1 SAMUEL 14:13 - KITAB NU TUMPU ALLA LELE MA'IMAI'

¹³ Tiba olitau anu nombatuki aijo' i Yonatan dinumadangkangmo nokiijo'. Salatan i Yonatan tinokamo i kiijo' noduale'mo na to mia-mian nu Filistin pinahan tabasakonnyo, ka' aitu mae suele ihikunyo olitau aijo' nompateimo aha.

1 SAMUEL 14:13 ပူးပေါင်းရင်းမြစ်များ

MAZMUR 18:29

Belento nontutungimo pansona'ku; Tumpu-ngku nonjingkaimo kapintungan aiya hi belengku.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 28:7

De belemiu otumbuhimo, Tumpuje na mohungku'i sampobali' nu belemiu. Mau tangatunmo ka' mahosonmo na aha montumbuhi mae, panyo aha malai ka' mosubali.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

IBRANI 11:34

nompateimo apu anu daka' na moaknyo, madi' pinoko ala tinabas nu bajak. Aha madi' mahoson, panyo tinimbalimo nahoson; aha baani na mahampate sahingga nompatundu'mo suludadu nu bansa anu i salipu'an.

YOSUA 23:10

Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.

TO MIA-MIAN KOPIAN 9:54

Lia-lia' na i Abimelekh nolaga olitau anu nontoongakon bau pimuhuknyo ka' notatae, “Keat na bajak nu beleyum ka' pateimo mae na aku; aku madi' mongka'oho' nusanggohi nu mian tukoonyo aku pinatean nu boune.” Sahingga olitau aijo' nonjalo'mo ia sampe sinilaka.

1 SAMUEL 14:12

Ka' mule' aha nolobo'mo nokiijo' hi Yonatan ka' hi posaihonnyo “Imbo' po uuka mae da opotoa mami na apa-apaa aiya hi belemiu!” Lantas notataemo na i Yonatan hi olitau aijo', “Batuki mae na aku kalana aha binee'mo nu Tumpu hi Israel.”

1 SAMUEL 14:14

Aituje momona na i Yonatan nontumbuhi tiba olitau aijo' nompateimo kila-kila aha uampulu' na mian i da'erah anu ko ewanyo sa'angu' na hektar obagi opat sambahagian na kajojoongan nu aha.