1 SAMUEL 14:24 - KITAB NU TUMPU ALLA LELE MA'IMAI'

²⁴ I sinaa aijo' aha to mia-mian nu Israel kahomo i lundeng kalana no'ohopmo, kalana i Saul binasumpa'mo sumo uuka, “Mohumpak kutuk na mian de mongkaan maumo pa' apaa, sinaa aiya de ma'isa pe'e ku balosakon na sampo bali'ku.” Kalana aijo' madi'mo kino samian pe'e na nongkaan i sinaa aijo'.

1 SAMUEL 14:24 ပူးပေါင်းရင်းမြစ်များ

MAZMUR 18:47

Tumpu tumuu'! Ku puji' na anu nontinjohimo mae aku! O Puji' na Tumpu anu talasanggo nomposalamatmo aku!

AMSAL 11:9

Sisik nu mian anu ma'idek na kinyonyoanyo momboa kasilaka'an; panyo kapandean bapikin mian anu manonong momposalamat.

IMAMAT 27:29

Maumo manusia anu samata-mata obee'mo hi Tumpu da osilakaimo madi' timbali otobus ia tionyo ahi' opateimo.

IMAMAT 5:4

De daagi' ko mian anu sinala'mo kalana binasumpa'mo i han anu madi' totu'u da mombau maumo pa'a apaa, ka' lapas mae sinsumbu'je apaa na anu binaunyomo.

NOMBILANGMO 21:2

Lantas mian nu Israel nonjanji'mo sumo uuka hi Tumpu, “De Belento mombee'i mae kami ka'untungan mahampate mongewa bansa aijo' aha tiba kota nu aha haha aijo' o ideimo mami ingko-ingkot.”

NOMBILANGMO 5:21

o amalakon hi Tumpu na mompotimbali sanggo nu beleyum timbalimo kutuk na sumpa' nu beleyum hi bansa nu belemiu. O amalakon da Ia mompotimbali jalempakan nu beleyum mingkihu-kihutmo ka' kompong nu beleyum sombakmo.

ROMA 10:2

Aku baani na montaloakon aha makeke hondo na palesaya hi Tumpu. Panyo keke nu aha aijo' madi' mimpu'u i kapandean anu lengkat mae hi Tumpu.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

YOSUA 6:26

Tempo'nyo aijo' i Yosua nompoto'imo palentah madi' mompobee' sumo uuka, “Maumo pa' ihe na ko kahanda' po'ule' mombau kota aiya, mohumpak kutuk nu Tumpu. Ihe na mombau mesennyo bau pompotinjoan kota aiya anaknyo tumpe sila kamo; ka' ihe na mombau sabatannyo anu to daka-daka', anaknyo tampalui' silakamo.”

TO MIA-MIAN KOPIAN 1:28

Memang salatan mian nu Israel nompaka pahosonmo i han iwi-iwi', aha nompakisamo mian nu Kana'an da mombauakon kalaja nu aha, panyo aha madi' nolaa' aha mian nu Kana'an aijo' da boli jojoong ikiijo'.

TO MIA-MIAN KOPIAN 5:2

Opuji' na Tumpu kalana suludadu iwi-iwi' nu aha mian Israel mongka'oho'mo mahampate, ka' mian da'isan suele mongka'oho'mo mamba mahampate.

1 SAMUEL 14:25

Lapas aijo' tinokamo na aha iwi-iwi' i sa'angu' na alas ka' nohumpakmo manjoo' hondo na juu' nu uani',

1 SAMUEL 14:39

Aku bajanji' tiba sanggo nu Tumpu anu tumuu', anu nombee'imo ka untungan nahampate hi aha mian nu Israel, saba' mian anu kosala'nyo tionyo ahi' ohukum mate, mau mule' ia i Yonatan anaku momo'ane.” Panyo mau pe'e samian madi' ko anu nontaami ia.

1 SAMUEL 18:25

Lantas sinaimo i Saul na aha da mompoto'i hi Daud sumo uuka, “Anu nu poita i tomundo' salaku sompa'nyo ola 100 na kilit nu kamo anean anu nu aha mian Filistin salaku bau pombalosi sampo bali' i tomundo.” (Sumo aijo' na i Saul nombau tanga'an da i Daud opateimo nu aha mian Filistin.)