1 SAMUEL 14:37 - KITAB NU TUMPU ALLA LELE MA'IMAI'

³⁷ Lantas pinokilawamo i Saul hi Tumpu Allah, “Pa' timbali na aku montumbuhimo aha mian nu Filistin?” Pa' aha obee'mo nu belento hi aha mian nu Israel? Panyo sinaa aijo' madi' tinaaman nu Tumpu Allah.

1 SAMUEL 14:37 ပူးပေါင်းရင်းမြစ်များ

2 SAMUEL 5:19

I Daud nompokilawamo hi Tumpu, “Pa' ku tumbuhimo na aha mian nu Filistin haha aijo'? Pa' obee'mo mae nu Belento na ka'untungan mahampate hi belengku?” “Tumbuhimo!” na koo-Nyo nu Tumpu. “Ku bee'mo na ka'untungan mahampate hibeleyum!”

2 SAMUEL 5:23

Po ule' mule' pinoita i Daud hi Tumpu pa' mosia na koo-Nyo nu Tumpu. Tinaaman nu TUMPU, “Boli montumbuhi aha lengkat i aiya, panyo lajangmo bangkualilit mae lengkat ihiku nu aha.

1 TOMU-TOMUNDO' 22:15

Salatan i Mikha tinokamo hi ahop i Tomundo' Ahab, i tomundo' nompokilawamo, “Pa' timbali na aku tiba i Tomundo' Yosafat mamba montumbuhi Ramot, kabai madi'?” “Tumbuhimo!” na koonyo i Mikha. “Mohumpakmo ka'untungan na mahampate. Tumpu na mombee'i ka'untungan mahampate hi belento Tomundo'.”

1 TOMU-TOMUNDO' 22:5

Panyo lebe ma'ima' opokilawanto pe'e hi Tumpu.”

YEHEZKIEL 20:3

“O, manusia anu madi' tumuu' batu, potatae hi aha to pola-polaya' haha aijo' ka' poto'i hi aha saba' Aku, Tumpu Anu Matangkas na Kuasanyo notatae mae sumo uuka, ‘Baani hondo mae na belemiu momoita pokinde' hi belengku! Atas sanggong-Ku, Aku Tumpu Allah anu tumuu', Aku madi'mo halala' na pomoitan mae pokinde' nu belemiu! Aku, Tumpu Anu Matangkas na Kuasanyo notataemo'.’

TO MIA-MIAN KOPIAN 1:1

Salatan i Yosua sinilakamo, aha mian nu Israel nompokilawamo hi Tumpu, “O Tumpu, tulunan nu bansa ihe anu aiya hi kami na tionyo ahi' momona mamba montumbuhi aha mian Kana'an?”

TO MIA-MIAN KOPIAN 20:18

Suludadu nu mian Israel aijo' nambamo i tampat ponsomban nu aha Tumpu kiijo' mae i Betel, ka' nompokilawamo hi Tumpu Allah, “O Tumpu, tulunan nu bansa ile na aiya hi kami na momona mamba montumbuhi aha mian nu Benyamin?” Tumpu nontaami, “Tulunan nu bansa Yehuda.”

1 SAMUEL 10:22

Kalana aitu to mia-mian nompokilawamo hi Tumpu, “O Tumpu, ugaat mian utu daagimo ko anu i aiya?” Tinaaman nu Tumpu, “I Saul natisulukmo kaiyong mae i padut i tampat pompo'una'an to paka-pakakas posadiaon.”

1 SAMUEL 23:2

Lantas pinokilawanyomo hi Tumpu, “Pa' aku mamba montumbuhi aha mian nu Filistin?” “Ii'” na tinaaman nu Tumpu, “tumbihimo na aha ka' posalamatakon na aha mian nu Kehila.”

1 SAMUEL 23:4

Kalana aijo' i Daud po ule' mule' nompokilawa salaku nomoita pokinde' hi Tumpu, ka' tinaaman nu Tumpu, “Boli bata-bata. Tumbuhimo na kota' Kehila kalana suludadu nu aha mian Filistin haha kiijo' ku bee'mo hi beleyum.”

1 SAMUEL 28:6

Lantas ia nompoitamo pokinde' lengkat hi Tumpu, panyo Tumpu madi' nontaami, mau pa' ingipi kabai maumo nompake Urim ka' Tumim da osumbu' na kahanda' nu Tumpu kabai pa' nu poto'i nu to nabi-nabi.