1 SAMUEL 15:12 - KITAB NU TUMPU ALLA LELE MA'IMAI'

¹² Dodododopnyo subu-subu i Samuel nambamo kahanda' da singkabot tiba i Saul. Ko anu nompoto'i hi ia tukoonyo nu aha, i Saul nambamo i kota' Karmel mompotinjomo batu salaku bau tanda nu butongnyo ikiijo' mae, lantas mambamo lau-laus i Gilgal.

1 SAMUEL 15:12 ပူးပေါင်းရင်းမြစ်များ

KAJADIAN 21:14

Dodododopnyo subu-subu, binee'anmo i Abraham na i Hagar anu okaan, ka' sa'angu' na botutu kilit pinongisian uee da bau mantu ijalan. Ia nomposombung anak aijo' hi bekoang i Hagar ka' nonsaimo boune aijo' da mambamo. Lantas nambamo na i Hagar ka' jinojoongmo lewa' sinongko i padang bola Bersyeba.

2 SAMUEL 18:18

Daagi tempo'nyo i Absalom tutuu' nompotinjomo na ia sa'angu' na tambulan nu batu anu matangkas da ia boli okolilimi kiijo' i Bangka'nyo nu Tomundo' kalana koonyo ia madi' ko anak mo'ane anu momole'akon lee'nyo. Batu anu tinambun tangka-tangkas aijo' sinanggohannyomo nu sanggonyo ka' sampe tempo' uuka aiya batu anu tinambun tangka-tangkas aijo' daagi osumbu' Batu anu tinambun tangka-tangkas i Absalom.

1 TOMU-TOMUNDO' 18:42

Lantas i Ahab nambamo nongkaan ka' mule' i Elia nindakomo i Bungkutnyo nu Karmel. I kiita' mae ia tinolodadupumo, ohupnyo i hampot i tano' i olot nu bukunyo ohu-ohua'.

2 TAWARIKH 26:10

Ia mule' nompotinjomo laigan toto tangka-tangkas anu binentengan i da'erah padang, ka' nongkekemo manjoo' hondo na bubung kalana manjoo' na potuu'onnyo mau anu aita' mae i bungkutnyo kabai i hatanyo sasu kinsoban. Kalana ia nompalahatikan hondo anu mombau ale' sahingga ia nompokalajamo mian manjoo' hondo anu mombau ale' nu anggur i da'erah bungkutnyo, ka' mombau ale' i da'erah anu toto ma'o-ma'omuk.

YOSUA 15:55

Ka' suele sampulu' na kota aiya tibamo kampu-kampung anu kiijo' i daerahnyo; Maon, Karmel, Zif, Yuta, Yizreel, Yokdeam, Zanoah, Kaim, Gibea tiba Timna.

1 SAMUEL 13:12

Jadi tinutuganku boli-boli suludadu nu aha Filistin montumbuhimo mule' aku aiya i Gilgal, yo aitu aku ma'isa nongkakase kalibosan nu Tumpu. Mokonyo aijo' aku nongalamo katantuan da monsombahkonmo koloban aijo'.”

1 SAMUEL 13:15

Lapas aijo' i Samuel nompala'imo Gilgal ka' nambamo lau-laus i Gibea i daerah nu aha mian Benyamin. Tempo'nyo aijo' i Saul nambamo nontoa suludadunyo, konjoo'nyo kila-kila aha 600 na mian.

1 SAMUEL 17:20

Dodododopnyo subu-subu i Daud nobulamo ka' nogogaumo. Dombanyo pinoki toanyo pe'e hi samian na polaya' domba, lapas aijo' ia nongalamo boaonnyo ka nambamo, susumo anu pinalentahkonmo nu tuumanyo. Ia tinoka i kemah nu aha Israel tempo'nyo aijo' mian nu Israel nambamo i tampat pahampatean ka' lewa'mo nolo ais, mongaisakon mahampate.

1 SAMUEL 25:2

Kiijo' i kota' Maon daagi ko samian na mo'ane lee' mae i Kaleb sanggonyo i Nabal. Ia daagi ko tano' anu pompotuu'annyo binatang koko kota' Karmel. Ia kaya hondo ka' ko domba 3.000, ka' mee' 1.000. I Abigail na bengkele'nyo, pande ka' mule' handa hondo panyo i Nabal buhingison ka' kalakuannyo ma'idek. Daagi kino sansinaan i Nabal hau-haunyo monggunting bulu nu dombanyo kiijo' i Karmel.

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”