1 SAMUEL 14:12 - KITAB NU TUMPU ALLA LELE MA'IMAI'

¹² Ka' mule' aha nolobo'mo nokiijo' hi Yonatan ka' hi posaihonnyo “Imbo' po uuka mae da opotoa mami na apa-apaa aiya hi belemiu!” Lantas notataemo na i Yonatan hi olitau aijo', “Batuki mae na aku kalana aha binee'mo nu Tumpu hi Israel.”

1 SAMUEL 14:12 ပူးပေါင်းရင်းမြစ်များ

KAJADIAN 24:42

Ka' salatan aku tinokamo i bubung u'uka, aku binalado'amo i uno nu kinyonyoa, 'O Tumpu, Tumpu Allah nu tuanku i Abraham. Pohumpakakon mae o Tumpu da apaa na anu ku kalaja ko hasinnyo.

KAJADIAN 24:48

Aku dinumaladupumo nonsombah ka' nompuji'mo Tumpu, Tumpu Allah nu tuanku i Abraham. Ia nolaya'mo mae aku tinoka-toka i aiya, hi sampoto utusan nu tuanku sahingga aku nongkabotmo langkoyang aiya bau bengkele' nu anaknyo.

2 SAMUEL 5:24

De nu hongomo nu beleyum susumo mian anu lumajang mobalis ituu' nu kau' haha itina' tumbuhimo kalana Aku na lumajang mamba momona mompatundu' suludadu nu aha mian Filistin.”

2 TOMU-TOMUNDO' 14:8

Lapas aijo' i Amazia nonsaimo mian namba hi Yoas tomundo' nu Israel, mompoto'i da ia mongewamo aha mahampatemo.

TO MIA-MIAN KOPIAN 4:14

Lantas notataemo na i Debora hi Barak, “Donganmo, tumbuhi! Tumpu na molaya' belemiu. Sinaa aiya Ia mompo'untungmo belemiu mahampate mongewa i Sisera.” Sahingga nintatau'mo mae na i Barak lengkat mae i Bungkutnyo nu Tabor hingga-hinggat tiba aha sampulu' na madala na miannyo.

TO MIA-MIAN KOPIAN 7:14

Sangalunyo nontaami, “Ibeh, itina' na ugat ahi' bajak i Gideon anak i Yoas, mian nu Israel aijo'! Aijo' alati'nyo Tumpu Allah nombee'mo ka'untungan hi ia mahampate mongewa mian nu Midian tiba iwi-iwi' na suludadunto!”

TO MIA-MIAN KOPIAN 7:15

Salatan i Gideon nohongomo anu ingipi nu mian aijo' tiba mule' alati'nyo, ia tinolodadupumo nonsombah Tumpu Allah. Lapas aijo' ia ninsusule'mo i pinombauan kemah nu aha Israel ka' notatae, “Pahapotoukamo! Tumpu mombee'imo ka'untungan mahampate mongewa suludadu nu aha Midian!”

TO MIA-MIAN KOPIAN 9:54

Lia-lia' na i Abimelekh nolaga olitau anu nontoongakon bau pimuhuknyo ka' notatae, “Keat na bajak nu beleyum ka' pateimo mae na aku; aku madi' mongka'oho' nusanggohi nu mian tukoonyo aku pinatean nu boune.” Sahingga olitau aijo' nonjalo'mo ia sampe sinilaka.

1 SAMUEL 14:10

Panyo de nu laga nu aha na kita mamba hi aha, kita mambamo mokiijo', kalana aijo'mo na tandanyo aha nu bee'mo nu Tumpu hi kita.”

1 SAMUEL 14:13

Tiba olitau anu nombatuki aijo' i Yonatan dinumadangkangmo nokiijo'. Salatan i Yonatan tinokamo i kiijo' noduale'mo na to mia-mian nu Filistin pinahan tabasakonnyo, ka' aitu mae suele ihikunyo olitau aijo' nompateimo aha.