1 SAMUEL 15:11 - KITAB NU TUMPU ALLA LELE MA'IMAI'

¹¹ “Aku nompele-pele'mo na nohangkat i Saul binau tomundo' kalana ia nohukumo aku ka' madi'mo nombau apaa na anu Ku palentahkon.” I Samuel nolibosmo hondo ka' sinusa'mo sinampahu na ia lewa' nompele-pele' hi Tumpu.

1 SAMUEL 15:11 ပူးပေါင်းရင်းမြစ်များ

KAJADIAN 6:6

Ia nompele-pele'mo na nombau aha ka' nompojoong aha i dunia. Ia talalomo hondo nompele-pele',

KAJADIAN 6:7

sahingga notataemo, “Ku silakaimo na manusia anu binaung-Kumo aijo', ka' suele iwi-iwi' na to tomo-tomonsi' ka' to bina-binatang sangga'at, kalana Aku nompele-pele'mo na nompotimbali aha.”

2 SAMUEL 24:16

Malaekat nu Tumpu anu nomboa mae balaa' kapatean aijo' tinoka-tokamo i tampat ponggilingan gandum anu i Arauna, mian nu Yebus. Salatan tinoa nu Tumpu na malaekat aijo' kahanda'mo mompatei mian nu Yerusalem, Tumpu nombali'imo tanga'an-Nyo, ka' Tumpu madi'mo nohukum bansa aijo'. Pinoto'i-Nyomo hi malaekat aijo', “Injahamo! Bolimo!”

1 TOMU-TOMUNDO' 11:9

Pininduan na Tumpu, Tumpu Allah nu Israel nanintoa hi Salomo ka' nompo ingat ia tukoo-Nyo ia madi' timbali monsombah to pilo-pilogot sangga'at panyo i Salomo madi' ahi' montuluti Tumpu. Ia ola ahi' mompaka hiku Tumpu sahingga Tumpu nontambuha'imo ia.

1 TAWARIKH 10:13

I Saul sinilakamo kalana ia madi' tinulu-tulutan hi Tumpu, ka' madi'mo nompajuli palentah nu Tumpu. Ia madi'mo nomoita pokinde' hi Tumpu, panyo ola mule' ahi' nomoita pokinde' hi to santu-santuu' nu mian anu sinilakamo. Kalana aijo' ia i hukummo nu Tumpu ka' binee'mo na pangkatnyo salaku Tomundo' hi Daud anak i Isai.

1 TAWARIKH 21:15

Lapas aitu Tumpu nonsai mule mae samian na malaikat tinoka kijo i ohani pongututan gandum i Arauna mian nu Yebus. Tumpu nombaliimo tanga'annyo. Mohukum bansa aijo ia notatae hi malaikat; sukupo! Belentimo!

AYUB 34:27

Kalana aha madi' montuluti pongka'oho'-Nyo ka' madi' mompajuli iwi-iwi' apaa na anu pinalentahkon-Nyomo.

MAZMUR 109:4

Aha montuuk mae aku mau mule' aku mongkalibosi aha, ka' nondo'akonmo aha.

MAZMUR 110:4

Tumpu binajanji' sinumpa'akon, Ia madi'mo timbali mompojalo janji'-Nyo. “Belentomo na imam sampe toka sidu-sidutu', sumomo i Melkisedek.”

MAZMUR 119:136

Lolu'ku no ilimo susumo kaunyo, kalana atulan nu Belento madi'mo tinulutan.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 36:3

Ia monsangka butongnyo ihebatmo hondo, sahingga madi'mo nu oa'i na kasala'annyo ka' madi' ahi' nu ka'ideki na palabuatannyo.

MAZMUR 78:41

Saja'mo ahi' na aha nonsobai Tumpu nongideimo kinyonyoa nu Anu Susi' hondo, Tumpu nu aha Israel.

MAZMUR 78:57

Aha nombaumo kalakuan anu ma'idek susumo mompolee' mae nu aha, ka' madi'mo timbali opalesaya sumomo pompana' anu tinageo'mo.

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 32:14

Sahingga Tumpu nombee'imo tanga'annyo ka' madi'mo daagi' nompotoka balaa' anu tinanga'an-Nyomo da mongkona bansa aijo'.

YEREMIA 11:10

Aha nombaumo dosa' bibinaunyo nu mompolee' nu aha kalana madi'mo nontuluti Aku, aha nonsombahmo pilogot sangga'at ka' madi'mo ka'oho' montuluti palentah-ngKu. Mau Israel kabai Yehuda nolanggaimo palajanjian anu binaung-Kumo tiba mompolee' nu aha.

