1 SAMUEL 14:15 - KITAB NU TUMPU ALLA LELE MA'IMAI'

¹⁵ Apaa na anu jinadimo aijo' nompotolokengkengmo aha mian nu Filistin anu kiijo' i binakemah'an ka' anu jojoong i tampat anu ola saja' padang. Iwi-iwi' na aha mian nu Filistin tibamo iwi-iwi' na ponjaga'an ka' mule' gombuan iwi-iwi' nu tololang nabuhukmo sadaang tano' ginayu'an ka' pikilan nu aha mule' kinalangkabutmo.

1 SAMUEL 14:15 ပူးပေါင်းရင်းမြစ်များ

KAJADIAN 35:5

Salatan i Yakub ka' aha iwi-iwi' sa'anakan nambamo, Tumpu Allah nompobuhukmo anu jojoong i kota haha aijo' iwi-iwi', sahingga aha nabuhukmo, jadi aha madi'mo nololoi' i Yakub ka' sangalunyo iwi-iwi'.

2 SAMUEL 5:24

De nu hongomo nu beleyum susumo mian anu lumajang mobalis ituu' nu kau' haha itina' tumbuhimo kalana Aku na lumajang mamba momona mompatundu' suludadu nu aha mian Filistin.”

AYUB 18:11

Mian anu ma'idek na kinyonyoanyo pinotolokengkengmo nu anu okabuhuk hondo anu nolengkat mae iyaya; anu okabuhuk me saja' mombatuki ia maumo moyamo na molangkasakon tengke.

MAZMUR 14:5

Mian anu ma'idek na kinyonyoanyo saidi' mae mabuhukmo kalana Tumpu na monjagai ahi' mian anu tulu-tulutan hi Ia.

NOSABATMO 19:18

Songko-songko na Bungkutnyo nu Sinai sinaputmo nu tibuk, kalana Tumpu nintatau'mo aita' i uno nu apu. Tibuk aijo' kino puha-puhamo susumo tibuk i tampat anu pinapuanmo, ka' songko-songko na bungkutnyo ginayu'anmo hondo-hondo.

DANIEL 5:6

Ia inesemo hondo ka' nabuhukmo sahingga bukunyo i lakatnyomo.

MATIUS 24:6

Komiu mohongoje lintup nu pahampatean ka' lele nu pahampatean, panyo boli mabuhuk. Kalana hahan aijo' tionyo timbali, panyo aijo' misa' alati'nyo tempo'mo nu kakiamatan.

YOSUA 2:9

ka' notatae hi aha, “Ku sumbu' Tumpu nombee'mo lipu' aiya hi belemiu. Iwi-iwi' na mian aiya nabuhukmo hi belemiu.

TO MIA-MIAN KOPIAN 7:21

Aha iwi-iwi' satinjonyo i katinjoan nu aha toto samian montikubi kemah nu aha aijo'. Sahingga iwi-iwi' na suludadu nu aha sampobali' aijo' nompala'imo ka' madi'mo nompaha sumbu-sumbu' sangalu ka' lewa'mo naha loobo'an.

1 SAMUEL 13:17

Tempo'nyo aijo' totolu' na gombuan nu tololang nu aha mian Filistin lengkat mae i kemah nu aha mian Filistin tinokamo mae montomang; gombuan sa'angu' namba i sasu Ofra i daerah Syual,

1 SAMUEL 13:18

gombuan ko ohua'nyo namba i Bet-Horon, ka' gombuan sa'angu' mule' namba i potempasan anu mo ahop mokiijo' i Bangka'nyo Zeboim ka' i padang anu mateges.

1 SAMUEL 13:23

Aha mian nu Filistin nombaumo ponjaga'an da boli o agoi na sa'angu' na olotnyo nu bungkutnyo anu kiijo' i Mikhmas.

1 SAMUEL 14:14

Aituje momona na i Yonatan nontumbuhi tiba olitau aijo' nompateimo kila-kila aha uampulu' na mian i da'erah anu ko ewanyo sa'angu' na hektar obagi opat sambahagian na kajojoongan nu aha.

1 SAMUEL 14:16

Hau-haunyo aijo' suludadu i Saul anu nosa'angu'mo kiijo' i Gibea i daerah nu aha mian nu Benyamin notataemo koonyo aha mian nu Filistin naha popadeka'anmo ka'biningongmo.

1 SAMUEL 7:10

Tempo'nyo i Samuel nonsombahkonmo koloban anu pinotunu aijo' aha mian nu Filistin nontumbuhimo mae; panyo tempo'nyo aijo' suele Tumpu nompotokamo mae gohung aita i langit nokiijo' hi aha. Aha naha popadeka'anmo madi'mo sinumbu-sumbu' pa' moya moyamo na kalambanan.