1 SAMUEL 14:27 - KITAB NU TUMPU ALLA LELE MA'IMAI'

²⁷ Panyo i Yonatan madi' nonsumbu' tuumanyo taalu' nompopobuhukmo mian da'isan nu kutuk aijo'; kalana aijo' sinusukakonnyomo na tokonnyo i juu' nu uani' aijo' lantas ingalanyomo ka' inginumnyomo na juu'nyo aijo'. Sinangkinihap na ia, nongoa' imo butongnyo na ima'mo ka' nompaka pahosonmo.

1 SAMUEL 14:27 ပူးပေါင်းရင်းမြစ်များ

AMSAL 24:13

O anaku kaanmo na potik nu uani' kalana aijo' ma'ima'. Susumo ju' ingla ipotik nu uani' matami' na okaan,

AMSAL 25:26

Mian anu manonong anu ta aluk mo hi mian anu palaganta sumomo mata nu uee anu mohibu kabai bubung anu nahumimi'mo.

1 SAMUEL 14:28

Lapas aijo' sala' samian na suludadu haha aijo' notataemo hi ia, “Kami iwi-iwi' madi' mo moko ala mombau apa-apaa kalana no'ohopmo. Panyo tuuma nu belento Tuan nompopobuhukmo kami nu sumpa'nyo, tukoonyo, 'Nukona nu kutuk na mian anu mongkaan sinaa aiya.’ ”

1 SAMUEL 14:29

Tinaaman i Yonatan, “Talalomo hondo na palentah nu tuumangku aijo' hi bansanto! Soba toa mae na butongku aiya nompaka pa'ima'mo salatan aku nongkaanmo ka' nonginumo juu' nu uani' aijo'.

1 SAMUEL 14:43

Lantas notataemo na i Saul hi Yonatan, “Apaa na anu binaumo nu beleyum?” Tinaaman i Yonatan, “Aku nongkaanmo ka' nonginumo sangkiding na juu' nu uani' anu ingalangku sinusukku nu puusnyo nu tokonku; bakasmo da aku silakamo.”

1 SAMUEL 30:12

ka' suele binee'anmo kukis bua'nu anggur na binau ka' uampumpung na anggur anu nahamo. Salatan kinaannyomo ia po ule'mo nahoson; taalu' tolunsinaamo na ia madi' nongkaan ka' nonginum.