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

YEREMIA 34:16

To mia-mian anu toto tangka-tangkas na pangkatnyo ipamalentahan Yehuda tiba Yerusalem ka' mule' to pangkat-pangkat anu bakalaja ilaigan nu tomundo', ka' mule' to ima-imam, ka' mule' iw-iwi' na anu monjagai tano' nu belemiu nonsahkanmo palajanjian aijo' tinanda'an nongkolot sapi' kinolong ohua' ka' ilumajangmo i'olot nu kolongannyo ohu-ohua' aijo'. Panyo mamanga ahi' sinangalasanmo na pikilan nu belemiu ka' nongalumo mae Aku. To botu-botuan anu pininmo na pinobebas nu belemiu da tumuu'mo ahi' bebas montuluti posi pongka'oho' nu aha po ule'mo ingala nu belemiu ka' pinakisamo da po ule' timbali botuan. Kalana aijo' Aku, Tumpu mompoto'i saba' belemiu nolanggaimo palentah-ngKu ka' madi'mo nontuluti apa-apaa na anu tionyo ahi' obau aijo'mo belemiu madi'mo nompobebas sangko sangalu bansa nu belemiu aha Israel. Jadi uuka Ku bee'imo kabebasan na belemiu; kabebasan da silakamo i uno nu pahampatean kabai silakamo nu panyakit anu molele kabai kalana kasusa'anmo i anu okaan. Ku baumo na belemiu susumo belemiu nombaumo sapi' anu kikinolotmo nu belemiu. Ku pojadimo da mabuhuk na bansa iwi-iwi' idunia aiya na montoa apaa na anu binaung-Kumo hi belemiu.

YEREMIA 9:1

Ma'ima' hondo de ubaku sumo bubung anu pinobuke'anmo nu uee, ka' mataku sumo soluduk anu saja' mo ili na ueenyo! Sahingga aku timbali saja' humang sinaa tiba pihi, mohangi to mia-mian bubuu' bansangku anu pinateanmo nu sampobali'.

YEREMIA 9:18

Mian nu Yehuda notataemo, “Pokaumo na aha da sampamo monyanyiakon nyanyian anu onyanyi de ko anumo silaka, da kita iwi-iwi' mohongo, da lumelepmo mae na lolu'to mohumpisi gagisingto.”

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

AMOS 7:3

Tumpu nombabali'imo tanga'an-Nyo ka' notatae, “Anu tinoa nu beleyum aijo' madi'mo daagi' jadi.”

YUNUS 3:10

Tumpu nontoamo palabuatan nu aha; Ia montoa aha nombabali'imo kalakuan nu aha anu ma'i-ma'idek aijo'. Sahingga Ia nombali'imo kaputusan-Nyo ka' madi'mo sinida na nohukum aha.

YUNUS 4:2

Lantas ia binalado'amo, “O Tumpu temisa tinaloakonkumo ahi' ma'isa pe'e aku namba lengkat mae ilaiganku u'utu mae, tukoongku Belento tantu mombaumo sumo aiya? Mokonyo aijo' aku nopalaimo namba i Spanyol! Kusumbu' saba' Belentomo na Tumpu anu mongkalibosi ka' manonong ka' talalo sabaan ka' motatae ma'ima' ka'saja' ko tanga'an madi' mohukum.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

MATIUS 24:13

Panyo mian anu balatahan toka i mihinyo, timbali o posalamat.

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

LUKAS 6:12

Tempo'nyo aitu i Yesus nindako i sa'angu' na bungkutnyo da balado'a. I kiijo' Ia binalado'a hi Tumpu sinampahu.

IBRANI 10:38

Ka' mian-Ku anu madi'mo ko sala'nyo palesayamo ka' tumuu'mo; panyo de daagi' ko anu aijo' hi aha na anu tolo sule', tantu Aku madi'mo sanang hi ia.”

YOSUA 22:16

Lantas aha nompoto'imo pongka'oho' nu mian iwi-iwi' anu pinalesayamo hi Tumpu, koonyo nu aha hi to mia-mian tulunan nu bansa Ruben, Gad tiba tulunan nu bansa Manasye, “Kadaka' belemiu nombaumo kalakuan anu ma'idek aiya hi Tumpu Allah Israel? Kalana belemiu nosi potinjomo mezbah, belemiu madi'mo mohongo-hongo Tumpu! Belemiu madi'mo nontuluti palentah-Nyo!

1 SAMUEL 12:23

Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.

1 SAMUEL 13:13

Nohongo potatae aijo' i Samuel notataemo hi Saul, “Anu binaumo nu belento Tomundo', aijo' sala' hondo. Debelento Tomundo' montuluti palentah nu Tumpu Allah anu pinotokamo hi belento Tomundo' tantu Tumpu mompotatapmo belento Tomundo' tiba lee' nubelento Tomundo' da timbali tomundo' hi aha mian nu Israel sampe toka sidu-sidutu'.

1 SAMUEL 15:10

Lantas pinoto'imo nu Tumpu hi Samuel,

1 SAMUEL 15:3

Jadi lako'mo ka' tumbuhimo na aha mian nu Amalek ka' o idei na apa-apaa na anu nu aha iwi-iwi'. Boli opotuha' maumo pa' apa-apaa; patei iwi-iwi' na to momo'ane, to bou-boune tiba to ana-anak, ka' mule' to bunga-bungamea'; ka'suele sapi', domba, unta tiba keledai.”

1 SAMUEL 15:35

Sampe ia sinilaka, i Samuel saja'mo sinusa' kalana Tumpu nompele-pele'mo na nohangkat i Saul tininbali Tomundo' nu aha Israel.

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 8:6

Panyo i Samuel madi' sinanang na nohongo apaa na anu pinoita nu aha aijo'. Lantas ia binalado'amo hi Tumpu,