1 SAMUEL 14:29 - KITAB NU TUMPU ALLA LELE MA'IMAI'

²⁹ Tinaaman i Yonatan, “Talalomo hondo na palentah nu tuumangku aijo' hi bansanto! Soba toa mae na butongku aiya nompaka pa'ima'mo salatan aku nongkaanmo ka' nonginumo juu' nu uani' aijo'.

1 SAMUEL 14:29 ပူးပေါင်းရင်းမြစ်များ

1 TOMU-TOMUNDO' 18:18

“Misa' aku na monsaduakon da saja' painggaga,” na koonyo i Elia, “panyo posi belento Tomundo'. Belento Tomundo' tiba sa'anakan nu belento Tomundo' na monsaduakon sahingga saja' painggaga. Kalana nonsombahmo pilogot nu Baal haha aijo' belento Tomundo' nolanggaimo iwi-iwi' na palentah nu Tumpu.

MAZMUR 13:3

Hipian na kopinnyo na aku tionyo ahi' montanggung kasusa'an, ka' mongoa'i susa' na kinyonyoa sansina-sinaa? Hipian na kopinnyo na aku nukuasai nu sampobali'ku?

YOSUA 7:25

Lantas notataemo na i Yosua hi Akhan, “Kadaka' beleyum nompotokamo mae kasusa'an hi kita? Uuka aiya Tumpu mompotokamo mae kasusa'an hi beleyum!” Sahingga i Akhan tiba aha sangauwan pinahambunu'akonmo nu batu sampe i nate, nu aha iwi-iwi' mian nu Israel. Iwi-iwi' na halata'nyo ka' to bala-balang anu tinomangnyo pinaha papuanmo ingko-ingkot.

1 SAMUEL 14:28

Lapas aijo' sala' samian na suludadu haha aijo' notataemo hi ia, “Kami iwi-iwi' madi' mo moko ala mombau apa-apaa kalana no'ohopmo. Panyo tuuma nu belento Tuan nompopobuhukmo kami nu sumpa'nyo, tukoonyo, 'Nukona nu kutuk na mian anu mongkaan sinaa aiya.’ ”

1 SAMUEL 14:30

De mian da'isan sinaa aiya opobee' mongkaan kaanon anu pinahuhuakon salatan nompatundu'mo sampo bali' tantu lebe manjoo' na aha mian nu Filistin anu pinateanto!”