1 SAMUEL 14:33 - KITAB NU TUMPU ALLA LELE MA'IMAI'

³³ Lantas pinoto'imo hi Saul sumo uuka, “Kita Tomundo', mian da'isan binaladosa'mo hi Tumpu kalana nongkaanmo antok nu binatang anu daagi' kobaso'nyo.” “Belemiu nambaumo anu madi' nu ka'i ma'i nu Tumpu!” sumo aijo' na iloboo'akon i Saul. “Lingginakon mae na batu mo uuka anu daka'.”

1 SAMUEL 14:33 ပူးပေါင်းရင်းမြစ်များ

KAJADIAN 9:4

Anu madi' timbali okaan nu beleyum aijo'mo ponoha' anu daagi' ko baso'nyo, kalana santuu'nyo kiijo' i uno nu baso'.

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

IMAMAT 19:26

Boli mongkaan baso'. Boli mompake pangatahuan.

IMAMAT 7:26

Mian nu Israel, maumo pa' iyamo mae na kajojoongannyo madi' timbali mongkaan baso' nu tomonsi' kabai baso' nu binatang sangga'at.

IMAMAT 7:27

Ihe na molanggai atulan aijo' madi'mo timbali oposoop mian anu pinalesayamo hi Tumpu Allah.

MATIUS 7:5

Ee baleko'! Alinakon pe'e na pangkot i posi mataum, timbalije beleyum montoa totu-totu'u, ka' timbali mongalinakon sangkunyit na kau' i mata nu utusum.

SISIKON NU TO RASUL-RASUL 15:20

Panyo kita tionyo montulis sulat toka hi aha ka' mompokinde'i aha, da aha boli mongkaan kaanon anu mahenyu, anu sinombahkonmo hi pilogot, kabai mongkaan ponoha' anu natemo tinekok, kabai mongkaan baso'. Ka' mule' da aha mompojo'on butong lengkat i kalakuan-kalakuan anu ma'idek.

ROMA 2:1

Mokonyo aijo', to Utu-utus, te ihe na kita Utus sahingga kita Utus mompisala'i mian sangga'at? Kita Utus madi' koko mohumpak apa-apaa de mompototu'u posi butong! Kalana de kita Utus mompisala'i mian sangga'at, yo aitu posi kita Utus suele mombau hia anu sumo hia nu aha, nyata' kita Utus mosi nabu'akonmo hukuman suele hi butong.

PO'ULE' INGULIT 12:16

Ola baso'nyo na madi' timbali okaan, panyo tionyo ahi' obubusakon i tano' susumo uee.

PO'ULE' INGULIT 12:23

Panyo antoknyo anu daagi' ko baso'nyo madi' timbali okaan, kalana nyawanyo kiijo' i uno nu baso'nyo ka' belemiu madi' timbali mongkaan nyawanyo tiba antoknyo.

PO'ULE' INGULIT 15:23

Baso'nyo madi' timbali okaan, panyo tionyo ahi' obubusakon i tano' susumo uee.”

1 SAMUEL 14:34

Lapas aijo' po ule' mule' notatae na ia hi to mia-mian anu nomboa mae lele aijo', “Lako'mo na belemiu mamba dai-daiti na to mia-mian da'isan ka' pokau mae na aha momboa mae sapi' ka' domba nu aha i aiya da okolot i batu aiya ka' okaan i aiya; da boli aha mongkaan antoknyo susumo aijo' anu daagi kobaso'nyo ka' madi'mo baladosa' hi Tumpu.” Pihi-pihimo aijo' na aha mian da'isan nomboa mae binatang anu pinahuhuakonnyo ka' kinolotnyomo ikiijo'.