1 SAMUEL 14:46 - KITAB NU TUMPU ALLA LELE MA'IMAI'

⁴⁶ Lapas aijo' aha mian nu Filistin ninsusule'mo i posi da'erah nu aha kalana i Saul madi'mo nololoi' aha.

1 SAMUEL 14:46 ပူးပေါင်းရင်းမြစ်များ

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.

1 SAMUEL 14:47

Salatan i Saul tinimbalimo tomundo' nu aha Israel, ia nahampatemo iyaya mae nongewa iwi-iwi' na sampo bali' nu aha Israel, aijo'mo mian nu aha Amon tiba mian nu aha Edom, to tomu-tomundo' nu aha lipu' Zoba ka' mian nu aha Filistin. Mau iya mae na pahampateannyo ia saja' mohumpak ka untungan na mahampate.

1 SAMUEL 17:1

Daagi kino sansinaan mian nu aha Filistin nosangaja'mo mae molambani mahampate. Aha nomposihukmo suludadu nu aha kiijo' ikota' Sokho, i daerah Yehuda ka' nombaumo kemah nu aha i olot nu Sukho tiba Azeka koko Efes-Damim.