1 SAMUEL 14:35 - KITAB NU TUMPU ALLA LELE MA'IMAI'

³⁵ Lantas pinotinjomo i Saul na mezbah da bau ponsomban Tumpu; aijo'mo na mezbah anu momona binaunyo.

1 SAMUEL 14:35 ပူးပေါင်းရင်းမြစ်များ

2 SAMUEL 24:25

Lantas pinotinjomo i Daud na mezba i kiijo' ponsomban Tumpu lantas nonsombahkonmo koloban anu pinotunu ka' koloban anu bau pompodame. Tumpu nontalimamo do'a i Daud ka' panyakit anu momolele aijo' i Israel madi'mo nolele.

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

2 TIMOTIUS 3:5

Mau mule' otoa aha tulu-tulutan mompojalan apaa na koonyo nu agama panyo madi' montalima isinyo nu agama anu sahondo-hondonyo aijo'. Opimpali na to mia-mian anu sumo aijo'.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

TO MIA-MIAN KOPIAN 21:4

Dodododopnyo subu-subu hondo mian nu Israel nompotinjomo sa'angu' na mezbah i kiijo' lantas nonsombakkonmo hi Tumpu koloban anu opotunu tiba koloban bau pompodame.

TO MIA-MIAN KOPIAN 6:24

Lantas i Gideon nompotinjomo sa'angu' na mezbah ikiijo' ka' sinanggohannyo “Tumpu na Pinolengkatannyo mae nu Ka'ima'an”. Mezbah aijo' daagi' kiijo' i Ofra, aijo'mo kota nu aha mian Abiezer.

1 SAMUEL 14:34

Lapas aijo' po ule' mule' notatae na ia hi to mia-mian anu nomboa mae lele aijo', “Lako'mo na belemiu mamba dai-daiti na to mia-mian da'isan ka' pokau mae na aha momboa mae sapi' ka' domba nu aha i aiya da okolot i batu aiya ka' okaan i aiya; da boli aha mongkaan antoknyo susumo aijo' anu daagi kobaso'nyo ka' madi'mo baladosa' hi Tumpu.” Pihi-pihimo aijo' na aha mian da'isan nomboa mae binatang anu pinahuhuakonnyo ka' kinolotnyomo ikiijo'.

1 SAMUEL 7:12

Lapas aijo' i Samuel nompotinjomo sa'angu' na batu i potempasan nu Mizpa tiba Sen. Ia notatae, “Tumpu nontulungimo kita totu-totu'u” – lantas batu aijo' sinanggohannyomo “Batu Nontulungi.”

1 SAMUEL 7:17

Saja' sumo aijo' na nu bau, ka' de lapasmo ia minsusule'mo ilaigannyo kiijo' i Rama. Ikiijo' mae ia tinimbalimo mian kopian nu aha mian Israel, ka' mule' nompotinjomo sa'angu' na mezbah ponsomban Tumpu.

1 SAMUEL 7:9

Kalana aijo' i Samuel nongkolotmo sa'angu' na anak nu domba anu daagi bata'nyo lantas sinombahkonnyomo salaku bau koloban hi Tumpu anu opotunu. Lapas aijo' ia binalado'amo hi Tumpu da otulungi mae na mian nu Israel, ka' do'anyo aijo' tinalima-Nyomo.