nu Tumpu.”

1 SAMUEL 15:13 ပူးပေါင်းရင်းမြစ်များ

KAJADIAN 14:19

lantas nombalakatimo i Abram, ia notatae, “O' amalakon da Tumpu Allah Anu Matangkas hondo na kuasanyo, anu nompotimbalimo langit ka' tano' mombalakati i Abram!

KAJADIAN 3:12

Mo'ane aijo' nontaami, “Boune anu bine-binee' mae nu Belento da bau sangalungku na nombee'imo mae bua' nu kau' aijo' hi belengku lantas kinaankumo.”

2 SAMUEL 2:5

ia nonsaimo mian namba nokiijo' da mompotoka potuunon, “O'amalakon da Tumpu mombalakati belemiu kalana belemiu nompotoamo kanonongan nu belemiu hi tomundo' nu belemiu, nolamunmo bangke'nyo.

AMSAL 27:2

Boli mosi puji' posi butong; nu beleyum pojohok mian sangga'at je na mombau han anu sumo aijo', ka' mule' mian anu madi' nu sumbu'.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

AMSAL 30:13

Daagi' ko mian anu mongoa'i butongnyo talalo hondo manonong memang talalo hondo manonong!

AMSAL 31:31

Balosi na kanonongannyo iwi-iwi'; kalana ia boune anu pantas oholomati iyaya mae! 1

LUKAS 17:10

Sumo aitumo na komiu. De komiu mombaumo iwi-iwi' anu pinalentahkon hi komiu, otaloakon, ‘Kami ola posaihon biasa; kami ola mombau anu pinalentahkon hi kami.’ ”

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

TO MIA-MIAN KOPIAN 17:2

Daagi' kino sansinaan ia notataemo hi tinanyo, “Otinangku, tempo'nyo belento tinangku nolapus na doi salaka samadala' ka' sa'atu i hongongku belento tinangku nongkutukimo anu nontomang. Aiyamo tinangku na doi aijo'! Akumo na nontomang.” Tinanyo nontaami, “Ku amalakon da beleyum anakku nu balakati nu Tumpu!”

I RUT 3:10

“Ku amalakon da Tumpu mombalakati beleyum, anak ku”, na koonyo i Boas. “De opokakanakon tiba apaa na anu binaumo nu beleyum hi monian nu beleyum, saba' anu binaumo nu beleyum uuka aiya nomponyata'mo mae saba' beleyum lebe daka-daka' mongka'ima'i mule'. Sabenannyo beleyum timbali molio anu bau langkai' ka' anu daagi' olitau hi mian anu kaya kabai mule' hi mian anu kasiasi, panyo aijo' madi' binau nu beleyum.

1 SAMUEL 13:10

Panyo noko bau na ia aijo' ma'isa pinin tinokamo na i Samuel. I Saul nolabotmo ia kahanda'mo monsalando'ai,

1 SAMUEL 15:11

“Aku nompele-pele'mo na nohangkat i Saul binau tomundo' kalana ia nohukumo aku ka' madi'mo nombau apaa na anu Ku palentahkon.” I Samuel nolibosmo hondo ka' sinusa'mo sinampahu na ia lewa' nompele-pele' hi Tumpu.

1 SAMUEL 15:20

Tinaaman i Saul, “Nontulutimo na aku palentah nu Tumpu ka' nambamo nahampate susumo anu pinalentahkon-Nyomo hi belengku; I Agag tomundo nu aha Amalek i hakopku ka' binoangku mae iwi-iwi' na mian nu aha Amalek ka' pinateankumo.

1 SAMUEL 23:21

Tinaaman i Saul, “O amalakon da belemiu nu balakati nu Tumpu, kalana nombaumo han anu ma'ima' hi belengku!

1 SAMUEL 25:14

Tempo'nyo aijo' pinoto'imo nu samian na posaihon i Nabal hi Abigail bengkele' i Nabal, sumo, uuka, “Belento Bengkele' i tuan nohongomo i Daud, ia nompalentahmo mae pa' aha sangkuka na mian lengkat mae i padang anu mateges nompotoka salando'a hi tuan, panyo ola lewa' kinuon i tuan na aha.